فيه حاجة معينة مخلياكي حابة تقعدي لوحدك؟ أم هو شعور كدا من الطفولة؟ أم ظهر فاجأة بدون سبب؟ أنا هخمن إن الشعور دا ظهر فجأة ودا هيكون بسبب فترة المراهقة لإنك قولتي انك في ثانوي، والفترة دي بتبقى تغير هرمونات وتغيرات تانية بتسبب حساسية شوية عند الشخص وبتخليه يعزل نفسه عشان يداري التغيير دا وهيتعود على العزلة دي بدون مايحس. فالحل في الحالة دي انك توعي نفسك وتثقفي نفسك عشان تعرفي ان دي حاجات عادية بتحصل لكل إنسان ومفيش داعي نخاف منها ونداريها دي حاجة عادية جدا وابني ثقتك في نفسك وماتفكريش في كلام الناس هيقولوا عنك ايه؛ انتي مهما كنتي الناس هتتكلم برده فماتفكريش في كلامهم عنك لإن دا هيخليكي تعتزلي اكتر، واخرجي واتكلمي واتعاملي وروحي دروسك عادي وثقي في نفسك تاني وماتسمحيش لحد يحاول يقلل من ثقتك بنفسك.
انا عادي واثقه في نفسي و مبهتمش لكلام حد ، بس مبحبش الناس عشان بحس إنهم بقوا بيعملو حاجات غلط كتير و حرام و كمان بحسهم صداع مبيحبوش الهدوء ونا بحب العزله عشان بيبقا الموضوع هادي اكتر و مريح لأعصابي ، يعني مثلا بينما الناس بتحب تسمع اغاني و بتخليها جزء من يومها انا بصدع منها جدا و مبحبش اشغل الحاجه بصوت عالي ولا الضحك بصوت عالي ، مبحبش الرغي الكتير بيصدعني ولا بحب الخناقات و المشاكل و بحس الناس بتحب المشاكل او عايشه عليها هي و الصوت العالي ، ف بقيت بتعب من القاعده معاهم و التعامل معاهم بيخلني بصدع و بحس ب غرابه ، بالذات بنات سني بحسهم مبيهتموش غير ب الميكب و الأغاني و التعرف ع ولاد و اللبس ونا بحس دي مش اهتماماتي و مش عايزاها تبقا منها ، مش لاقيه حد يشجعني ع حاجه صح او حتى يكون بيشارك نفس اهتماماتي ف دة بيحسسني ب غرابه بين الناس اكتر و رغبه ف عدم التعامل معاهم و نفسيتي بترهق لما بنعامل مع ناس كتير يعني بخرج مره بقعد عليها شهرين منزلش عشان ببقا مش عايزه اشوف ناس تاني ، و ده مخلي الموضوع صعب عليا و بقيت اخاف من الي بعد كدا ذي الجامعه و الشغل كل الي ف سني متحمسين ليهم إلا انا خايفه عشان هضطر اتعامل مع ناس اكتر
تم النشر الأحد، ٢٢ سبتمبر ٢٠٢٤
لعرض الإجابة في فدني اضغط هنا