مش عارف ابدا منين بس هحاول أوضح الصورة بأفضل شكل ممكن
انا شاب فى ال٣٥ كنت دائما من الشخصيات المحترمه والملتزمه الي حد ما وجدت فتره التزمت دينيا واطلقت لحيتي وفعلا كنت بجاهد نفسي وكان معي أحد اقربائى وصحبه تعبني علي ذلك ولكن ده كان في محافظة تانيه لاني كنت بشتغل مع اقاربي في نفس البلد دى
وجاء فتره سبت الشغل ورجعت مع بيت اسرتي
وحسيت واحده واحده أني ببعد عن ربنا وشهوتي للنساء بتزيد ودى كانت فتره كمان فيها قلة شغل
وزاد الشغف في اني اتعرف علي واحده واتنين وثلاثه انسه او منفصله ووجدت نفسي مع الوقت زى الحيوان لو كلمت واحده انسه مثلا نتكلم في الجنس وخلافه ولو مش انسه نفس الكلام وتتطور الموضوع اني أقمت علاقه جنسيه والعلاقه جابت علاقه وبقيت اميل اكتر اني اتعرف علي اي واحده متكونش انسه لاني هيكون بعدها هدفي اني اعمل علاقه معاها وتعدى شهور وسنين وحتي لو قربت من ربنا بس الفكر الوسخ ده بقا هو السائد ده هو اللي في دماغي وحتي لما بقول اتعرف علي واحده اتجوزها من برامج الزواج مثلا بلاقي نفسي حتي لو اتعرفت علي انسه مش بفرح زى لواتعرفت علي مطلقه بلاقي نفسي عنيا تلمع زى اللي بيكون ليا فريسه ما انا خلاص بقيت حيوان شايف كل الستات حاجه مباحه بالرغم من اني بحس ندم الدنيا لو عملت علاقه قذرة مع حد بس مش عارف ازاي اطرد الفكر الوسخ ده
والله ده ما كان مبدأى ولا تربيتي ولا ديني ابدا
انا عارف ان الكل هيشوفني انسان زباله
بس والله انا بصلي دلوقتي ويجاهد نفسي جدا اني ما انظرش النظرة الوسخه دى لاي واحده وبدعي ربنا يرزقني ببنت الحلال
بص انا هقولك انا بسمى الموضوع ده الزحليقة هو ربنا قالنا ولا تتبعوا خطوات الشيطان ...بس الانسان مننا بيتغر بنفسه وبالالتزام بتاعه ويفتكر ان ده حصن منيع بقى . فانت تاخد اول خطوة وتلاقى نفسك اتزحللقت لحد تحت . عشان تطلع من تحت بقى محتاج مجهود كبير تانى عشان وانت طالع الزحليقى بالعكس هتتزحلق بردوا اى حاجة دخلت فى مرحلة الاعتياد ...افضل حاجة ليها الصيام انوى صيام لمدة ايام متتاليه على قد ما تقدر ( ده هيضعف الشهوة اولا ) وهيخليك عندك اسباب منطقيه اكتر انك متعملش حاجة من نفس الشاكله . توبة صادقة متجددة غلق لكل السبل اللى بتجيبك من اول الزحليقى تانى ( حتى لو مشيت بموبايل مكالمات بس لفترة ) ارجع تانى لصحبه صالحه تعينك اسأل الله المعونه فى الامر فهو خير المعين بص لنفسك بعين الضعف ومتتغرش ومتتغرش ومتتغرش .,.الفكر ده من الشيطان ..لو كل ما جاتلك الفكره قومت قوبت نفسك بصفحة من القران او ركعتين ...الشيطان نفسه هيزعل وهيبطل يوسوسبك بيها . جرب كده وقولى النتيجه
تم النشر الثلاثاء، ٣١ أكتوبر ٢٠٢٣
هو يبدو أن الموضوع قلب عندك بما يشبه الإدمان - يعني أنت عارف أنه خطأ والدافع له لم يعد بنفس قوة الدافع الذي كان يدفعه الفضول وفورة الشهوة أول مرة سقطت في المعصية ولكنك تشعر أنك دخلت حلقة مفرغة لا تملك إلا أن تدور فيها حتى وإن قل الدافع كما يفعل المدمن على التدخين الذي يعلم تماما أضرار التدخين والحل العملي هو أن تضع نفسك في الموضع الذي تحارب فيه الظروف معك لا عليك .. مثلا أن تلتحق بعمل أو أكثر من عمل لا يدع لك مجالا للتفكير في هذه الأشياء السافلة .. فيكون الشعور بالمسؤولية وخوفك من التقصير أو فقدان العمل ضاغطا عليك فلا يسمح لك بالانشغال بأمور الشهوة لأنك تعلم أن عاقبة ذلك ستكون سريعة وكما قلت نفسك لم تلجأ لهذه المنكرات إلا في فترة قلة الشغل وطبعا الحل الأفضل من ذلك هو التعجيل في أمر الزواج واختيار الزوجة الصالحة وقبله لابد أن تسبقه التوبة النصوح من كل خضت فيه من قاذورات والامتناع عن مشاهدة كل ما يثير الشهوة الجنسية
تم النشر الاثنين، ٣٠ أكتوبر ٢٠٢٣
التزم ف الصلاه وادعي وكلم ربنا وربنا خير معين عاوزه اقولك ان الشيطان مش بيوسوس غير للناس الكويسه عشان تبقي وحش لحد اما تضيع نفسك وبيشوف غيرك هو كدا بيوسوس للناس اللي عارفه ربنا اما اللي مضيع نفسه دا هيوسوسله ليه مهو كدا كدا مش هيفيده بحاجه حاول علي قد متقدر تقاوم شيطانك طبعا انت عارف ان الشئ اللي انت بتعمله دا عاقبته اي عند ربنا طبعا دا من اكبر الفواحش اهم حاجه التوبه الصادقه واحب ابشرك ان انت ربنا عاوزك تتغير للاحسن عشان كدا زرع فيك الشعور ده طبعا انت لو حالتك الماديه كويسه ممكن تعمل عمره وتدعي وتبدأ بدايه جديده مع ربنا وان شاء الله خير بس حاول مترجعش للشئ دا تاني ممكن تقعد مع اي شيخ عندكو في مسجد او ف البلد بتاعتكو وتتكلم معاه وربنا يسعدك ويصلح احوالنا واحوالكم جميعا
تم النشر الثلاثاء، ٣١ أكتوبر ٢٠٢٣
لعرض السؤال في فدني اضغط هنا