اما تعبانه نفسيا بعد فسخ خطوبتي وخصوصا اني شخصيه بتعلق بسرعه بالناس وخصوصا خطيبي كان معوضني عم حاجات كتير كنت مفتقداه زي الحنيه والاهتمام والاحتواء وكل حاجه كويسه بس انا الي وصلته في الاخر انه يقول اننا مش هنكمل لاني جرحته كتير انا قلبي بيوجعني وبعيط كتير ومش عارفه اتصرف ازاي كل شويه ادخل ع صفحته واتبعاها انا كلمته كتير نرجع بس مش موافق وحاسه مبقاش عندي كرامه انا نفسيا مش قادره مواقفه حياتي وكل حاجه مش عارفه اعمل حاجه لانه كان مصدر اطمئنان وأمان ليا وتشجيع الحاجات دي كلها كنت مفتقداه لقيتها فيه بس للاسف مش حافظت ع النعمه دي
مش عارفه اعمل اي تنصحوني اتابع مع دكتور نفساني
وكمان سؤال ليه لما بدخل في اي علاقه عاطفيه يأذي الطرف الي معايا مع اني ببقى متأكده ان ممكن بسبب كدا يسيني ومع ذالك يستمر في الاذى لحد لما يبعد وبعدها اندم واعيط ومش اعرف اعيش حياتي طبيعي
بصي خلينا متفقين انه لو كان خير كان فضل ول كان نصيبك هجيلك انتي مش مصدر أذي لحد غير لنفسك فبطلي تلومي نفسك علي كل حاجه وبطلي تحسسي نفسك انها قليه ومتستهلش اي حاجه حلوة خلاص ده طريق كان مفتوح وإتققل وان شاء الله ربنا هيعوضك خير ابدأي بقي غيري من نفسك شوفي اي السبب الي بيخليكي تأذي نفسك والي حوليكي وتدريجي إبدأي عالجيه غيري طريقه تفكيرك ونظرتك لنفسك وصدقيني لما تبدأي تحبي نفسك بجد هتلاقي الي حواليكي حبوها ومش عايزين يسبوها بس فكرتك انك مش متقبله نفسك
تم النشر الاثنين، ١٥ أبريل ٢٠٢٤
حبيبتي التعلق ده مش حاجة صحية وده سبب فشل معظم العلاقات اهم من أنا ادخل علاقة اني اعرف يعني اي حب حقيقي يعني اي علاقة ناجحة وبعدين ادخل علاقة انتي محتاجة تصححي مفهومك عن الحب علشان تقدري تحبي وتتحبي ومينفعش نبني علاقتنا علي الاحتياج العاطفي لأن كدة بنأذي نفسنا والناس التانية الحب ملوش اسباب ولا مظاهر محددة
تم النشر السبت، ١٣ أبريل ٢٠٢٤
بلاش تلومي نفسك على حاجة هي أصلًا كانت هتحصل مكنتوش هتكملوا ع أي حال بس خلي اللي حصل ده درس ليكي اتعلمي منه وحسني من شخصيتك ببساطة لأن احنا دايمًا عايزين يوصلنا شعور الحب والاحترام من اللي قدامنا فبالتالي لازم احنا كمان نقدم ده متوقغيش حياتك ومتقلليش من نفسك اللي حصل حصل ربنا يهون عليكي
تم النشر السبت، ١٣ أبريل ٢٠٢٤
المشاعر رزق من ربنا وربنا قادر يرزقك بيها من شخص تاني استغفري انك اذيتي الشخص دا وظلمتيه وربنا هايرجعه ليكي او يرزقك بأحسن ان شاءالله
تم النشر الاثنين، ١٥ أبريل ٢٠٢٤
نصيحه متحوليش انك ترجعي للي جرحتيهم لأن الجرح مابيتنسيش بالساهل عليك أن تبدئي حياه جديده من غير ما تجرحي مشاعر حد و بياين من كلامك الندم ولكن احب اقولك أن الندم لا يفيد بعد فوات الاوان بس اتعلمي من اخطاء الماضي و ما تكررهاش في المستقبل و قدري النعم اللي ربنا يدهالك و حاولي قبل ما تجرحي مشاعر حد تسألي نفسك هو عمل اي يخليني اعمله كده هو اذاني في حاجة أو جرح مشاعري و لو عمل كده انا ينفع ابقى زيه. و عاملي الناس كما تحبي أن يعاملوك أن شاء الله ربنا يرزقك ابن الحلال اللي يحبك بجد و تحبيه و تحافظوا علي بعض
تم النشر السبت، ١٣ أبريل ٢٠٢٤
لعرض السؤال في فدني اضغط هنا