السلام عليكم ورحمه الله وبركاته بصي انا كنت لسه مجاوبه على حد تقريبا يعني الموضوع بيدور حوالين نفس النقطه لما بنكون طول الوقت مركزين على الناقص هنلاقي نفسنا يعني اندمجنا قوي في الحاله اللي انت فيها دي لحد ما توصل لان احنا بقينا شايفين الدن الحاجات دي بتخلينا نغرق في المساوئ بس لكن احنا محتاجين نفكر في الحلو بس برضه لا محتاجين نعمل توازن نبص على الحاجات الحلوه ونبص على الحاجات الوحشه طول اليوم هتلاقي فيه حاجات حلوه بتحصل وحاجات ثانيه وحشه بتحصل ده الطبيعي جدا جدا جدا فعايزين نبص على الاثنين طول الوقت.يا كلها سوداء وكلها وحشه وما فيش امل من ان اي حاجه تتحول للاحسن احنا مش محتاجين طول ثانيا بقى لما بيكون عندنا حاجات احنا زعلانين منها او عندنا مشاعر وحشه بنعبر عنها ازاي بنطلعها من جوانا ازاي ان لما بنكون بنطلعها بشكل غلط او ما بنطلعهاش اصلا كانت منها جوانا لاي سبب او لاي عذر ده بيخلينا محطوطين في الحته بتاعه ان احنا عمالين نحس بالضغط وبس وما بنتحسنش احنا مش عايزين طول الوقت نبقى حاطين نفسنا في الجزء ده احنا محتاجين نعبر عن اللي جوانا ونطلعه طب وبعد ما بنطلعه ما بيبقاش بشكل ان انا طول الوقت كاني بشتكي من الشعور اللي عندي لا انا باطلعه فعلا عشان اشوف انا هعمل فيه ايه نشوف بعديها هعمل ايه بعد ما حسيت بكده ها يعني خلينا نقول دلوقتي انك كنت واقفه بتعملي حاجه على البوتاجاز اتلسعتي ينفع تقفي عند شعور اللسعه تقولي بتلسعني بتدفعني بتوجعني بتوجعني اتلسعت تفضلي واقفه تقولي كده بس لا اكيد بعدها بتروحي تشوفي ايه الطريقه اللي هتداوي بيها اللسعه دي حطي عليها في الميه ولا في عندنا كريم بتاع الحروق ولا اا في ناس ممكن تحط عسل انت دائما بتلاقي نفسك بتروحي الايه هعمل فيها ايه لانك لو ما عملتيش فيها حاجه حالتها هتكون اسوا والاحساس اللي انت حساه بتاع اللسعه هيبقى فيه احساس بعديه اسوء اللي هو القلم اللي هيكون في الجلد فاكيد احنا مش محتاجين ان ده يحصل في نفسيتنا نعبر عن شعورنا ونشوف هنعمل ايه بعد ده علشان نداويه او علشان نمنع حدوثه مره ثانيه بس فين الكلام ده كله لو الكلام ده كله مش موجود لو احنا مش عاملين اي شكل من اشكال التحكم في الكلام ده وشايفين ان هو خارج قدراتنا في ان احنا نتحكم فيه مستنيين حاجات تانيه من بره هي اللي تضبط لنا الكلام ده كله فاحنا اللي بنحكم على نفسنا انه الحياه تفضل سوده وبس وما فيش حاجه تنور ابدا اتمنى انك تغيري طريقه علشان. لو انت عايزه تحصلي عاوزه توصلي لحاجه كويسه تقدري توصلي لحاجه كويسه حتى لو كان حلم راح احلام غيره علىالوقت نبص على مش محتاجينه طول الوقت نبقى مركزين في لو كان ده احسن لو ااا كنت هنا عملت ايه يعني؟
الالغاز اللى بتقوليها هى كلها بتدور حوالين البكاء على اللبن المسكوب ....كل ما تظهر لينا ملامح من اللى متوفقناش فيه فى الماضى ...بيجى الشبح بتاع ..ياريتنى وياريتهم وكنت هبقى فى مكان احسن من اللى انا فيه ...طول ما احنا سايبين البكره دى هتفضل الخيط يطول ويتعقد وكله بلا نتيجة لاننا لن نعيد الماضى ...مفيش زرار restart هنا او حتى اعادة ضبط المصنع ...طب والحل فى الوضع ده بيبقى ايه ...اننا نتحرك لقدام ومنتعقدش بالخيط اللى كله مشاعر قديمة ...يكفى اننا نعبر عنها ونعرف انها عدت ولو مش عاوزين الماضى يتكرر فاحنا ممكن نقرر قرارات تخص الحاضر عشان تبقى مشاعره افضل من الماضى
تم النشر الأربعاء، ١١ يونيو ٢٠٢٥
ما المشكله حتى لو انا عايزه ما بقاش في فرصه خلاص الجامعه ما بتقبلش غير حديث التخرج وغير كده انا حاسه جوايا مات حاسه في حته جوايا كده ماتت مش حوار بلوم على حد انا بلوم على الظروف اللي خليتهم يخلوا اشخاص تانيه تتحكم في قرارات مصيريه زي دي ونجينا نبص للموضوع من حته ثانيه هتلاقي ان الناس والاشخاص اللي اتحكموا في حياتك اصلا ومصيرك وكان ليهم كلمه عليكي مش عارفه انا بضحك ليه وانا هقول الكلمه دي مع اولادهم لا ما فيش الكلام ده ويمكن عشان انا بقول او زي ما قولت ولادهم انا عارفه ان انا مصعبه الامر عليك لان الامور مش واضحه وبتكلم بالالغاز بس انا جوه تعبان قوي حتى مع اللي انا وصلت له حساني فعلا مش تمام انا بجد ما بقيتش عارفه بضحك ازاي
تم النشر الاثنين، ٩ يونيو ٢٠٢٥
تم النشر الاثنين، ٩ يونيو ٢٠٢٥
فاللي بحاول اوصله ان الاشخاص اللي انا المفروض اسالهم هم الاشخاص اصلا اللي اللي اتسببوا في دمار كل حاجه وكانت حجاجهم تافهه يعني عايزه اوصل مثلا لو كانت مشكلتهم ماديه هو اه كان في وقت من الاوقات دي المشكله كانت ماديه بس انا شايفه ان كان في اطراف تقدر وجدا انها تساعدني طيب مش عايزه اطلب من حد حاجه انا في نفس ذات الوقت اللي الاشخاص دي كانت حواليا انا ما كنتش محتاجه مساعده حد انا اصلا كنت اقدر اساعد نفسي واصرف على نفسي زي كتير من شباب مصر بس هم حتى ما سامحوش بالخيار ده وغير كده كان عندهم حجه تافهه قوي عن اللي بيحصل في مصر اليومين وانهم خايفين عليا انا ما بقتش فاهمه حاجه وغير بقى اللي واخد لي المساله مساله مشوره عائليه لا ما تروحيش جايين دلوقتي بقى بعد فوات الأوان وضياع المبتغى موافقين عادي عايزين اشوف ايه اللي لازم علشان اعمله علشان اقدم واكمل جامعتي انا ببقى عايزه اضحك لما بيبقوا يقولوا لي كده بس مش ضحك هزار ولا فرح انا مش عارفه اوصفها حقيقي مش عارفه اوصلها ولا اوصفها لمجرد انهم عندوا مع بعض خلاص بقى متاح ليا ان انا اعمل اللي هم ما كانوش موافقين عليه انا مش عارفه انت فهمتي اللغبطه في الكلام دي كلها ولا لا بس بحاول اوصل لك الشعور اللي جوايا
تم النشر الاثنين، ٩ يونيو ٢٠٢٥
انا مش عارفه اشرح نفسي ما هو اساس المشكله انهم الحمد لله كلهم فاهمين الدنيا ومتعلمين وعندنا مهندسين يعني انا مش عارفه بجد اوضح انا محتاجه اقول ايه هم شايفين ان المهندسين اللي عندنا في البيت ما عرفوش يشتغلوا بشهادتهم طب انا ليه هتعب نفسي مع ان في كل مره كانوا بيقولوا لي اعملي كده بعمل كده المشكله ان انا كنت معاهم يمين دايما وكنت بستنى انهم دايما يوفوا بوعودهم مشكلتهم الاكبر انهم مش حاسين بيا ولا فاهمني
تم النشر الاثنين، ٩ يونيو ٢٠٢٥
تم النشر الاثنين، ٩ يونيو ٢٠٢٥
ما هي المشكله انا مش عايزه اقول مشكله انا بكرم ربنا يعني ما وقفتش عند الحته دي وسكت لا حاولت انمي مهارات اكتر فيا اعرف اكثر افهم اكثر اتعلم اكثر مش لازم عن حلمي بس وبقيت يعني في مكان كثير من شباب مصر يتمنوا انهم يعملوا زيي اصلا يعني مع نسبه البطاله اصلا ان الشباب فيها انا شايفه ان انا ربنا كرمني الحمد لله بس ردا على حوارك ان انا احاول اعالج اللسعه انا عالجت اللسعه بس لسه مكانها معلم يعني في الوقت اللي انا كانت الدنيا اتسدت في وشي اتعلمت عن ديني اتعلمت ازاي اقرا قران بطريقه صحيحه بقيت معلمه قران اتعلمت برده اكتر بقيت معلمه رياض اطفال تعلمت اكتر بقيت مساعده صيدلي اتعلمت اكتر بقيت شغاله في الاثنين اتعلمت واتعلمت بس لسه حته ان انا عايزه اتعلم مجال عمري معلمه جوايا هتقولي لي طب ما تتعلميه هقول لك ان المشكله ان العوامل اللي حواليا مش فاهمين ده ومش مساعدين في ده
تم النشر الاثنين، ٩ يونيو ٢٠٢٥
لعرض الإجابة في فدني اضغط هنا