السلام عليكم ورحمه الله وبركاته انا اخواتي كانوا ممتازين في دراستهم وكانوا بيطلعوا الاوائل دايما وهمادلوقتي واحد مهندس ودكتور وانا للأسف مش طالعه زيهم انا شاطره عادي بس انا اهملت دراستي ومركزتش فيها وركزت في حاجات تانيه والمشكله كل الناس شمتانه فياا اني مش زيهم حتي صحابي والناس لما بتعرف اني مش زيهم بتعمليني وحش وانا دلوقتي داخله تالته ثانوي ولو مجبتش مجموع حاجه طبيه يبقي خلاص كده انتهيت وساعات بفكر انتحر
حبيبتي انتِ ليه بتتكلمي كإن خلاص الفرصه فاتت؟ لسه الإمتحانات مبدأتش وتقدري تعوضي وتجيبي المجموع اللي نفسك فيه بإذن الله.. لكن لو هدفك تدخلي كليه طبية بس عشان ترضيهم تبقي غلطانه,, إدخلي الكلية اللي حاسه نفسك فيها وحابه تدرسيها حتى لو مش كلية طبية .. إعملي اللي عليكي وذاكري وإجتهدي وهاتي مجموع حلو و إدخلي الكلية اللي تحبيها ومتركزيش مع كلام أهلك او صحابك أو أي حد لأن دا مستقبلك وحياتك الشخصيه محدش هيعيشها مكانك وعرفيهم من الوقتي إنك لسه مش مقرره إيه الكليه اللي عايزه تدخليها ومش ضروري تدخلي طب عشان تثبتي نفسك , ما إنتِ تقدري تثبتي نفسك في أي تخصص تاني وتنجحي فيه بجدارة
تم النشر السبت، ٤ مايو ٢٠٢٤
فكرة الانتحار دى للأسنان الضعيف إلى معندوش إيمان شيليه من دماغك وملكيش دعوة بكلام الناس اعملى إلى عليكى ذاكرى وتحدى كلام الناس وصحابك خديه تحفيز ليكى اثبتي عكس كلمهم عارفة لما تعملى كل الى عليكى سواء النتيجة حلوة او وحشة مش هاترجعى تندمى لأنك عملتى إلى عليكى حتى اهلك مش هاتلاقي كلام سلبى لانهم شيفينك بتعملى إلى عليكى حطى حلمك قدامك وبدأى اشتغلتى وربنا بيكون شايف كل سعى احنا بنعملة وسيبى الباقى على ربنا وان شاءالله هايكرمك ربنا يوفقك
تم النشر الجمعة، ٣ مايو ٢٠٢٤
بلاش تفضل تفكر في فكرة الانتحار دي وتخليها تسيطر علي تفكيرك اعملي العليكي ولو ماجبتيش مجموع حاجة طبية بردو بس تبقي عاملة اللي عليكي وان شاء الله ربنا يوفقك لكن الناس مش عارفة انت تعبتي في المذاكرة مثلا او تعبتيفي امتحان كل ده الناس مش هتعرفوا ما عدا اهلك واهلك المفروض لما يشوفوكي بتعملي اللي عليكي ومركزة في دراستك ينبسطوا وان شاء الله تدخلي الكلية اللي عايزاها ومحدش بياخد غير نصيبه في الاول وفي الاخر ممكن حد دخل حاجة تانية غير هندسة وطب وفي المستقبل يبقى انجح في مجاله من اخواته واصحابه المهندسين والدكاترة بس اعملي اللي عليكي واجتهدي وان شاء الله تنولي اللي نفسك فيه ربنا يوفقك
تم النشر الجمعة، ٣ مايو ٢٠٢٤
وكمان الضجة بتاعت الكليات الطبية معدتش زي الاول الدكاتره والمهندسين في كل حته حرفيا كله زي بعضه في الكليه هتعرفي ان اللي بيفرق بين طالب والتاني اجتهاده فقط اي كانت الكليه اي
تم النشر الجمعة، ٣ مايو ٢٠٢٤
مش نهاية العالم والله سيبك من الناس وكلامهم واللي يعاملك وحش علشان بس مش زي أخواتك دول اتجهليهم دول ناس جهله والله وأنتي اجتهدي واعرفي ان النتيجه دي بتاعت ربنا ودي أرزاق ممكن يكون رزقك في مكان تاني وابعدي عن الانتحار لأنها اغبي فكرة ممكن يلجأ ليها أنسان عاقل وسوي عارف أن أهم حاجه احنا موجودين علشانها هي الآخرة أحنا هنا علشان نعبد ربنا ونفوز بالجنه سيبك من كلام الناس وبلاش تاخدي كلامهم على خاطرك لأنهم بجد ميستهلوش أنتي بس اعملي اللي عليكي وانتي مش مطلوب منك غير كدا
تم النشر الجمعة، ٣ مايو ٢٠٢٤
لعرض السؤال في فدني اضغط هنا