من وجهة نظري ان المشكلتين يبدا حلهم من المواظبة علي صلاة الفجر وبداية يومك من بعد الصلاة والاذكار مباشر اولا بالنسبه للتسويف ف في وقت الفجر بركة وطاقه مهوله تخليك متحمس تخلص اي حاجه عايز تعملها ومش هتاخد وقت فيها، وممكن تساعد نفسك انك تعمل قايمه بكل الحاجه واللي متراكمه عليك سواء كانت مهمه او لا وسواء هتعملها دلوقتي او لا وبعد كده هتبدت تقسمهم علي حسب اهميتهم بالنسبه ليك وبعدها تبدأ تنظمهم علي حسب كل حاجه هتاخد وقت قد اي وكل ده بردو هتعمله في صباح اول يوم تصحي فيه الفجر و بإذن الله ربنا هيوفقك فيه وخليك ديما و انت بتعمل اي حاجه خلي النية لوجة الله خالصة ، متوقع جدا انك انك ممكن تاجل الموضوع ده بردو ويكون من ضمن مشكلة التسويف 😅 ، ✓»لكن هحاول اوضحلك ازي تصحي الفجر اولا لازم تنام علي الاقل علي حسب التوقيت اللي احنا فيه من الساعه 10 وقبل ما تنام لازم تتوضي وتصلي ركعة وتر واحده وتدخل تنام من غير التليفون 😉 وتنوي انك هتصحي قبل وقت الفجر بنص ساعه علشان تصلي ركعتين قيام ليل وتقعد مستني صلاة الفجر ويستحسن قبل الاذان تروح للجامع وتاخد ثواب علي كل حاجه عملتها من قبل ما تنام لحد ما تختم الصلا ه ممكن يكون الشرح طويل صدقني الخطوات بسيطه ثانيا بالنسبة للعادة السرية والمشكله هتتحل معاك من ناحيتين اولا تعرف اكتر ع ربنا وتسمع ناس كتير بتتكلم عن العقاب والثواب والجنة والنار ممكن ارشحلك تسمح احمد عامر علي يوتيوب ،، ثانيا ترجع تروح الجيم تاني او اي رياضه تلعبها لان هتشغل وقتك وهي فعلا بتاثر علي الاعصاب وانت وحده وحده هتحس ان موضوع زي العادة السرية بياثر عليك بالسلب في التمرين فا هتبدأ تبطلها واحده واحده الموضوع صعب جدا وبالذات بسبب سهول وجود المثيرات لان حاول تتوب كل مره تعمل فيها خطاء زي ده او غيره عموما وادعي ربنا يبعد عنك هذا البلاء حاولت افيدك من تجربتي الشخصية بكل التفاصيل لان انا كان عندي نفس المشكله ومش عارف اخد حل من حد بطريقة مبسطة والحمدلله ربنا يسرلي طريقي وهداني عليه واسال الله ان يردك اي طريق الصلاح و الله اعلي و اعلم وخليك فاكر ديما قوله صلى الله عليه وسلم فيما يروي عن ربه: « من تقرب إلي شبرا تقربت إليه ذراعا، ومن تقرب إلي ذراعا تقربت إليه باعا، ومن أتاني يمشي أتيته هرولة».
يا رب تنجح المره دي و يكون في ميزان حسناتك ❤️
تم النشر السبت، ١٦ ديسمبر ٢٠٢٣
الاذكار تعتبر هتكون الحصن ليك بإذن الله
تم النشر السبت، ١٦ ديسمبر ٢٠٢٣
لكن انا على فكرة منتظم في صلاتي و كمان كل المحتوى اللي بحبه ديني ف عشان كده مستغرب من كل المشاكل دي و لكني مش مواظب على الاذكار هحاول اواظب عليها
تم النشر السبت، ١٦ ديسمبر ٢٠٢٣
شكرا جدا لحضرتك
تم النشر السبت، ١٦ ديسمبر ٢٠٢٣
لعرض الإجابة في فدني اضغط هنا