السلام عليكم ورحمه الله وبركاته. التعافي من النرجسي المفترض ان يكون في عندك مرحله عديتي عليها انك تكوني اكتشفت نفسك انت لوحدك بدون كل المنغصات او التحكمات اللي كانت عن طريق النرجسي لانه بيكون له علاقه بيكون ضحية النرجسي بدا يفقد ذاته يعني ما بقاش عارف نفسه اصلا فاتمنى انك تكوني عديتي على المرحله دي وتكوني بقيتي واعيه ليها جدا وتكوني متمسكه بيها وترجعيش ثاني تتراجعي بسبب اللي حصل من ابنك الفتره الحاليه. وترجعي ثاني تلفي نفس الدائره ثاني بس هيكون المره دي عن طريق ابنك العلاقه هنا مختلفه حقوقك زي ما هي انت حقك انك تشوفي حياتك من اوله جديده تتزوجي فاللي بتستنيه لحد دلوقتي ان قرار يجي من الاخرين ابنك او ولادك الاثنين لما قرروا يروحوا يقعدوا مع والدهم قرار كملهم هنا انت استجبتي لقرارهم وبنيتي حياتك بناء على قرار. ولما رجع ثاني بدات تبني حياتك ثاني على قرارهم فلحد امتى حياتك هتكون متوقفه على قرارات النرجسيين اللي في حياتك اللي قدامك فين قراراتك انت محتاجه انك تكوني عندك قوه اكثر قرارك وفي تنفيذه وهو ده اللي هيخليكي تغلبي اي شخصيه مؤذيه قدامك إن كان نرجسي او غيره وكان ابنك او طليقك او زوجك او او ايا كان محدش يقدر يكون مؤذي لك طالما انت بتقدري تقرري قرارات وتنفذيها فعلا وتبقي عارفه إن القرارات دي علشان تدعمي بيها نفسك في المقام الاول وكمان تكوني ما اذيتيش حد معاكي في الطريق فزواجك مش هياذي اولادك هم هيحاولوا يحسوك انك كده بتاذيهم ولكن هم لما اخذوا قرارهم فكروش اذا كان قررهم ده هياذيك ولا لا فأتمنى تكوني فهمتي الفكره وتمسكي نفسك ولمعرفتك عن نفسك ما تخليش حد يتحكم في حياتك بشكل مباشر او غير مباشر.
تم النشر الأحد، ٢٩ يونيو ٢٠٢٥
اما ابني قرر يرجع كان بعد ما هو كمان تصادم مع ابوه ومقدرش يكمل معاه وقرر يسيب البيت ويجي يقعد معايا انما اخوه مرضاش يجي وفضل انه يقعد مع ابوه النرجسي ال أخلاقه وحشه وطباعه صعبه على أنه يرجع تاني يعيش معايا فبيت جدته ويحس انه مذلول أو مش ساكن غبيته
تم النشر الأحد، ٢٩ يونيو ٢٠٢٥
عشان كده اخوه راح معاه وفضلوا هناك سنه ونص وقعدوا وقت كبير على ما أرادوا يكلمومي تاني ويحاول ينسولي ال حصل واني مشتهم مطرودين
تم النشر الأحد، ٢٩ يونيو ٢٠٢٥
بس هما ممشيوش بقرار ده كان نتيجه مشاكل كبيره معاهم عالمذاكره والصلاه وسن المراهقه وبدأ يبقا في تطاول لحد ما جبت اخري واتصلت بابوهم يجي ياخد الولد الكبير
تم النشر الأحد، ٢٩ يونيو ٢٠٢٥
لعرض الإجابة في فدني اضغط هنا