طيب ليه حضرتك مش بتابع مع حد نفسي طالما الحوار واصل للحد الكبير ده. وعلى فكره فوبيا الخوف من المرض والموت دي موجوده عند ملايين بااشكال مختلفه وبيتعالجوا وبيخف واطئه الأمر. حضرتك انا هقولك كلمتين يخص الدين كده بس عيزاك تتفهمهم مني بصدر رحب. طبعا ده مش معناه اي تقليل من كثافه وحدة مشاعرك وقد ايه هي متعبه وصعبه. عيزاك تنظر لربنا نظره المحب. بل ربنا محب غير اي حد بيحبك ربنا محب أتى بالخير بس ونهى عنه أي ظلم او شر. يبقى كل مايأتي من رب الخير هو خير. ثانيا نظرتك للإسلام وهو فكره التسليم لله واننا لانملك من الأمر شئ لا جسدك ولا روحك. ماتسيبها على ربنا لو جالك مرض هيحصل ايه؟؟ طيب مين قالك انك دلوقتي معندكش مرض وجسدك بيتعافى بالفعل وانت متعرفش اصلا. ثانيا ربنا بيرفع عننا صعوبه الاقدار وقت وقعوها. يعني وقت الكورونا هل كل الناس اللي توفت مكانتش هتموت الا لو كان الفيرس موجود؟. ده مجرد سبب واجلك ورزقك موجودين حضرتك خايف من ايه وعلى ايه.هل ربنا مكنش مقدر ده وكل اللي مشي كان كل رزقه اخده؟؟ هل حروب غزه دي تدل ان ربنا غافل عن عباده لو مفيش حرب كل روح أجلها اذن هتمشي. حضرتك ناس كتير بتبقي في أتم صحتها وتموت فجأه وناس تعبانه وتعيش اكتر. يبقي الحل ايه. احمده الأول كده بنفس راضيه ان كل مايأتي من خالقي اللي مهتم بيا ومحيط بحفظه ليا عمره مايضرني. المرض في ديننا منزله تطهير وتقرب لله مش اننا يجيلنا panic ونخاف. ليه بتقول ان الفيرس هو اللي ضيع مستقبلك مين قال لحضرتك ان نظرتك الوظيفه دي فعليا كانت خير ليك لو سافرت؟ مش يمكن كانت عشان تعرف انك عندك فيرس وتتعالج منه. الخالق عنده حكمه في كل جوانب حياتك محتاج تتعرف عليه وتغير منظورك عن فكره اعتناءه بيك. وتطلب انه يطمن قلبك ويهديك ويعافيك. الرسول قال سل الله العافيه❤️. حاجه كمان بتعافيك ساعد اي حد مريض بصدقه او زياره. ده هيزرع جواك قيمه الصحه وهتشكر ربنا عليها. طولت عليكي بس بلاش تنغمس في اخبار العالم مش هتستفاد غير القلق ومحدش ف ايده حاجه غير نفسه. أسعى ع نفسك والعب رياضه واتبسط بصحتك ونضف اكلك ونضف قلبك بالقرب من ربنا متقلقش ع بكره لا بمرض ولا بصحه.
يا الله!! حضرتك كلها مواقف تقيله اوي الله يصبرك ويرحم ماما ويعوضك خير عن أي خساير صعبه وتقيله كده. طيب بما انك واخد فكره مش لطيفه عن الدكاتره ممكن تجرب لايف كوتش يقولك بدايه الطريق يرتبلك دماغك بشكل تسلسلي زي ماانت عايز. يمكن كل الأفكار المتلغبطه اما تتحل تخفف شعور خوفك من المرض لانه واضح انه مش المرض ف حد ذاته. لحد ما بإذن الله ربنا يرزقك بشريك يكمل معاك الطريق بشكل الطف. بلاش تقفل ع نفسك الدايره حتي لو عندك عزيمه مشاركه المشكله مع حد متخصص هتحل اسرع وبشكل منطقي وهيكون مناسب اكتر.
تم النشر الاثنين، ١٤ أبريل ٢٠٢٥
يمكن تراكمات علي تراكمات و انا كنت بقاوم و اقاوم حتي في.وفاة امي استغربت انني كنت واقف شامخ عشان هي متقلقش عليا و اطمنها عليا و قاومت حاجات كتيرة مركبة شوية منغصات حياة كن اخويا ليا بدون سبب و شوية ترك خطيبتي الاولي لي بدون سبب بغد وفاة امي ب ٣ ايام فقط و خطبت تاني بعدها و سابتني برضو قولت اكيد فيا حاجه غلط مع انني لا بشتم ولا بزعق ولا بخيل يمكن طيبتي كانت بتتفهم غلط و فضلت سنين منعزل عن العلاقات و انخرطت في وحدتي و عملي و غربتي اللي دخلت الخوف جوايا و الوحده انسب الاجواء للخوف و برضو كنت مازلت بضحك و منطلق و بعمل رحلات سفاري لوحدي في الغربة علي الموتوسيكل بهرب من نفسي و وحدتي و طبعا مع عزلة كورونا الموضوع لقي اغلاق تام و مناخ مناسب لكل الوساوس ... صدقيني انا عارف ان الله جميل و رحيم ز ما بقتش طايق الدكانرة كن كثرة تعبي و ذهابي للطوارئ لاكن نفسي انام و اصحي و الاقي نفسي نسيت كل الاحداث اللي خلتني كده ... انا عارف الاسباب لاكن مش قادر ارتب البدايات و كش محتاج دكتزر يقوللي حاجه انا مش حاسسها عارف انني اقدر اقوم لوحدي بفضل الله كل مشكلتي بس انني تعبت في ترتيب ازاي ابدأ او امسك المسبب الرئيسي و اتبع الخيط التسلسلي في اسقاط الاحداث و الاعراض الوهمية ... الواحد مش محتاج دكتور ولا كلام معروف ثبل ما يتقال الواحد احبانا محتاج بس حد صادق يبطبطب و يسمع و يشجع ... و انا عارف ان جوايا طاقة كامنة انني ارجع و تقوي من الاول وبلا كلل او ملل الحمد لله ... عشان كده مش عارف بس اعمل ايه و ابدأ منين و انسي ازاي .. اما الموت انا مش بخاف منه نهائي اكثر شئ مش بحبه هو المرض و مش المرض لذاته لاكن لطول ايام الوجع و الالم اللي قضيت منها كتير لوحدي في الطوارئ في الغربة مرمي علي كرسي زي حيوان منتظر الذبح الواحد بتصعب عليه نفسه و من ضمن المرات لما دكتور شخط فيا لما كان عندي حصوة و بموت من الالم و جمسي كستحمي من العرق بسبب الالم و شخط و قال انت مش شايفني باكل ؟؟ و انرميت بوجعي والله ٣ ساعات منتظر المسكن حني اتت ممرضه خالفت الطبيب ده و اسعفتني و غيره اللي شخصني غلط و غيره اللي كان قاعد يضحك عليا و صديقي نفسه قاللي دا شكله دكتور مجنون قولت الحمد لله ان مش بتخيل اشياء ... يعني كذا حاجه في حياتي. و مواقف مركبة والله نادرة الحدوث مع الغير خلتني تقريبا مش نافع اكون انسان هادي و عادي تاني و مع ذلك مش هيأس و عدم يأسي هو ان كل الانبياء كانوا مبتلين ابتلاءات عظيمة فمن انا بجانبهم لكي لا اتحمل انا بس بقول يارب اللهم انني لا اسألك رد القضاء لز هذا قضائي ولاكنني اسألك اللطف فيه يا من لا تحمل كل نفس الا وسعها اللهم امين . و شكرا علي اهتمامك و اسف علي الإطالة.
تم النشر الأحد، ١٣ أبريل ٢٠٢٥
لعرض الإجابة في فدني اضغط هنا