أنتِ مش بتخافي تعترفي بالغلط قد ما بتخافي تتحطي في صورة الشخص الوحش، فكل مرة تغلطي عقلك تلقائي يدور على مبررات وتفاصيل تخفف عنك الإحساس ده. وعلشان كده حتى لما تعترفي، بيبقى اعتراف ناقص شوية، لأنك في نفس اللحظة بتحاولي تثبتي إنك اتدفعتِ للتصرف ده وإنك مش المسؤولة عنه بالكامل.أنتِ شايفة إن لكل رد فعل سبب يبرره، فبتركزي أكتر على إن الناس تفهم ليه عملتي كده، أكثر من تركيزك على إنك تتقبلي إن التصرف نفسه كان غلط فعلًا. وده اللي يخليكي أحيانًا تبقي في معركة دفاع عن صورتك قدام نفسك والناس، أكثر من اهتمامك بالموقف نفسه.
ويوفقك يقمر 🤭💓
تم النشر الخميس، ١١ يونيو ٢٠٢٦
دي شايلاهم لك كمان ربنا يكون فـِ عونك لازم تبقي محضره نفسك كويس للعتاب بقا ههه.صحاب عسل ربنا يخليكم لبعض..حاضر هدور🫡😂..ربنا يوفقكم
تم النشر الخميس، ١١ يونيو ٢٠٢٦
حاليا بفترة امتحانات ولما نخلص بقى نبقى نشوف الموضوع. وكل ما نتكلم تقولي انا راكنة اللي حصل بسبب الامتحانات. لما تخلص ابقى دوري ع حد يصالحنا بقى 😂
تم النشر الخميس، ١١ يونيو ٢٠٢٦
عادي ولا يهمك🤍 لا كدا بقا واضح إنها عايزاكي تبقي نفس أسلوبها في العتاب كمان 😂 بس بجد انتوا الاتنين محتاجين تقابلوا بعض في النص شوية، إنتِ تقللي دفاع وتبرير وهي تقلل زعل وعتاب على كل حاجة. لأن طول ما كل واحدة مستنية التانية تتغير لوحدها هتفضلوا تلفوا في نفس الدايرة..و ممكن تبدأى أنتِ لانك فاهمه المشكله اكتر ... وطالما بتحبوا بعض فعلًا فالموضوع يستاهل إن كل واحدة تهدي الدنيا شوية عشان التانية.
تم النشر الأربعاء، ١٠ يونيو ٢٠٢٦
هي لما بتضايقني وتلاقيني متجاهلة الحوار ومروحتش عاتبتها بتزعل هي وتخاصمني 😂الله المستعان والله.وآسفة لتضييع وقتك 🫠♥
تم النشر الأربعاء، ١٠ يونيو ٢٠٢٦
بصي بما إنها صحبتك وبتحبيها فعلًا، يبقى حاولي تبطلي تتعاملي مع كل عتاب كأنه معركة لازم تثبتي فيها إنك مش غلطانة. ساعات الشخص اللي بيحب العتاب بيكون كل اللي عايزه يحس إنك سمعاه ومهتمة بزعله، مش إنه يكسب النقاش.فبدل التبرير الكتير، جربي تسمعيها وتهدي الموضوع بكلمتين وخلاص مثلا تقوليلها حقك عليا و اعتقد دا هيبقي سهل عليكي لانك ما شاء الله دماغك كبيره و واعيه ف بالتالي ده هيختصر تعب كبير عليكِ وهيخلي المشاكل ما تكبرش كل مرة.و ممكن تحاولي تقوليلها ان العتاب علي كل صغيره و كبيره بيضايقك د لو انتي شايفه انها هتتفهمك.
تم النشر الثلاثاء، ٩ يونيو ٢٠٢٦
ما هو الاستفزاز اللي بيحصل بالموضوع اني بكون هادية وباردة جدا واللي هو أنا مش غلطانه. انتي السبب. وبصي بصراحة. الموضوع ده بيتكرر مع صحبة معينة وديما. ه صحبتي المقربة وبحبها جدا لكن أنا ديما من النوع اللي بتجاهل لو عملت حاجة تضايقني وبقول اكيد مش قصدها وعادي مش هتكررها تاني ومش مهم ومش لازم نزعل من بعض لأني مش بحب جو الخصام والعتاب وده بيرهقني جدا. خصوصا معاها. وأن هي بتموت في لحظات العتاب وتحب تضايقني عشان اعاتبها ومش عارفة ليه التفكير ده. بس احيانا اللي بتعمله ما اقدرش اتخطاه فبالتالي بتكون غلطانة. وبتحاول تصالحني وده مش بيحصل الا نادرا. ع عكسها بتقفلي ع الوحدة. حرفيا ع الوحدة وع اقل حاجة وتزعل منها وديما تقعد تراكملي كم موقف وتقولي احنا لازم نتكلم وبتكون مشاكل عبيطة وان انا لازم ابرر ل ده كله ونا الموضوع ده بدأ يرهقني. كتر العتاب. كتر ما هي بتزعل. بس هي صحبتي ومستحيل ابعد عنها.
تم النشر الثلاثاء، ٩ يونيو ٢٠٢٦
الشكر لله 🤍 وبصي عامة أنا شايفة إن الموضوع محتاج قرار منك أكتر من إنه حل سحري. لأن واضح إنك ساعات فعلًا بتبقي مش غلطانة، فطبيعي تحسي إنك مش قادرة تسكتي على الظلم وتقعدي تبرري نفسك. بس الفكرة إن مش كل نقاش لازم تكسبيه. أحيانًا الأحسن لنفسك إنك تقفلي الكلام بدل ما تفضلي تبرري وتتعبي نفسك أكتر. يعني حتى لو حد قالك إنتِ غلطانة، قولي ماشي معلش وخلاص اقفلي الموضوع، مش لأنك ضعيفة أو معترفة بحاجة، بس عشان تحافظي على هدوئك وما تدخليش نفسك في دوامة دفاع وتبرير.
تم النشر الثلاثاء، ٩ يونيو ٢٠٢٦
شكرا اوي لردك وهحاول اتصرف ان شاء الله ♥
تم النشر الثلاثاء، ٩ يونيو ٢٠٢٦
بصي جربي تفرقي بين حاجتين الحق، والطريقة. ممكن كلامك كله صح، بس الطريقة اللي بنقول بيها وقت العصبية بتخلي اللي قدامنا يقفل ودانه. فإحنا مش بنخسر عشان غلط، بنخسر عشان اتعصبنا. فلو حسيتي إنك هتنفعلي، قولي لنفسك جملة واحدة بس..أنا صح، بس مش لازم أثبت دلوقتي. اسكتي لحظة وبعدين اتكلمي. اللحظة دي هي اللي بتفرق بين إن الناس تسمعك أو تهرب منك.
تم النشر الثلاثاء، ٩ يونيو ٢٠٢٦
عشان كدة بدور ع حل يخرجني من الشعور ده. وقت المواجهة بنسى كل حاجة وبركز بس ان ده مش بسببي وان الخطأ مش عندي وبسبب كدة بيتجنبوا النقاش معايا وبعدها بستوعب فعلا اني غلطت. ربنا يهديني
تم النشر الاثنين، ٨ يونيو ٢٠٢٦
لعرض الإجابة في فدني اضغط هنا