كيف أتصرف في هذه المسألة العاطفية؟

Question

غصب عني انا بنت عندي 16 انا في حياتي كلها عمري ما ارتبطت والعبط ده وعارفه انه حرام وده غير اني من عيله محافظه والاختلاط عندنا ممنوع انا موضوعي ده بدأ يعني وانا في تانيه اعدادي متستغربوش كان ليا صاحبه وليها اخ فالاخ ده يبقي صاحب اخويا كمان البنت دي كان دايما تقولي هجوزك لاخويا والهبل ده بس انا مكنتش بحط في دماغي ولا اي حاجه بالعكس كنت بطنش ده هزار يعني وكده وجينا فتره بعدنا عن بعض بس يعني لسه صحاب عادي والحوار ده اتنسى وخلاص جينا في اولي ثانوي حسيت اني اتشديت ليه بقى في بالي دايما يعني بحاول بقدر الامكان اني اشيله من مخي بس زي ما يكون في حاجه مانعه انه يمشي من بالي بل في حاجه في مخي متيقنه اني هتجوزه والهطل ده حرفيا انا في صراع بين اني بحبه وجزء بيقولي لا بطلي هبل اكيد مش بيحبك وفوقي مينفعش الكلام ده افرضي في الاخر مش ليكي انتي الي هتتكسري وحرفيا هو من أحد اسباب اني مبعرفش انام من كتر التفكير فيه واه في مره كانت نتيجتي طلعت اخته جت وقالت لي ان هو قالها عني نتيجتي الصراحه استغربت بس يعني أنا عارفه اني صغيره على اللي هقوله بس حقيقي يمكن عادي يعني فا انا حقيقي مش فاهمه حاجه قولولي ايه الي انا فيه ده

Accepted Answer

بصي يا ست البنات اولا حاجة حلو انك ما ارتطبتيش قبل كدا دا في حد ذاته حاجة كويسة في الزمن الي احنا فيه دي لان الحرام في الزمن دي كتر وبقى بيتحلل على مزاج الناس ثانيا دا مش حب لان الحب دي مش اي كلام وخلاص كدا انت بس من كتر كلامك عليه مع صاحبتك اتعلقتي في الموضوع لكن غير كدا فا من وجهه نظري ان دا مجرد إعجاب بس مش اكتر فا حاولي تشيلي الموضوع دا من دماغك خالص وركزي في مذاكرتك وبالنسبة ان الموضوع في دماغك لدرجة انك مش عارفة تنامي فا لاء حاولي تشغلي نفسك بأي حاجة وخصوصا انك حاليا في اجازة صح يبقى مثلا اتفرجي على بودكاستات اقراي كتب اقولك حاجة روحي اتفرجي على كرتون اي حاجة إلهي نفسك بأي حاجة وخير أن شاء الله يا ست البنات♥️ بالمرة خليني اقولك اي هو الحب من وجهه نظري الشخصية اهيه حاجة ليكي للمستقبل♥️ الحب مشاعر غريبة بتحكم فيكي روحك مبروطة بروح شخص تاني مش من دمك ولا تربطك بيه اي صلة غير انك حبيتيه صدفة وقابلتيه فجأة بدون اي مقدمات مافيش قرارات في الحب أو اختيار هو فجأة كدا يسكن قلبك من دون أي قيود مافيش سبب للحب هو كدا يسكن قلبك من غير اسباب حاجة كدا ربنا يزرعها جوانا بدون اي مقدار او حسابات الحب اهتمام بكل تفصيل الشخص الي سكن قلبك عاوزة تسعديه بأي طريقة بتفكري في مشاعره قبل مشاعرك بتبعدي عن اي سبب ممكن يجرحه او يألمه بتحاولي تسعديه وترسمي ضحكته ولو شوفتي دموعه تحسي انها جمر بتحرقك عاوزة تعملي المستحيل علشان بس تشوفي ضحكته بيكون في امان واستقرار ومشاعر قوية لا يمكن تنهز ابدا بتتحملي حزمه وألمه قبل فرحه

Answer

أهلاً بكِ يا عزيزتي، معاكِ ذكية، ويسعدني أساعدك وأكون جنبك. بصراحة، اللي تمرين به طبيعي جدًا، خصوصًا في عمركِ وفي مرحلة المراهقة التي تكثر فيها المشاعر والفضول تجاه الأشياء الجديدة مثل الوقوع في حب شخص ما، أو التفكير فيه كثيرًا. هذه مرحلة انتقالية فيها تغييرات نفسية كثيرة، ومشاعر متضاربة، لذلك حساسيتك الداخلية يمكن أن تكون متخبطة بين الرغبة والتردد. دعيني أوجه لكِ بعض النقاط المهمة عشان تفهمي نفسكِ أكثر: المشاعر طبيعية : من الطبيعي جدًا في سنك أن تنجذبي لشخص حتى لو كنتِ مقتنعة أنه شيء ممنوع أو خطأ. هذا جزء من نموك النفسي والاجتماعي. الصراع الداخلي : الصراع الذي تحسيه بين "الحب" و"الرفض" نتيجة طبيعية لما تربيت عليه من قيم أسرية وثقافة محافظة، وهذا أمر جيد لأنكِ لا تتجاهلين هذه القيم بل تحاولين التوازن بينها وبين مشاعرك. بعد التفكير عنه : التفكير المتكرر يمكن يكون علامة على تعلق عاطفي، لكنه قد يتحول إلى تشتيت ذهني ومصدر قلق مثل ما كانت لكِ تجربة عدم النوم، وهنا أنتِ بحاجة لتشتيت ذهنك وتوجيه طاقتك لأشياء إيجابية، مثل تطوير مهاراتك، هواياتك، أو الدراسة. الواقع والمبادئ : من المهم أن تذكري نفسك دائمًا بالقيم التي تنشأتِ عليها، فلا تتسرعي في اتخاذ أي قرارات مرتبطة بالمشاعر دون استشارة عاقلة وناضجة. لا تعذبي نفسك : لا تضغطي على نفسك بتلك المشاعر، كل شيء له وقت مناسب، وأنتِ ما زلت في بداية مشواركِ. لو حسيتِ أن المشاعر بدأت تأثر على حياتك بشكل سلبي مثل النوم، التركيز، النفسية، لا تترددي في البحث عن الدعم من أهل ثقة أو التحدث مع أخصائي نفسي وهذا أمر طبيعي وحكيم. وأخيرًا، لا تنسي أنه من الجميل أن تكوني صادقة مع نفسك وتعبري عن مشاعرك بطريقة صحية وسلمية، ولا تسمحي لهذا الوضع أن يأخذ منكِ راحتكِ أو فرحتكِ. لو حابة، يمكنك مراجعة خبراء فادني النفسيين والاجتماعيين ليقدموا لكِ نصائح مخصصة تناسب حالتك بالتفصيل عبر https://www.fedni.net/experts. إذا حابة تكتبي لي عن أي شيء ثاني، أنا هنا معاكِ دائمًا. كيف بتحسي الآن؟ هل تودين نصائح معينة للتعامل مع هذه المشاعر؟

كيف أتصرف في هذه المسألة العاطفية؟

اجتماعية

حب

سؤال من احد أعضاء فدني

تم النشر الأربعاء، ٢ يوليو ٢٠٢٥

2 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك