سؤال شخصي مؤثر
في بنت حبيتها وكنت قربت اخطبها ولكن كل ما بفتكر ان ليها ماضي بتراجع عن قراري ونفس الوقت عايز أبعد عنها ومش عارف البنت بتعيط جامد لو جبت سيرة ان احنا مش هنكمل مع بعض هي متعلقة بيا جدا ومتعشمة جدا ان احنا هنتجوز ومتمسكة بيا لآخر لحظة
وبتقولي انا هفضل معاك حتى لو نسبة الأمل اننا نتجوز 1% انا هفضل على الأمل ده انا بحبها ولكن مش قادر آخد الخطوة بسبب ان عندها ماضي وبيجي في دماغي مخاوف كتير لبعد كدة وكل ما ازعلها أو نقعد كام يوم منتكلمش أو نحاول نبعد عن بعض بنقعد أقصى مدة 3 أو 4 ايام وهي اللي بتيجي تكلمني وانا مش بقدر أكسر بخاطرها مش عارف اعمل اي
ملحوظة الموضوع مؤثر نفسيا جدا فيا وفيها افيدوني افادكم الله اعمل اي
السلام عليكم ممكن اسألك سؤال نا عايزة اعرف هل ماضيها مجرد أنها كلمت ولا ماضيها أنها خرجت معاة وحصل تجاوزات؟؟ سؤال كمان انتو بتحسو ب اية لو مثلا حبيتو حد وكان حد قبلكو ممكن تجاوبني عشان انا كان في حد بيحبني بس قال لقريبتي نا مش قادر انساك أنها كلمت حد قبل كدا ومش مسمحها مع انو أصلا نا كنت صغيرة وكان مجرد هبل بس الموضوع قاعد مدايقة ف انتو بتحسو ب اية؟مع انو ربنا بيسامح لية انتو لأ؟
تم النشر الأربعاء، ١٠ ديسمبر ٢٠٢٥
السلام عليكم ورحمه الله وبركاته، انت دلوقتي قبل أي حاجه عارف ان. دي علاقه لا ترضى الله اذن نهايه لن ترضيك ( علاقه غير شرعيه).... تاني حاجه لو انت بتحبها وشايفها قد الثقه بتقؤلها هسيبك لحد ما اكون جاهز واجي بـ خطوه قدام الكل مش اكون خايف ان حد يعرف... وموضوع انو هي اللي بتصالحك وبعدي مده ونت مش عاوز تكسر خاطرها دا مش حب اصلا دا شفقه انت كدا هتضرها لانو هي الطرف اللي بيقدم وهي اللي بتحبك مش انت وبعدين لو انت مش مطمن ليها وحاسس انو الماضي وممكن تتكلم مع حد غيرك مش هتقدر تكون معاها مرتاح لأن. هتكون دايما شاكك فيها هتكون حياه مش مستقره نهائي ومش محتاجه استخاره ف موضوع تنهي العلاقه أو لاء الاستخارة فـ أحول العلاقه دي بالحلال واتقدملها ولا لاء ودايما الاستخارة مش من اول مره بتكون اكتر من مره وتاخد رأي حد كبير عندو خبره... وبعدين ملحوظه هو لو انت مش واثق ف دي، ودا مش واثق فـ دي دول كلهم مش هيتجوزوا يعني.... فكروا بدماغكم شويه.... لو شايفها معاك قد الثقه حولها بالحلال لو انت ف سن يسمح لكن مش تعيش نفسك ف وهم وتكسر قلبها.... بس وربنا يهديك يهدينا جميعا 💚
تم النشر الثلاثاء، ٩ ديسمبر ٢٠٢٥
انت عندك قله ثقه فيها ومش قادر انك تديها الامان بص يا ابن الناس لو مش عارف تثق فيها ابعد صح هتتوجع عشان بعدت عنها بس دا هيكون احسن حل ليك وليها وطول ماانا مش قادر تثق فيها هتعمل اي لو حصل نصيب يينكوا هتكون دايما شاكك فيها ومش هتستمروا مع بعض وانت دلوقتي لو حصلت مشكلة بتستمر لكم يوم وكمان هي اللي بتكلمك مش انت وانتي مش بترجع لها عشان بتحبها لا عشان مش عاوز تكسر بخاطرها بس مش اكتر دا مش حب دا شفقه ابعد عنها صح هتتعب لما تنساك وانت برضوا بس دا احسن ليكوا انتوا الاتنين عشان طول ماانا مش مديها الامان دايما هتكون شاكك فيها وعمرك مهتقدر تكمل معاها والجواز مش لعب واهم حاجه فيه الثقه والاحترام .
تم النشر الاثنين، ٨ ديسمبر ٢٠٢٥
بص ف ناس بتتصالح مع ماضي البنت و ف ناس لا السؤال هنا انت لو تصالحت مع ماضيها هترجع تتكلم فيه تاني؟ لان غالبا لو معرفتش تتخطى ماضيها ف انت كدا هتضرها هي بعدين و هتضر نفسك لان كل مره هيجي خلاف غالبا هتتكلموا فيه كمان حتة ان هي اللي كل مره بتيجي تكلمك انت بتقول ان انت مبتضراش تكسر بخاطرها ف انت متأكد انك بتحبها؟ و لا بتشفق عليها علشان بتحبك و خايف تسيبها علشان بتصعب عليك؟
تم النشر الاثنين، ٨ ديسمبر ٢٠٢٥
المختصر: اعمل استخارة ومتكلمهاش لأن اللى أوله لا يرضى الله نهايته لن ترضيك وربنا يقربكم ليه اكتر
تم النشر الاثنين، ٨ ديسمبر ٢٠٢٥
مش بقول ان ميبقاش عندك ضمير ولكن المؤمن كيّس فطن يعني ذكي
تم النشر الأربعاء، ١٠ ديسمبر ٢٠٢٥
السلام عليكم.. شوف يا صاحبي أولا معندناش مشكلة مع ماضي الشخص لو تاب ... ولكن هي ما دام بتكلمك وانت مش زوجها يبقا ممكن تكلم غيرك عادي .... متبقاش غبي وتنخدع بالبكاء والعواطف الجياشة والصوت الناعم والمؤثر انت متعرفش دي ممكن تكون خبيثة بتمثل عليك وتستغل ضميرك لأن هي عارفة ان مفيش حد هيتقدملها ففعلا انت أملها الوحيد مش عشان بتحبك ولكن عشان عندك ضمير هي تقدر تخدعك بيه ... وكلامي يحتمل الخطأ. . لو هي فعلا تابت وهي اللي اعترفت لك بماضيها فلك ان تعيد التفكير وتسأل عنها من الناس اللي حواليها يمكن فعلا هي طيبة ومقهوره لظروف معينة
تم النشر الأربعاء، ١٠ ديسمبر ٢٠٢٥
حدد الاول انت عايزها ولا لا عايزها بماضيها ايا كان اي هو ومتكلمهاش شفقه لو كنت بعدت من الاول مكنش تعلقها هيزيد وطول ما انت معاها وهي حاسه انك مش عايزها هي برضو بتتعب نفسيا فتتعب شويه في البعد افضل انك تعلقها اكتر بيك
تم النشر الأربعاء، ١٠ ديسمبر ٢٠٢٥
ببساطه .. فكرة ان انت ماتكملش معاها دي متوقفه علي مدي تأثير ماضيها عليك وهل هتقدر تتعايش معاها مع مرور الزمن ولا لاء يعني لو كانت في علاقه مع شخص آخر والعلاقه لم يكن فيها تلامس او تجاوزات فدا عادي هتقدر تتخطاه مع مرور الزمن لكن لو حصل تجاوزات فمستحيل تنسي وساعتها الافضل انك تشوف غيرها وهي كمان تشوف غيرك.
تم النشر الثلاثاء، ٩ ديسمبر ٢٠٢٥
صلي صلاة استخاره وبعدين لو بتحبها متخفش دي علاقه جواز مش صحاب لازم يكون في صراحه وحط شرط انو مفيش خيانه من الطرفين ده وعد لربنا مش ليكو لو خانت الوعد مع ربنا مش هيفرق معاه انت ولازم تدي الثقه عشان الشك و لو اتجوزته الشيطان هيلعب في دماغك ويحليك تركز في تفاصيل تبعدك عن الحقيقه لازم تكون واثق فيه انما انت مش واثق فبلاش تلعب بيه وسيبه ومتردش عليه
تم النشر الاثنين، ٨ ديسمبر ٢٠٢٥
لعرض السؤال في فدني اضغط هنا