السلام عليكم، وليه تجبري نفسك على تقبل وضع مؤذي؟ العلاقات المرهقة والمؤذية إنهاءها أفضل من الاستمرار فيها خاصة إذا حاولت تصحيح الخطأ وفشلت محاولاتك. تكلمي معها بحزم وانصحيها مرة واتنين وتلاتة وخليكِ قوية وحازمة في كلامك بحيث تحس بتهديد في نبرتك وتعرف إنك مش بتهزري في تحذيراتك لها. خلي فيه حدود واضحة تفهم إنها مينفعش تتخطاها مهما كانت علاقتكم. هي يا إما واخدة عليكِ بزيادة ففاكرة إن هزارها مش هيزعلك يا إما هي من النوع اللي بيرمي الكلام ومش بيهتم يجرح اللي قصاده مهما كان قريب منه. ** لا تسمحي أبدا لها أو غيرها إنه ينتقص من شخصيتك أو مجال عملك، أنتِ ما شاء الله في مجال حلو وصعب ومش كل الناس فاهمة قيمته ومفيش عامة شغل او كلية وحشة فإياكِ تسمحي لها تهز ثقتك بنفسك أو تسبب لك حزن بسبب ده. أنتِ ممكن طريقة اعتراضك على تصرفاتها مش قوية كفاية وممكن أنتِ من النوع اللي بيتحرج من الناس ويخاف على مشاعرهم بس فيه مواقف وعلاقات لازم لها وقفة شديدة وإلا الضرر عليكِ هيكون أكبر مستقبلا. اعطيها فرصة واستنفدي نصحها بالحسنى والحزم وادعي لها بالصلاح لقيتِ مفيش فائدة يبقى اقطعي علاقتك بها وعرفيها السبب.
زي ما قلت، ممكن عشان واخدة عليكِ بزيادة فعشمانة ومش شايفة مشكلة وإنك مهما حصل هتتقبلي، خليكِ قوية معها عشان تعرف إن فيه مشكلة كبيرة في سلوكها وشخصيتها محتاجة تتغير عشانها هي نفسها قبل أي حاجة ولو استمرت شوفي مصلحتك وانقذي نفسك ونفسيتك، استمرارك معها بنفس الأسلوب هيقلب بكراهية لها وأي مشاعر صداقة أو قرب هتختفي تماما وهتوصلوا لنفس النهاية بس بعد أذى كبير ومشاكل.
تم النشر الثلاثاء، ١٦ يونيو ٢٠٢٦
هى شخصيتها كدا مع كله تقريبا بس معايا انا بزيادة.. هى بجد بتقلل من الناس كلها ومفكرة نفسها احسن من الناس كلها. و لما اقولها كدا غلط تقولى ماشى باستهزاء هى بتتعامل باستهزاء مع اى حد مش انا لوحدى
تم النشر الثلاثاء، ١٦ يونيو ٢٠٢٦
لعرض الإجابة في فدني اضغط هنا