السلام عليكم ورحمه الله وبركاته طيب مبدئيا كده لازم نكون عارفين ان في احتمال ان يكون زوجك ملهوش مشكله معاكي قد ما عنده مشكله ان انتوا الاثنين متباعدين عن بعض كل واحد في مكانه لانه اعتقد انه فكره الزواج الثاني ليه ان هو يتزوج في المكان اللي هو بيشتغل فيه فضروري جدا تسيبيه بقى كل الخلافات دي وتقفي عند جزئيه واحده بس الا وهي لا احنا محتاجين نكون جنب بعض لانه المشاكل اللي ما بينا كلها مشاكل صغيره ومش في محلها فاحنا محتاجين نكون جنب بعض وقربنا هيخفف الامور كثير جدا وانا هراعي كل حاجه انت عاوزها وخلينا جنب بعض نقدر نحل الامور افضل لكن التباعد ده والكلام من على بعد يخلي المواضيع اصعب. وتقدري بقى تدخلي شويه كلام لطيف انه انا وجودي جنبك بيخليني اهدى انا وانا جنبك بحس ان انا مطمنه وبحس بامان اكثر وهكذا طالما في امكانيه للزواج ثاني يبقى في امكانيه ان هو ياخدك معاه في المكان اللي بيشتغل فيه واتمنى ان ما تكونيش انت اصلا اللي معارضة انك تسافري وتقعدي معاه في المكان اللي هو فيه لانه دي عمرها ابدا ما كانت حاجه كويسه ابدا بالنسبه للزوجين الا للناس اللي يعني مضطرين عندهم ظروف آسفه ظروف خاصه بالاقامه وحاجات اجرائيه يعني او حاجات لها علاقه بالمصاريف للاسف بسببها مش قادرين يكونوا موجودين في نفس البلد لكن غير كده انا منصحش ابدا ابدا انك تكوني في مكان وزوجك في مكان لانه ده بيكون اصل الخلافات من غير ما حد يحس.
انتى محتاجة تصرى على سفرك معاه ...ولو المشاكل خاصة بالعلاقة الزوجية يبقى ممكن يكون مصمم على االزواج الثانى من اجل اثبات رجولته
تم النشر السبت، ١٢ يوليو ٢٠٢٥
انا مش معارضه خالص اني اروح معاه بس هو بيتحجج بمصاريف ايجار الغرفه اللي هنقعد فيها ف مش عايز ياخدني بسبب كدا .. للعلم انا كنت من شهر معاه هناك وكان بردو بيدور ع موضوع الزواج التاني لانه سهل جدا هناك .. وبنفس الحجه اني تخنت بعد الاجهاض والعمليه ووزني حاليا 69 وفي بينا مشاكل تانيه خاصه من ناحيته هو فهو قلب الترابيزه عليا وجاب العيب بسبب اني تخنت
تم النشر السبت، ١٢ يوليو ٢٠٢٥
لعرض الإجابة في فدني اضغط هنا