السلام عليكم اولا كلامك جميل واختيارك ميقللش منك ابدا بالعكس يرفعك اكتر ولو انتي متاكده من اختيارك ف اشجعك انك اكيد تكملي فيه ولكني عندي رأي مختلف شويه الصراحه انا شايفه انه فكرة التعليم مفيده كتجربه ف حد ذاتها يمكن متشتغليش بالكليه ولعل وعسى ربنا يكرمك وتبقي معلمة علوم شرعيه او قرآن يوما ما ولكن انا في وجهة نظري البسيطه انه الكليه بتدي بعد جديد للانسان وده عن تجربتي وبعدها يمكن تعرفي اكتر انتي عايزه ايه او هتحققيه ازاي بطريقه اوضح ومش شرط فيها اختلاط ممكن عادي تدخلي كلية البنات وحتى لو دخلتي كليه مختلطه تقدري تحافظي على نفسك بسهوله الموضوع مش صعب بس كونك تخوضي التجربه وتفهمي الدنيا ماشيه ازاي ده هيعلمك اكتر هتفهمي حاجات اكتر وهتتحطي في مواقف صعبه وتحت ضغط في رأيي ده مهم عشان هدفك الاساسي انتي عايزه تبني بيت مسلم وتربي اولاد على اساس صحيح ودي حاجه عظيمه بس في رأيي الانسان محتاج قدر لا بأس به من الخبره والتجارب الشخصيه عشان حتى لو انتي عارفه الصح صعب توصليه للي قدامك من غير ما يكون عندك خبره وفي حاجات ولادك هتلاقيهم بيمرو بيها انتي متعرفيش عنها اي حاجه تفتكري وقتها لو هما بيمرو بمواقف وانتي مش عارفه تساعديهم فيها او معندكيش الخبره الكافيه هيكون اي شعورك؟ طبعا كده كده مفيش حد يعرف يبقى عنده خبره في كل حاجه بس قصدي كاساسيات حياه يعني فهو الموضوع في نظري مجرد خبره وده ميمنعش الطريق اللي عايزاه بالعكس حساهم بيكملو بعض ف فكري تاني وراجعي نفسك وبرده لو مش حابه تكملي ومتاكده وعارفه انتي عايزه ايه بالظبط وعارفه ازاي هتحققي اللي عايزاه وازاي هتبني خبره شخصيه ف طبعا ربنا يوفقك وخليكي في اللي يريحك بس ده كان مجرد رأي من زاويه آخرى للموضوع
@Mariam وعليكم السلام ورحمة الله وبركاته أولًا شكرًا جدًا جدًا على كلامك وفعلًا أمر التجربة والتحديات أنا فكرة فيه، ولكن أنا قصدي ليه مثلًا تضيع أربع سنوات في الكلية مقابل علم عشان الإمتحانات فقط، وفي المقابل أنا ممكن في الأربع سنوات دول أكون حفظت القرآن وأيضًا تعلمت لغتين، والكثير والكثير من المهارات، وأنا عامة بقرأ كثيرًا في مجالات مختلفة، والحمدلله عندي هوايات وممارسات كثيرة جدًا جدًا ما عندي وقت فراغ، ولكن بجد شكرا ليكِ ي مريم ❤️
تم النشر السبت، ١١ أبريل ٢٠٢٦
لعرض الإجابة في فدني اضغط هنا