السلام عليكم، أنا فاهمة إحساسك صعب قد إيه ومشاعرك مفهومة لكن محتاجة تفهمي إنك كنتِ ضحية لهم وبلاش جلد ذات وندم على ماضي ملكيش ذنب فيه ووضع حصل وأنتِ صغيرة مش مدركة وخايفة. الندم والقرف وجلد الذات كل ده مش هيغير من اللي حصل فركزي على دلوقتي وإزاي تتخطي الآثار اللي تسبب فيها أذاهم لك. الإدمان اللي أنتِ فيه حاليا مش مستغرب لكن أنتِ كبيرة دلوقتي وبقيتِ مدركة الصح من الغلط وعارفة إن ده حرام فلازم تاخدي خطوات للتخلص منه. مهم جدا جدا تستعيني بمختصة تساعدك على التعافي والتخلص من الإدمان السلوكي ده وكمان على التعافي من الماضي وإزاي تتعاملي مع الأشخاص اللي أذوكِ. وشيلي فكرة الانتحار دي خالص من دماغك لأنه مش حل، ده مهرب من وضع صعب مؤقت لوضع أصعب بكتير وأبدي.. استعيني بالله واعرفي إنك قادرة بعون الله تتخطي كل ده وتبقي أفضل واللي أذوكِ حسابهم عند ربنا، هو مش بينسى. *** فيه أسئلة كتير هنا عن إدمان الإباحية وعليها نصائح شوفيها وابدئي مع نفسك بس أنصحك ضروري لا تترددي في الاستعانة بمختصة نفسية أو سلوكية. وربنا يقويك ويعينك على تخطي الوضع الصعب ده.💚
العفو، سعيدة إني قدرت أساعدك شوية. ربنا يوفقك يا رب.💚 إن شاء الله تلاقي هنا وكمان في واعي الدعم اللي محتاجاه وفضفضي وقت ما تحبي، كلنا هنا عشان نساعد بعض.💚💚
تم النشر الخميس، ١٧ سبتمبر ٢٠٢٦
هعمل كدا وبإذن اكون احسن وشكرا ل حضرتك جدا انك مهتمه وبتساعدينى وبجد شكرا ل برنامج زى كدا انو خلانى اقدر اتكلم وافضفض واطلع كل اللى جوايا انا اصلا اول مره اتكلم كدا
تم النشر الخميس، ١٧ سبتمبر ٢٠٢٦
فاهماكِ وحاسة بكِ، بس خدي بالك، توقفك كل شوية عن الصلاة والقرآن ده بسبب تدخل وساوس الشيطان اللي بيحاول يخليكِ تيأسي من رحمة ربنا ويفضل يفكرك بالماضي اللي مش لكِ ذنب فيه وحتى بالحاضر اللي بتحاولي تتخلصي منه. لو فضلتِ مستسلمة للوساوس دي هتخليكِ تبعدي خالص عن ربنا بحجة إنك مش طاهرة أو إنك مذنية وربنا مش هيتقبلك مهما عملتِ. أنتِ في حالة إدمان سلوكي ولازم علاج، كيمياء مخك متأثرة ودماغك أدمنتِ على الدوبامين المرتبط بمشاهدة الإباحية حتى مع كرهك من الموضوع وإحساسك بالقرف. مش شرط أهلك يقتنعوا، بس صلي وادعي ربنا وممكن تحاولي تكلمي مامتك بهدوء لو تقدري ولو برضه موافقوش جربي تشوفي متباعة أونلاين. ابقي شوفي خبيرات السلوك والمختصات النفسيات في قائمة الخبراء هنا، وممكن برضه تشوفي منصة واعي، https://uraware.org/ عندهم جروب متابعة على تليجرام خاص بالبنات وبيتابعوا سوا وبيشجعوا بعض وفيه بنات كتيرة تعافت الحمد لله فبلاش تيأسي من نفسك. أنصحك برضه تعملي ورد يومي بذكر (لا حول ولا قوة إلا بالله العلي العظيم) ردديه كتير بيقين وتصديق من قلبك لكل كلمة منه وخليكِ متيقنة إن ربنا قادر يعطيك القوة ويغير حالك للأفضل إن شاء الله.💚
تم النشر الخميس، ١٧ سبتمبر ٢٠٢٦
وعليكم السلام حقيقي حضرتك مش فاهمه انا قربت اختم القران وبصلي ولكن كتير ب قطع لاني بكسف اووي من نفسي وعمرك مهتحسي ب الاحساس اللى جوايا لان انا عارفه اد اى اللى بعملو اكبر غلط بس وربنا حاولت كتير ولهذه اللحظه بحاول ابطل بس مش عارفه نهائي وكنت بحاول كتير اصلي ولكن ف كل مرة بقول ل نفسي انا ب القرف اللى بعملو دا انا حتا مستأهلش انى اقف ع المصليه الطهارة ديا بجد ي جماعه الموضوع صعب وسمعت فديوز كتير ع اليتيوب وبودكاست اكتر وبتأثر اه ولكن ف الاخر برضو زي منا مفيش حاجة بتتغير بجد بجد نفسي وانا مقتنعه تماما انى محتاجه ل دكتور نفسي ولكن للاسف بيتنا مش بيقتنع ب فكرة الدكتور النفسي من سابع المستحيلات اصلا وبجد مش عارفه اعمل اى للاسف
تم النشر الخميس، ١٧ سبتمبر ٢٠٢٦
لعرض الإجابة في فدني اضغط هنا