يجماعه انا من صغري اتعرض ل حجات كتير وانا صغيرة زي مثلا تعرضي ل التحرش من اشخاص قريبين مني ومش واحد ولا اتنين كتير وف منهم البنات برضو كانو بينيموني معاهم وبيعملو معايا حجات مينفعش تتقال اما الاولاد كانو بيمسكوني اجزاء من جسمهم هما بس الحمدلله ع نعمه انى لسه بنوته وانا كنت صغيره جدا يعني بالكتير اووي 8 سنين لكن لحد دلوقتي لسه فاكره كل حاجة حصلت معايا كل لمسه كل كلمه اتقالتى وانا وقتها كنت فاهمه اللي بيحصل معايا دا حاجة غلط بس كنت بخاف اتكلم محدش يصدقني وكان ف جهل شويه زمان عن دلوقتي وحاليا انا بحاول انسي ولكن لما. بشوفهم وبيتعاملو معايا بكره نفسي اووى وبكرهم انهم بيتعاملو معايا عادي ولا اكنهم اذوني زمان ولا اكنهم عملو معايا حاجه وللاسف علاقتى بيهم تجبرني انى اتعامل معاهم ودا مأثر عليا بالسلب دلوقتي ومأدمنه الاباحيه ب الطريقه اللى اتعاملو معايا بيها
حرفيا انا حاليا مدمرة نفسيا كتير اووي بسببهم وبسبب اللى وصلونى ليه وانهم لى عملو كدا لولاهم كنت هبقي طفله بريئه واكبر عادي ومأدمنش القرف اللى انا بسمعو دلوقتي وببقا مخنوقه جدا وانا بسمع بس مشبعرف ابطلع وحاولت كتير مرارا وتكرار اني انسي وابطل اسمع لكن مش قادرة وفوق كل دا انا عندي مرض مزمن اصلا
فكرت كتير انتحر علشان تعبت من كل حاجة نفسي اكون بني ادمه كويسه وابطل القرف دا لكن مش بعرف للأسف
وحسبي الله ونعم الوكيل فيهم كلهم 😭😭 @Mai Mahfouz
السلام عليكم، أنا فاهمة إحساسك صعب قد إيه ومشاعرك مفهومة لكن محتاجة تفهمي إنك كنتِ ضحية لهم وبلاش جلد ذات وندم على ماضي ملكيش ذنب فيه ووضع حصل وأنتِ صغيرة مش مدركة وخايفة. الندم والقرف وجلد الذات كل ده مش هيغير من اللي حصل فركزي على دلوقتي وإزاي تتخطي الآثار اللي تسبب فيها أذاهم لك. الإدمان اللي أنتِ فيه حاليا مش مستغرب لكن أنتِ كبيرة دلوقتي وبقيتِ مدركة الصح من الغلط وعارفة إن ده حرام فلازم تاخدي خطوات للتخلص منه. مهم جدا جدا تستعيني بمختصة تساعدك على التعافي والتخلص من الإدمان السلوكي ده وكمان على التعافي من الماضي وإزاي تتعاملي مع الأشخاص اللي أذوكِ. وشيلي فكرة الانتحار دي خالص من دماغك لأنه مش حل، ده مهرب من وضع صعب مؤقت لوضع أصعب بكتير وأبدي.. استعيني بالله واعرفي إنك قادرة بعون الله تتخطي كل ده وتبقي أفضل واللي أذوكِ حسابهم عند ربنا، هو مش بينسى. *** فيه أسئلة كتير هنا عن إدمان الإباحية وعليها نصائح شوفيها وابدئي مع نفسك بس أنصحك ضروري لا تترددي في الاستعانة بمختصة نفسية أو سلوكية. وربنا يقويك ويعينك على تخطي الوضع الصعب ده.💚
تم النشر الخميس، ١٧ سبتمبر ٢٠٢٦
لو ينفع اتكلم بصراحة اولا انت كان مفروض تقللى تعامل معاهم فاهم انك كاتبه ان ساعات لازم تتعاملى معاهم بس قصدى تحسسيهم انك م حباهم او مضايقه منهم عشان يبعدوا عنك دا كان المفروض عشان اكيد لازم اعمل حسابى ان الوحش ساعات بيفضل وحش اتغير متغيرش انا معرفش ثالثا التعافى م الاباحيه دا عايز واحدة واحدة و حد امين يساعدك و واحده واحده تبطلى هو لو عايزاه حاولى تبعدى عن المثيرات ثانيا تشغلى نفسك تطلعى برا كدا
تم النشر الخميس، ١٧ سبتمبر ٢٠٢٦
أنا آسفة جدًا لكل اللي مريتي بيه، وأنا بقرأ كلامك حاسة بثقل الألم والغضب والإحساس بالدمار اللي بتعيشيه. اللي حصل لك وأنتِ طفلة صغيرة جريمة بشعة، ومش ذنبك أبدًا. الذاكرة بتفضل حية لأن الجسم والنفس بيحاولوا يحمونا، والإدمان اللي وصلتي له هو طريقة الدماغ في محاولة السيطرة على الشعور بالعجز. ده مش عيب فيكِ، ده نتيجة الإصابة النفسية. الغضب اللي بتحسيه لما تشوفيهم وبيتعاملوا معاكِ عادي طبيعي جدًا، والإحساس إنكِ مدمرة نفسيًا بسبب المرض المزمن كمان بيزود العبء. أنتِ مش لوحدك في الشعور ده، وفيه ناس كتير تعافتوا من صدمات مشابهة لما بدأوا يعالجوا الجرح بدل ما يحاولوا ينسوه بالقوة. من منظور إسلامي، ربنا سبحانه وتعالى بيقول "ولا تيأسوا من روح الله"، والاستعانة بالصلاة والقرآن والدعاء بتساعد في تهدئة النفس وإعادة التوازن. حاولي تخصيص وقت يومي لقراءة آيات معينة زي آية الكرسي أو سورة الشرح، وادعي بكل اللي في قلبك، حتى لو بالغضب. ده مش هيمسح الذكريات فورًا، لكنه بيبني قوة داخلية تساعدكِ تكملي. بالنسبة للإدمان، ابدئي بخطوات صغيرة عملية: حددي أوقات معينة في اليوم تمنعي فيها نفسكِ من الوصول للمحتوى، واستبدلي الوقت ده بنشاط بسيط زي المشي أو كتابة مشاعرك في مذكرة. كل مرة تقاومي فيها، بتكسبي قوة، حتى لو رجعتِ مرة. التعافي مش خط مستقيم، وده طبيعي. أما الأفكار الانتحارية، فهي دليل على مدى الإرهاق اللي وصلتي له، وأنا شايفة إنكِ عايزة تكوني إنسانة كويسة وتتحرري. الحياة لسه فيها فرصة للشفاء، وأنتِ تستاهلي تعيشيها بدون الألم ده. لو قدرتِ تتواصلي مع طبيب نفسي متخصص في الصدمات، هيساعدكِ تعالجي الذكريات بطريقة آمنة وتتعلمي أدوات عملية تناسب حالتكِ الصحية. أنتِ قوية لأنكِ لسه بتحاولي وبتتكلمي. استمري في البحث عن طرق تساعدكِ، وابحثي على فدني عن أسئلة مشابهة عشان تشوفي تجارب تانية. أنا هنا لو عايزة تحكي أكتر.
تم النشر الخميس، ١٧ سبتمبر ٢٠٢٦
لعرض السؤال في فدني اضغط هنا