كنت اعاني من مشكله دامت لسنوات من العاده السريه بدأت منذ فترة الطفوله قبل مرحله البلوغ (تسع سنوات تقريباً) حتى كنت لا اتذكر بدايه الامر حاولت عده مرات الإقلاع عنها و ترك العاده ولكن بدون فائده انظر لنفسي باشمئزاز حتى أثناء القيام بالعاده و كأني مجبورة على ذلك ثقتي أصبحت معدومه و كنت شخصيه انطوائيه منذ الصغر لم استطع تكوين صداقات و شعرت بالوحده لفترة طويله حتى مستوايا الدراسي قل مع الزمن تركيزي لم يعد كما مضى حاولت تذكر السبب الأساسي اول مره قمت بهذا الفعل و تذكرت اول مرة تعرضت للتحرش من شاب مراهق و لم أكن ادري بذلك كان عمري ثمانيه أعوام فقط و من هنا بدأ الفضول اكتشفت اني كنت أقوم بالعاده السريه دون العلم ما هي العاده السريه من الأساس و تحول الأمر مع الوقت لأدمان و انا لا اريد ذلك اريد عن أتوقف و ابدا حياه جديده لكن لا اعرف كيف فكما قولت حاولت اكثر من مرة و فشلت اريد حل
أختي، أقدر شجاعتك في مشاركة هذا الأمر، وأعرف كم هو ثقيل عليكِ. الإدمان ده بدأ من صدمة قديمة، وده يفسر الشعور بالإجبار والاشمئزاز. الإقلاع ممكن، لكن يحتاج دعم متخصص لأن السبب جذري. أنصحك بشدة بالتوجه لخبراء نفسيين على فدني عبر https://www.fedni.net/experts، فهم مؤهلون لمساعدتك في التعامل مع الإدمان والصدمة بطريقة آمنة ومهنية. ابحثي أيضًا عن أسئلة مشابهة على فدني لتستفيدي من تجارب أخرى. ابدئي بخطوات عملية بسيطة: راقبي المحفزات اليومية واكتبيها، واملئي وقتك بأنشطة مفيدة مثل الصلاة والقرآن والرياضة الخفيفة. التوبة والدعاء مهمان، ولا تيأسي من محاولات سابقة. أنتِ قادرة على بدء حياة جديدة بخطوة واحدة نحو المساعدة المتخصصة.
تم النشر الجمعة، ٥ يونيو ٢٠٢٦
بصي يا بنت الحلال المأساة اللي عشتيها وإنتي طفلة بريئة عندها تمن سنين لما اتعرضتي للتحرش دي مش ذنبك خالص ولا ليكي يد فيها دي صدمة كسر ت البراءة جواكي وخليتك تهربي للسلوك ده كنوع من التخدير والألم النفسي من غير ما تفهمي ف بطلي جلد ذات وتحسي بالعار عشات انتي ضحية مش مذنبة وعقلك كان بيحاول يتعامل مع وجع مش قده فلازم إننا نداوي الجرح القديم اللي جواكي من سنين فلو تعري تروحي لطبيب نفسي أو أخصائي شاطر وموثوق عشان يفكك معاكي عقدة الصدمة الأولى دي تمام ...لو متعرفيش ممكن تخليها لوحدك لأن طول ما الجدر تعبان الشجرة هتفضل تعاني وعايزك تقربي من ربنا وتعرفي إن أبوابه مفتوحة دايما ومفيش فشل في المحاولة كل مرة بتقعي وتقومي فيها دي خطوة لقدام واشغلي وقتك وحياتك بحاجات حقيقية واخرجي من عزلتك بالتدريج وبلاش تبصي لنفسك بنظرة اشمئزاز إنتي غالية عند ربنا ونفسك تستحق إنك تحاربي عشانها وتتعافي وجد والله ربنا يحفظك ويعافيكي
تم النشر الجمعة، ٥ يونيو ٢٠٢٦
شوفي أنا عارف إنها صعبة ووقت أنشعال الشهوة كمان بس يعني فيه حاجة المفروض تأخدي بالك منها أنتِ كده بتعصي ربنا وبتبيعيه عشان شهوة و على فكرة كتير زيك اتعرضوا لمواقف جنسية بس حاولي وخلي في هدف للحاجة دي يعني همنعها عشان مثلاً الدراسة وربنا يوفقني وكده أنا كنت بمنع نفسي عن النظر للبنات في الشارع وبقاوم عشان السبب ده.. كل الناس بتقع بس الشاطر اللي يكمل بعد الوقوع ويقوم على طول ولازم تصلي ولما تعملي كده تصلي ركعتين توبة على طول والدعاء ادعي ربنا أنه يبعد الذنب ده عنك وحاولي اللي عاوز ربنا فعلاً ربنا عمره ما هيبيعه وأنتِ كويسة جدا وربنا بيحبك بدليل إنك عاوز تبطلي بس حاولي اشغلي نفسك بطاعات حفظ قرآن مثلاً أذكار الصباح والمساء دي مقومات لتساعدك بس لازم أنتِ اللي تمنعي نفسك بنفسك ربنا بيقول "إن الله لا يغير ما بقوم حتى يغيروا ما بأنفسهم" و كمان الصيام الصيام من أهم الطرق للإبتعاد عن العادة دي... الصيام بيعلمك الصبر على الشهوات و قصة سيدنا يوسف من أفضل القصص في الحوار ده لما امرأة العزيز تزينت وغلقت الأبواب عشان توقعه توقعي سيدنا يوسف عمل إيه ؟ خاف من ربنا وترك المكان وجري منها إيه اللي حصل بعدها دخل السجن بعدها بقا الملك على خزائن مصر كلها ومصر زمان كانت كبيرة جداً ف تخيلي لو أنتِ كنتي مكان سيدنا يوسف هتعملي إيه ؟ موقف صعب صح؟ مفيش نجاح في الحياة إلا بعد إختبار من ربنا فكل لما تجيلك الشهوة أعرفي إن ده اختبار من ربنا ليك وشوفي بقا هل عاوزه تبيعي ربنا ولا إيه ؟ ولازم لما تجيلك الشهوة تطلعي برا المكان اللي أنتِ فيه واشغلي نفسك في أي حاجة المطبخ أو ماما أو أخواتك أو لعبة.. اتوضي وصلي ركعتين ما هو سبب الوقوع في أي ذنب هي أول دقيقة لما بيجيلك فكرة الذنب ، قولي إنك خلاص خدتي القرار وهتصلي ركعتين توبه لربنا وأنتِ غالية بجد عشان مش كل الناس بتحاول بس أنتِ بإذن الله إنك هتبطلي بإذن الله.
تم النشر الجمعة، ٥ يونيو ٢٠٢٦
لعرض السؤال في فدني اضغط هنا