السلام عليكم ورحمة الله وبركاته، انا طالبة بالكلية في السنة الاخيرة، ظروفنا الحمدلله كويسة، بس شغل بابا صعب جدا وبيتعب فيه ربتا يعينه، المفروض احجز كل الكتب للمواد الدراسية؛ لان الكاترة كلها بيجبرونا بكده، ومنهم دكتور عامل الغياب والامتحانات برقم حجز الكتاب وانا كنت مقررة اني مش هحجز اي مادة السنة دي عشان مصاريف التخرج كتير علي بابا ومش عاوزه اضغط عليه، والدكتور حرجني كذا مرة بسبب الحجز واني لازم احجز اعمل ايه انا نفسيتي تعبانه جدا وحاسه بالعجز وطبيعي لو خدت موقف قانوني ضد الدكتور انا اللي هتاذى في الاخر عشان انا نملة بالنسباله تنصحوني بايه
للاسف مفيش إجراء قانوني ينفع انك تاخدي . .. بس ممكن تطلعي فوق للعميد أو وكيل الكلية لشئون الطلاب وتقولي له معاليك يا دكتور احنا بنمر بظروف إقتصادي صعبه في البيت ولدي بيحاول يوفر لينا الحياة والعيشة بقدر الإمكان وانا بستئذان حضرتك انك تعفيني من جزاء من المصاريف الكتب أو ممكن تتكلمي مع دكتور نفسه فمن خلال عرضك لسؤال انا حاسس انك جريئة وتقدري تكلمي قدام الوزير نفسه وممكن تقدمي ما يفيد ذلك اي حاجه حتي لو انتي سكنا ايجار ممكن تقدمي ما يفيد ذلك. "احب اشكرك انك حاسه بوالدك بس ممكن تترجمي الاحساس دا من خلال انك تفراحيه بنتيجة وتفوقك العلمي"💗
تم النشر الخميس، ٩ نوفمبر ٢٠٢٣
اعملى استثناء كده للمادة دى من قرارك واحجزيه وخلاص... وركزى انك تتخرجى ..دى اولوية دلوقتى واعملى بنصيحة استاذ جاد بردوا انك توضحى للدكتور ان عندك ظروف ممكن تتوجهى لاتحاد الطلبة ويتواصلوا مع الدكتور لعمل استثناء
تم النشر الأربعاء، ٨ نوفمبر ٢٠٢٣
مصاريف التخرج قصدك الحفلة والفان داي وغيره؟ ولا قصدك ايه بمصاريف التخرج؟ انا من رأي انك تعدي السنة ديه على خير، في دكاترة يهمهم اوي طبعا وانتي عارفه الكتاب والكتاب زي ما قولتي بيبقى برقم حجز، او الشيتات .. ف معنى كده انه بيقولك الكتاب مهم عندي ولازم تشتريه، وده كان واضح طبعا. ف انا بصراحه مقدرش اقولك او اضمن انك لما تروحي حد اساسا هينصفك قصاد الدكاترة. لان الاغلبية منهم فيهم، ف محدش هيجي مع طالب ضد دكتور .. الا من رحم ربي ..
تم النشر الأربعاء، ٨ نوفمبر ٢٠٢٣
وتاخدي موقف لوحدك ليه؟ أنتي وصاحباتك روحوا لعميد الكلية واعملوا شكوى جماعية في الدكتور وفهموه أنكم خايفين يؤذيكم لو عرف أساميكم
تم النشر الأربعاء، ٨ نوفمبر ٢٠٢٣
الأستاذة صاحبة السؤال .. أنا أكلمك بصفتي دكتور جامعي درّست في أكثر من جامعة مصرية .. ما يحدث من الأستاذ لو تم نشره على السوشيال ميديا لأصبحت فضيحة له وللكلية وللجامعة كلها .. وهذا هو الحكم الذي أصدرته المحكمة الإدارية العليا من سنتين https://www.youm7.com/story/2020/3/5/بأمر-القانون-لا-يجوز-إجبار-طلاب-الجامعات-على-شراء-كتب/4656639
تم النشر الخميس، ٩ نوفمبر ٢٠٢٣
يا عزيزي هذا هو العرف في كل جامعات الدنيا .. لو حدث هذا الهراء في جامعة غربية لأحيل الأستاذ للتحقيق مباشرة ولكننا في مصر أصبحنا نستمرئ الظلم بسبب التعود لا أكثر .. الدكتور الجامعي وظيفته هي تعليم الطالب وليس الحصول على ما في جيب الطالب.
تم النشر الخميس، ٩ نوفمبر ٢٠٢٣
عزيزي إبراهيم .. مشكلتك أنك لا تفرق بين الجامعة والمدرسة .. مهمتي في الجامعة هي أن أعطي الطالب المادة العلمية في المحاضرة وأعرفه بالمصادر التي يمكن أن يرجع إليها من غير أن أجبره على أي منها .. لو استطاع الطالب استيعاب المادة كاملة من غير الرجوع إلى أي كتاب فقد حقق المطلوب من التعليم خاصة إذا لم أكن أنا من اخترع المادة العلمية .. الجامعة بيئة مفتوحة للبحث وليست مساحة مغلقة كالمدرسة تقوم الوزارة بإجبار التلاميذ على منهج محدد .. يعني من حق الطالب في الجامعة أن يحاول إثبات خطئي في أي معلومة أقدمها له وأن يتحداني وإذا ثبت صحة كلامه فأنا ملزم بتغيير المنهج .. هذا هو روح التعليم الجامعي في كل دول العالم .. فكيف يستقيم مع هذا أن أجبر الطالب على شراء كتابي إذا كانت المادة العلمية متوفرة في آلاف المراجع الأخرى؟ الحالة الوحيدة التي يضطر الطالب فيها للرجوع لمصدر محدد هي أن أطلب منه حل تمارين ومسائل معينة في هذا المصدر ويكون هناك درجات أعمال سنة على حله ولكنه في هذه الحالة طبعا يمكنه الحصول على المسائل فقط من غير الحاجة لشراء الكتاب أو حتى قرائته. بالنسبة لحقوق المؤلف فهي هنا تعني أن أقاضي أي شخص قام بإعادة طبع كتابي أو تصويره وتوزيعه من غير إذن مني حتى ولو كان بهدف بيعه للطلاب بسعر مخفض ... ولكن هذه مسألة مختلفة عن مشكلة الطالبة صاحبة السؤال .. فهي ربما تكون استوعبت المادة العلمية من المحاضرة من غير الرجوع لأي نسخة غير شرعية من الكتاب.
تم النشر الجمعة، ١٠ نوفمبر ٢٠٢٣
استاذ جاد بما ان حضرتك درّست ف أكثر من جامعه، منطقيا اكيد حضرتك ع علم بحقوق المؤلف، والخبر الي حضرتك ذكرته المنشور في اليوم السابع بيتكلم عن واقعه محدده ومعينه، بالاضافه إلى أنه بيتكلم عن بيع الكتب الجامعيه بأسعار مرتفعه، اما حاله صاحبة السؤال هي اعفاءها من رسم الكتاب وهو ما لا تملك الكلية اصلا حق اعفاءها منه، ممكن تعفيها من الرسوم الدراسيه لكن لا تملك اعفاءها من رسم الكتب، صاحب الحق الوحيد هو مثل ما ذكرت الاستاذه جيهاد عبدالسلام هو الدكتور، بأن تعرض صاحبة السؤال أمرها ع الدكتور وهو الي يقرر يعفيها او لاء. غير كدا هي هتدخل نفسها ف مشاكل هي ف غني عنها ومعركه ليس لها أي حق فيها.
تم النشر الخميس، ٩ نوفمبر ٢٠٢٣
انا واثقة في كلام حضرتك انه صح لان انا بحثة في الموضوع ده وفعلا كلام حضرتك صح جدا.
تم النشر الخميس، ٩ نوفمبر ٢٠٢٣
الاستاذه صاحبة السؤال، انا بكرر تاني، ملكيش حق عند الدكتور وتقدري تكتشفي دا بنفسك لما تشتكيه للشؤون القانونيه ف كليتك، تقدري تكتبي الي حصل معاكي بالظبط ف ورقه وبتتقدم لوكيل الكليه لشؤون الطلبه، الموضوع بسيط، وبالنسبه لشراء "كتاب الدكتور" الكليه من حقها تجبرك ع دفع رسوم الدراسه ورسم الكتب باي طريقه الكليه تشوفها، ف ناس بتحجب النتيجه وف كليات بتعمل الي انتي بتقولي عليه دا، وعموما بعد التخرج بتعملي حاجه اسمها اخلاء طرف ودا طبعا بعد سداد كامل مستحقات الجامعه. وف الآخر طبعا ليكي حريه القرار انا اتكلمت كمتخصص قانوني، القرار ليكي ونتيجه قرارك هتشوفيها بعدين.
تم النشر الخميس، ٩ نوفمبر ٢٠٢٣
دا افتراض دا يا استاذ جاد ولا معلومات؟ لو معلومات مصدرها ايه وبتتطبق فين
تم النشر الخميس، ٩ نوفمبر ٢٠٢٣
الطالب الجامعي من حقه أن يحصل على المعلومة من أي مصدر ولا يوجد أي قانون يلزم الطالب الجامعي بشراء كتب من مصدر معين للحصول على المعرفة
تم النشر الخميس، ٩ نوفمبر ٢٠٢٣
حضرتك مفهمتش قصدي اصلا؟
تم النشر الخميس، ٩ نوفمبر ٢٠٢٣
الدكاتره لها حق مالي ع الكتب الي بتتدرس ف الجامعات، وحقهم المالي دا حق قانوني، وتقدري تتوجهي للشؤون القانونيه في كليتك تتأكدي بنفسك.
تم النشر الخميس، ٩ نوفمبر ٢٠٢٣
ليس من حقه أن يجبرك على شراء شيء لأن هذه جامعة وليست حضانة
تم النشر الخميس، ٩ نوفمبر ٢٠٢٣
من حقه ك دكتور يجبرني احجز الكتاب
تم النشر الخميس، ٩ نوفمبر ٢٠٢٣
هي مش فكرة تتاذي، لو ليكي حق هتاخديه، بس الكتاب الي بتدرسيه من تاليف الدكتور، دا حقه بردو.
تم النشر الأربعاء، ٨ نوفمبر ٢٠٢٣
لعرض السؤال في فدني اضغط هنا