السلام عليكم، هو الخوف طبيعي وخاصة بعد كتب الكتاب أو مع قرب الفرح، بنات كتير بتمر بكده. لكن في حالتك، مش المفروض كان فيه فترة خطوبة؟ يعني على الأقل درستِ الشخص ده وعرفتِ شخصيته وأخلاقه، إيه عيوبه وإيه مميزاته؟ اتفقتم على صورة حياتكم بعد الزواج، شغلك وامتحاناتك وهكذا؟ المفروض فترة الخطوبة معمولة عشان كده، ولو مفيش اتفاق بين الطرفين فبتنتهي الخطوبة عادي وكل واحد يشوف حياته ويدور على الشريك المناسب. ممكن خوفك عشان فترة الخطوبة متحققتيش فيها من النقاط الضرورية للزواج، وممكن كمان بسبب اعتقادات مسبقة عن الزواج والمشاكل الكتير المنتشرة حاليا. *** محتاجة الأول، تصلي استخارة لو مكنتيش صليتِ، ابعدي مشاعرك السلبية والإيجابية عن الموضوع وادعي ربنا بيقين إنه يختار لك الأصلح وأنت متيقنة في قلبك باختيار ربنا وراضية به مهما كان، ولو كان فيه خير في الزواج ربنا هييسر له الظروف عشان يتم لو مش خير هيبعده عنك. ** بعد كده اقعدي مع نفسك وشوفي كل اللي مخوفك، هل اتكلمتِ معه فيه هل اتفقتم على حاجات وخايفة يرجع في كلامه؟ إيه لازم تتفقوا عليه قبل ما تكملي لخطوة الزواج؟ المهم حاليا إنك تنسي نقطة كتب الكتاب دي خالص وتعيدي تقييم الشخص لو لسه معملتيش كده وتقعدوا تتفقوا سوا على كل النقاط اللي مخوفاك أو الحاجات الأساسية اللي المفروض عاوزاها في زواجك منه عشان تكون حياتكم مستقرة. وادعي ربنا يهدي بالك ويبعد الأفكار السلبية. ربنا يعمل لك اللي فيه الخير.
العفو🥰، بالتوفيق.
تم النشر الأربعاء، ١٧ يونيو ٢٠٢٦
شكرا جدا حضرتك م هنساها لك
تم النشر الأربعاء، ١٧ يونيو ٢٠٢٦
فاهمة كلامك، هو للأسف فعلا من كتر المشاكل المنتشرة وكلام البنات عن تجاربهم ده مسببة عقدة من الزواج عند بنات كتير فمش لوحدك، وعلى فكرة بسبب الخوف من الحسد الناس مش بتتكلم عن النماذج الكويسة ولا بتنشر الحاجات الحلوة في حياتها فعشان كده هتلاقي المنتشر دلوقتي النماذج السيئة من الزواج ومشاكل الطلاق وكل السلبيات دي.. طالما بتحبيه ومقتنعة به ومتأكدة إنه شخص كويس يستحق يكون شريك حياتك فتوكلي على الله وركزي دلوقتي تتفقوا على النقاط اللي تهمك زي ما قلت، وممكن تتابعي قنوات مفيدة على اليوتيوب تعرفك أكتر عن الزواج ومسؤولياته وحقوقك فيه وواجباتك عشان تكون حياتك مستقرة وسوية إن شاء الله. ممكن تشوفي بودكاست د.جاسم المطوع عن الزواج الناجح وممكن لو قابلني بودكاست يفيدك أكتر او قناة هكتبها لك هنا في تعليق.. وربنا يوفقك.💚💚. https://www.youtube.com/watch?v=_57DQt0CP48.
تم النشر الأربعاء، ١٧ يونيو ٢٠٢٦
بحبه ومستحيل يعني أتخيل اني ابقي مع حد تاني هو كويس بس أنا خايفه فكرة اني هشيل مسؤلية مش عارفه هعرف خايفه من الجواز ومن تجارب البنات اللي بقرأ عنهم بجد متشتته ومش عارفه اي ممكن يحصل بس ان شاء الله ربنا يكتب اللي فيه الخير وشكرا لحضرتك علي كلامك ❤️
تم النشر الأربعاء، ١٧ يونيو ٢٠٢٦
عادي مش متأخر أبدا إنك تسألي وتتفقي وتتكلمي معه صراحة في النقاط اللي قلقاك وتاخدي منه وعود صريحة، دي حياة كاملة ومستقبل وفترة الخطوبة معمولة عشان تتفاهموا وكمان تضعوا القواعد والاتفاقات اللي هتتأسس عليها حياتكم الزوجية... بالنسبة لنقطة مستحيل تتركيه، هل لمجرد كتب الكتاب ولا لأنك متعلقة به ولا بتحبيه؟ لو لمجرد كتب الكتاب والخوف من الطلاق فده مش سبب خالص يخليك تكملي مع شخص مش كويس أو حياة مش مناسبة لك... لو هو شخص دينيا وأخلاقيا كويس فعشان كده متمسكة به يبقى تمام مفيش مشكلة، تناقشوا واتفقوا ولو هو حريص على إن حياتكم تكون سوية ومستقرة أكيد هيتفاهم معك ومش هيقلل منك ومن طلباتك.. توكلي على الله وصلي استخارة وربنا إن شاء الله يذهب مخاوفك ويختار لك الأفضل واللي فيه الخير لك.💚
تم النشر الأربعاء، ١٧ يونيو ٢٠٢٦
كان في خطوبة اكيد بس محدش وجهني اني اسأل أنا كنت واخده الفتره دي فترة عاديه بنتعرف وبيجي البيت وبنتكلم بس مش بسال في حاجه تانيه غير الدراسه وحياتي وحياته بالنسبه لاني ممكن أسيبه فدا مش عادي ومستحيل انه ممكن يحصل يعني احنا كدا بقينا متجوزين بجد أنا مش فاهمه إبدالي بيحصل لي
تم النشر الأربعاء، ١٧ يونيو ٢٠٢٦
لعرض الإجابة في فدني اضغط هنا