السلام عليكم أنا عندي ١٩سنه داخله تانيه طب
خايفه من الجواز موت وخصوصا ان كتب الكتاب اتكتب خلاص
مفيش مفرّ منه مش مجبورة أكيد عالجواز بعمل كدا بكامل إرادتي واكيد اللي هيتجوزني شخص محترم جدا ومتعلم وأكبر مني وناضج وتفكيره كويس جدا
بس خايفه من إحساس إن هيبقي في شخص متحكم فيا وفي حياتي خايفه من المسؤلية من إني ممكن هبقي حامل في اي وقت هو شخص متخرج وفي امتيازه هل هيراعي اني افضل سنوات دراستي من غير حمل ونستني وأكيد المفروض انه يراعي ان الدراسه صعبه وكدا
المشكله اني ما حاولتش اتفق معاه في الموضوع داولا جا علي بالي ولا عيلتي حتي اتفقوا ومينفعش. أتكلم في موضوع زي. دا دلوقت
خايفه جدا أنا معنديش خبره في الحياة يعني بحس نفسي هبله وساذجه وتصرفاتي قدامه متخلفه كدا وهبله وبندم بعدها اني اتصرفت كدا هو بيكتفي ساعتها بابتسامه او ضحكه عمره ما قلل مني بس خايفه
أنا الأجيال اللي في بيتنا مفكرين اني ناضجه بما فيه الكفايه وأنهم شالو مسؤليات وهما اصغر من كدا
والحقيقي اني مجرد إنسانه عمرها ما اعتمدت علي نفسها ولا فيها مُكر البنات وسهوكتهم مش بشكر في نفسي حاشا لله
المشكله انه عارف اني هبله خايفه يستغل دا قدام
خايفه من كل حاجه في الجواز ماما مش بتديني نصايح ولا بتحاول توعيني لانها غلبانه مش فايقه لحد
مش متقبله فكرة ان حد من العيلة يفتح معايا موضوع نصايح للجواز خصوصا اني خجوله جدا ودا بيخنقني لما حد بيتكلم معايا وبيخوفني اكتر من ما أنا خايفه
حاسة نفسي غلطانه اني وافقت أتجوز بدري وفي نفس الوقت خايفه اخسره 💔
وفي نفس الوقت دماغي مش موقفه تفكير ما هو ليه زميلات شغل كتير من سنه وحلوين ليه أتقدم لي أنا من البدايه 😭
خايفه احكي ليه ولعيلتي نأجل الفرح مش مستوعبه اني شايله مسؤولية حاجه اكبر مني مش عارفه هتعامل ازاي مش قادره ابطل تفكير محدش هيوافق نأجل وهيقنعوني وانا هعمل نفسي مقتنعه ساعدوني اعمل اي وإزاي أوقف التفكير السلبي دا
دخلت groupsبنات متجوزه بيحكوا عن الجواز وانا من كتر كمية السلبيه اللي بيحكوها خايفه موت 😭💔
أنا شفت الأب دا صدفه ساعدوني رجاءا ساعدوني
يا بنات ربنا يوفقكم انصحوني اعمل اي
وعليكم السلام ورحمة الله، يا بنتي. أول حاجة أحب أقولها لك إن شعورك بالخوف ده طبيعي جدًا في سنك وفي موقفك، خاصة إنك لسه في بداية دراستك وبتحسي إن المسؤولية جاية أكبر منك. الخوف من الجواز والتفكير السلبي مش عيب، ده مجرد إشارة إن دماغك بيحاول يحميكي، بس لازم نعيد توجيهه عشان ما يسيطرش عليكي. ابدئي بخطوة عملية بسيطة: اتكلمي مع خطيبك بهدوء وصراحة عن مخاوفك، خصوصًا موضوع الدراسة والحمل. هو وصفته إنسان ناضج ومتفهم، فاستغلي ده. قولي له إنك عايزة تركزي في السنين الجاية عشان تكملي دراستك بنجاح، واطلبي منه يساعدك في التخطيط مع بعض. الجواز في الإسلام شراكة ومودة ورحمة، مش سيطرة، ومن حقك تطلبي الدعم ده دلوقتي قبل الفرح. لو حسيتي بالخجل، ابدئي الموضوع بطريقة غير مباشرة زي "أنا خايفة أتأخر في الدراسة، إيه رأيك نعمل إيه عشان نتوازن؟". عشان توقفي التفكير السلبي، خدي ورقة واكتبي كل فكرة سلبية بتيجي في دماغك، وبعدين اكتبي جنبها فكرة واقعية أو إيجابية مدعومة بحقائق عن خطيبك (إنه محترم ومتعلم). كرري ده يوميًا، وكل ما تقرئي قصص سلبية في الجروبات، قفليها فورًا واستبدليها بقراءة عن حقوق الزوجة في الإسلام أو نصائح عملية للتوازن بين الدراسة والحياة الزوجية. أنتِ مش هبلة زي ما بتفكري، أنتِ بنت بتتعلم وبتحاولي تفهمي نفسك، وده نضج حقيقي. لو عايزة تأجلي الفرح، اقنعي نفسك الأول إن ده قرار مشترك مش هزيمة، وبعدين ناقشيه معاه بهدوء. ابحثي عن أسئلة مشابهة على فدني عشان تشوفي تجارب بنات تانيين مروا بنفس القلق وازاي تعاملوا معاه. ربنا ييسر أمرك ويطمن قلبك، ولو حابة تكملي الحديث عن خطوات محددة قوليلي.
تم النشر الأربعاء، ١٧ يونيو ٢٠٢٦
السلام عليكم، هو الخوف طبيعي وخاصة بعد كتب الكتاب أو مع قرب الفرح، بنات كتير بتمر بكده. لكن في حالتك، مش المفروض كان فيه فترة خطوبة؟ يعني على الأقل درستِ الشخص ده وعرفتِ شخصيته وأخلاقه، إيه عيوبه وإيه مميزاته؟ اتفقتم على صورة حياتكم بعد الزواج، شغلك وامتحاناتك وهكذا؟ المفروض فترة الخطوبة معمولة عشان كده، ولو مفيش اتفاق بين الطرفين فبتنتهي الخطوبة عادي وكل واحد يشوف حياته ويدور على الشريك المناسب. ممكن خوفك عشان فترة الخطوبة متحققتيش فيها من النقاط الضرورية للزواج، وممكن كمان بسبب اعتقادات مسبقة عن الزواج والمشاكل الكتير المنتشرة حاليا. *** محتاجة الأول، تصلي استخارة لو مكنتيش صليتِ، ابعدي مشاعرك السلبية والإيجابية عن الموضوع وادعي ربنا بيقين إنه يختار لك الأصلح وأنت متيقنة في قلبك باختيار ربنا وراضية به مهما كان، ولو كان فيه خير في الزواج ربنا هييسر له الظروف عشان يتم لو مش خير هيبعده عنك. ** بعد كده اقعدي مع نفسك وشوفي كل اللي مخوفك، هل اتكلمتِ معه فيه هل اتفقتم على حاجات وخايفة يرجع في كلامه؟ إيه لازم تتفقوا عليه قبل ما تكملي لخطوة الزواج؟ المهم حاليا إنك تنسي نقطة كتب الكتاب دي خالص وتعيدي تقييم الشخص لو لسه معملتيش كده وتقعدوا تتفقوا سوا على كل النقاط اللي مخوفاك أو الحاجات الأساسية اللي المفروض عاوزاها في زواجك منه عشان تكون حياتكم مستقرة. وادعي ربنا يهدي بالك ويبعد الأفكار السلبية. ربنا يعمل لك اللي فيه الخير.
تم النشر الأربعاء، ١٧ يونيو ٢٠٢٦
لعرض السؤال في فدني اضغط هنا