بالبدأ بالتعريف أن انا قريبة من ربي الحمد لله ومتربية تربية كويسة الحمد لله وبصلي كل الفروض الحمد لله بس في مرة كنت في المدرسة كنت بهزر انا وصحابي في واحدة صحبتي بتحضن صحبتنا عادي وبيضحكوا وكلاهما مسلمتين ف انا بهزر مع صحبتي وبقولها يبنت انتي مشكوك فيكي ف جت تهزر معايا انا كمان وقربتي مني اوي وكان وشها في وشي وقالتلي اثبتلك دا في انا جسمي اترعش قولتلها تبعد عني علشان جسمي بيترعش في هي بعدت عني وكانت مستغربة بس خدت كلامي هزار بس صحبتي دي كل ما اشوفها مع واحدة صحبتي ابقى عاوزة اضرب اي حد بيكلمها أو يضحك معاها في بكام صحابي بيقولي انتو بنات وعادي غيرة صحاب وكدا بس حضرتي مش حاسة انها غيرة صحاب لأن الموضوع زايد عن حده في واحدة صحبتي قالتلي يبنتي ممكن تفكيرك راح غلط انك بتحبي صحبتك وكدا مش حب صحاب بسبب المسلسلات اللي بتسمعيها قولتلها انا مبسمعش النوع دا من المسلسلات والتليفون كان مسحوب مني بس تفكيري اللي فات مني عاوزة اعرف اعمل اي علشان كل ما تيجي تتكلم معايا عادي بتجاهلها بلا سبب لأن انا خائفة من نفسي وان الموضوع والفكرة غلط اصلا وحرام الموضوع كتير
أختي العزيزة، أفهم تمامًا القلق اللي بيجي لك، خاصة إنك ملتزمة بدينك وبتحافظي على صلاتك وتربيتك. اللي حصل موقف عابر في المدرسة، والرعشة اللي جت لك ممكن تكون مجرد رد فعل مفاجئ أو إحراج من القرب الزائد، مش بالضرورة إشارة لشيء أعمق. كتير من البنات في سن المدرسة بيحصل لهم خلط بين الصداقة القوية والمشاعر الزائدة، خاصة لو الموضوع اتضخم في الذهن بعد كلام صاحبتك. الغيرة الشديدة اللي بتحسي بيها دليل على إنك محتاجة تعملي توازن في علاقاتك. حاولي تقللي التركيز على صاحبتك دي لوحدها، ووسعي دائرة صداقاتك مع بنات أخريات في مجموعات أكبر، عشان الموضوع ما يبقاش شخصي جدًا. كل ما تيجي تتكلمي معاها، ردي بلباقة واختصار بدون تجاهل كامل، لأن التجاهل المفاجئ ممكن يزود التوتر عندك. ادعي ربنا كتير إنه يبعد عنك أي أفكار أو مشاعر مش مرغوبة، واقرئي القرآن بانتظام عشان تقوي نفسك روحيًا. ركزي على أنشطة مفيدة زي المذاكرة أو هوايات جديدة، وده هيساعدك تشتتي طاقتك في اتجاه إيجابي. لو الموضوع بيضغط عليكي نفسيًا، تذكري إن السيطرة على الأفكار بتبدأ بخطوات صغيرة يومية، وأنتِ قادرة عليها بإذن الله. لو عايزة تتكلمي أكتر عن اللي بيحصل، أنا هنا أسمعك.
تم النشر الثلاثاء، ٣٠ يونيو ٢٠٢٦
الموقف كان غريب وجديد عليك ف عامل كل اللخبطة دى ف اتعاملى عادى بدون افورة وهيروح مع الوقت
تم النشر الثلاثاء، ٣٠ يونيو ٢٠٢٦
لعرض السؤال في فدني اضغط هنا