انا معجبه بواحد من صوروا فقط و قابلتوا بعدها و شوفتوا و تقريبا اعجبت اكتر. و كل ما كنت بشوفوا صدفه مبقدرش مبصش عليه لحد ما اتعلقت من طرف واحد و هو رغم النظرات مني عمروا ما بص ليا . و دورت و لقيت اكونت التيك توك بتاعوا دخلت عليه مع أن بيظهر الشخص الناس اللي دخلت الاكونت الا انو مدخلش الاكونت عندي . و لقيت اكونت الانستا و كان منزل استوري دخلت شوفتها و برضو نفس النظام مفيش اي رد فعل منو . مع كل التجاهلات اللي بيعملوا دي بس برضو مش قادره أخرجوا من دماغي و مش عارفه ايه اللي يخليني لسه بفكر فيه . احيانا بحس انو قاصد يتجاهلني و احيانا احس انو مش عارف اني موجوده في الأرض اصلا .هو اسمو يوسف و عندوا صاحب اسمو علي و هما صحاب جامد ( علي دا كان دخل يكلمني قبل اصلا ما اعرف يوسف و قالي انو معجب بيا و عايز نتكلم و اتكلمنا فعلا و من هنا شوفت اكونت يوسف عندوا و حصل اللي قولت عليه في الاول بس مكنتش لسه دخلت اي اكونت عندوا أو أظهرت اي حاجه من ناحيتي . اتكلمت أنا و علي فترة اسبوع كدا كلام عادي خالص كأننا صحاب و انا داخله اكونت يوسف بالغلط عملتلوا ادد و شلتوا طبعا علطول و عشان ما يظهرش عندوا أن أنا و علي اصدقاء عند بعض و يدخل يسألوا دخلت أنا قولت لعلي اني وانا بقلب في الاكونت عندك عملت فولو لواحد بالغلط ف هو سألني مين . و قولتلوا واحد اسمو يوسف و وريتوا الاكونت . لقيتوا بيقولي اشمعنا دا اللي عملتيلوا بالغلط و حسيتوا شك و تاني يوم نزل استوري ليه هو و يوسف قاعدين مع بعض و حاطط ساوند عن الصحاب طبعا أنا معلقتش ولا عملت ايه رد فعل خالص . بعد الحوار دا بيومين علي بطل يبعت رسائل و انا عشان اصلا مبحبوش و مش عايزاه في سكتت أنا كمان و الكلام بينا اتقفل من غير سبب نهائي . بس أنا شاكه انو قال ليوسف كل حاجه. عشان بعد حوارنا دا بشهرين تقريبا بدأت أنا أعمل اللي قولت عليه و هو اني ادخل اكونت يوسف و ستوريهاتوا و زي ما قولت مكنش فيه منو رد فعل . عايزه رأيكوا في كل كلمه قولتها و رأيكوا في الحوار كلوا عشان أنا لحد دلوقتي مش عارفه اطلع يوسف من دماغي و عشان أنا من الشخصيات اللي بتحب تاخد كل حاجه ف شاكه اني متعلقه بمراقبتوا بسبب تجاهلوا ليا و انو مكنش زي غيروا
كثرة التجاهل مش اهتمام أبدًا، يا بنتي. ده غالبًا علامة على عدم الاهتمام أو على الأقل عدم وجود رغبة في التواصل. اللي بيحصل معاكِ دلوقتي هو تعلق من طرف واحد، وده شائع جدًا لما الشخص التاني مش بيرد أو بيتجاهل، لأن الدماغ بيحاول يفسر الرفض ده كـ"تحدي" أو "سر"، وده بيخلّي التفكير مستمر. مش معناها إن يوسف قاصد يتجاهلك عشان يجذبك، لأن لو كان فيه اهتمام حقيقي كان هيظهر حتى لو بإشارة بسيطة زي نظرة أو رد فعل على ستوري. من وصفك للحوار كله، يبدو إن الموضوع بدأ بطريقة غير مباشرة من خلال علي، وده خلّى الأمور معقدة شوية. علي كان واضح في اهتمامه، وبعدين اختفى، وأنتِ شاكة إنه قال حاجة ليوسف. ده ممكن يكون حصل فعلاً، أو ممكن يكون يوسف بس مش مهتم ومش عايز يدخل في أي تواصل. المهم إنكِ دلوقتي بتراقبي أكونتاته وبتفكري فيه كتير، وده بيغذي التعلق أكتر. الشخصيات اللي بتحب "تاخد كل حاجة" زي ما قلتِ بتتعرض لده أكتر، لأنها بتحاول تفهم الرفض وتسيطر عليه، لكن ده بيخلي الشخص التاني يفضل في الدماغ أطول. نصيحتي العملية: حاولي تقطعي الدورة دي. امسحي الدخول على أكونتاته، ولو لزم الأمر بلوكي أو أونفولو عشان متشوفيش ستورياته. ركزي على نفسكِ دلوقتي، سواء في دراستكِ أو هواياتكِ أو صلاتكِ، لأن التعلق ده بيأثر على التركيز والراحة النفسية. من منظور إسلامي، النظر والمتابعة المستمرة لشخص مش بيرد ممكن يفتح باب لأفكار مش مرغوبة، فالأفضل إنكِ تبتعدي وتدعي ربنا يريح قلبكِ ويبعد عنكِ أي حاجة مش نافعة. لو الموضوع مستمر ومأثر عليكِ، فكري في إنكِ تتكلمي مع حد موثوق في العائلة أو تستشيري متخصص نفسي لو احتجتِ. أنتِ قادرة تتجاوزي ده، وهتكوني أقوى لما تركزي على نفسكِ. لو عايزة تتكلمي أكتر عن أي جزء، أنا هنا.
تم النشر الجمعة، ١٠ يوليو ٢٠٢٦
دا تخمين من عندي وهو ← ممكن يكون علي في البداية خالص قال ليوسف :أنا بكلم فلانة ومعجب بيها، ودا محتمل لأنهم صحاب جدا زي ما أنت قلتي، فلما أنت عملتي add بالغلط ليوسف وأنت قلتيله فهو قالك "اشمعنا دا اللي عملتيله بالغلط" ودا بيدل أنه ممكن يكون كلم يوسف عنك قبل كدا، وبعد ما عملتي add بالغلط ربما يوسف قال لعلي أنك عملتي كدا، وبرده ممكن يوسف بيقول لعلي أنك بتدخلي عنده وتشوفي استوريهات وغيره، فعلي خلاص كدا مش هيكلمك، ويوسف نفس الكلام، وربما هما بيتكلموا عنك بسخرية أو بما لا يرضي الله لما أنت تدخلي لأكاونت يوسف.. فأنا شايف أنك تنسي يوسف وتبعدي عنه عشان التعلق ما يزدش أكتر من كدا... وبين يوسف وعلي فيه حق ربنا عليكِ بيضيع وفيه ذنوب محتاجة استغفار وتوبة وفيه تعلق لو زاد مش هتتخلصي منه بسهولة.
تم النشر الجمعة، ١٠ يوليو ٢٠٢٦
لعرض السؤال في فدني اضغط هنا