السلام عليكم
في بنت مصاحبه حد قريبي المهم وصلني أنها شخصيه صعبه شويه يعني مثلا لو بعت رساله وغيب في الرد دقيقه تعمل مشكله وتقول متجاهلني ، مثلا لو عرفت انه اتواصل مع صديق قديم وقعد يتكلم معاه وبداه عليها انه مش طايقها ولو مثلا ضحك ولا اتكلم مع حد اكتر منها تزعق وغيرة بقا وبصراحه انا نصحت بالبعد لان دي متملكه من وجهة نظري والتعامل معاها هيكون صعب جدا أو ممكن التجاهل والمعامله السطحيه رأيكم فيها بجد والصح ايه وعلى فكرة في مواقف غيرها كتير اوي بس دي بعضها
احنا بنقول ايه يا جماعة! وسط كل ده محدش فاكر ان دي علاقة محرمة أصلًا! الله سبحانه وتعالى حرم اتخاذ الأخدان أي الأصدقاء والصديقات على كل من الرجال والنساء، فقال في خصوص النساء: ( محصنات غير مسافحات ولا متخذات أخدان ) [النساء:25] وفي خصوص الرجال: ( محصنين غير مسافحين ولا متخذي أخدان ) [المائدة:5] واتخاذ الأخدان محرم سواء كان عبر الهاتف أو الدردشة في الإنترنت أو اللقاء المباشر، وغيرها من وسائل الاتصال المحرمة بين الرجل والمرأة. فلا توجد في الإسلام علاقة تسمى الصداقة بين الرجل والمرأة، فالمرأة للرجل إما زوجة له، وإما إحدى محارمه، وإما زميلة عمل أو دراسة تفرض الظروف اجتماعهما في مكان واحد، وفي هذه الحالة لا بد من الانضباط بضوابط العلاقة بين الجنسين نفوق كده ونصحصح.... وأتمني من حضرتك متدخليش غير لو هتنصحي بالانفصال للحرمة الدينية فقط غير كده لا
تم النشر الجمعة، ١٣ يونيو ٢٠٢٥
وعليكم السلام ورحمة الله وبركاته من قواعد المهن النفسية والاجتماعية اننا منحكمش على حد من رواية حد تاني طرف في القصة. فما بالك انتي اصلا مش طرف في القصة ده هي مرتبطة بحد قريبك. السؤال المهم بقى ليه انت/ي مضايق او مضايقة من الموضوع ده. يعني قريبك لو هو تعبان او مضايق اكيد قرار يكمل او لا بتاعه هو. احنا مش بنتحكم في علاقات الآخرين عشان احنا شايفنها مش مناسبة. أحيانا بيكون في أشخاص في علاقات مش مناسبة لينا ولكنها مناسبة ليهم، وده أنا مش بتكلم ان العلاقة صح او غلط، لكن بتكلم في ان كل واحد مسؤول عن قراراته. فحضرتك محتاج/ة جلسة مع نفسك وتشوف/ي ليه الموضوع عامل أزمة تجاهك
تم النشر الأربعاء، ١١ يونيو ٢٠٢٥
هيا تقريبا عندها مرض يعني الغيرة الشديدة دي تروما من حاجه وكمان عدم ثقه ف النفس ف هو لو قادر يكمل ومستحمل تمام لكن لو مش قادر مش مضطر يجبر نفسه على ريلاشن توكسيك كدا هو ممكن يقولها انه طريقتها مش مريحاه وانو مش مرتاح ولو هيا مغيرتش من طريقتها هو مش هيكمل. ولو هما اصلا مفيش بينهم اي رابط رسمي ف دي فعلا بداية النهاية لانهم بدؤوها غلط م البداية (علاقات محرمه) ف بتيجي على دماغهم ف الاخر
تم النشر الجمعة، ١٣ يونيو ٢٠٢٥
والله مانا عارفه هو هيقولها ايه بالضبط بس ربنا يسهل الحال
تم النشر الجمعة، ١٣ يونيو ٢٠٢٥
او انصحيه يتكلم معاها بصراحه وانه بدأ يتعب وشوفي هي هتعمل اي ولو منفعش يبقي ساعتها الحل للأسف الانفصال
تم النشر الخميس، ١٢ يونيو ٢٠٢٥
حاولي تعملي الي عليكي وخلاص وادعيلهم ممكن بالكلام والنصيحة زي م عملتي وخلاص وسيبيهم يجربوا ممكن يلاقوا نفسهم عارفين يكملوا وممكن يفشلوا بس يكونوا جربوا لو ينفع تتكلمي معاها اتكلمي بلطف كدا اشرحيلها
تم النشر الخميس، ١٢ يونيو ٢٠٢٥
فعلا والله حكى عشان نفسيته تعبت هو حاسس ان اي حركه هتعاتبه عليها ومعتش ينفع
تم النشر الأربعاء، ١١ يونيو ٢٠٢٥
لو فعلا الكلام ده صحيح فدي علاقة غير صحية وهترهقك وتستنزفك كأنك زي العبد
تم النشر الأربعاء، ١١ يونيو ٢٠٢٥
لا خلاص بدل هو فعلا حاسس كدا يصارحها أحسن بلاش البعد بالتدريج بدل ميأذيها
تم النشر الجمعة، ١٣ يونيو ٢٠٢٥
هو حاليا بيقول ان دي علاقه توكسيك وهو تعب وعاوز يبعد بالتدريج
تم النشر الخميس، ١٢ يونيو ٢٠٢٥
لعرض السؤال في فدني اضغط هنا