السلام عليكم الحمد لله
انا ٣٨ سنه كان ف بنت ف حياتى فضلنا مع بعض فتره كذا سنه أنا ظروف مش احسن حاجه لكن الحمد لله على كل شئ كانت تعرف كل تفاصيل حياتى وعارفه ظروفى يعنى انى بجهز نفسي وتساعد أهلى لأن والدى متوفى من وانا ١٠ سنين فضلنا كذا سنه مع بعض كل يوم بنقرب لبعض اكتر ف ذكريات كتير بينا صعب انساها للاسف كنا سعات بنتخانق ونزعل من بعض لكن كما نرجع تانى وبنكون اكتر اقرب
أنا عارف أنه غلط من البدايه أننا نتكلم من ورا الاهل وعارف انى غلطان عشان كنت بتكلم معاها من غير اى ارتباط رسمى لكن أنا كنت محتاج دا جدا لانى لوحدى ايوا حواليا ناس كتير لكن مكنتش بقدر اتكلم مع حد سواء من الأهل أو الأصدقاء فهى جت ف وقت بالنسبه ليه كنت محتاجها فيه وهى نفس الكلام كانت محتاجه بردو حد يكون قريب
ولما خلاص عقبات كتير كانت اتحلت بفضل ربنا عليه لقيتها بعدت وكنت هاخد خطوه ف حياتنا أنا معرفش ومش فاهم ليه كلامى ف كتير حاجات مش مفهومه لكن اللى هيقرأ كلامى عاوزه يعرف حاجه قبل ما يقول رأيه أنا وقفت جنبها معنويا وماديا وكنت جنبها
اللي واضح من كلامك إن الموضوع مش مين صح ومين غلط على قد ما هو توقيت وطريقة إنت كنت داخل العلاقة محتاج قرب واحتواء وهي غالبا مش بنفس الدرجة فحصل عدم توازن إنت فعلا كنت واقف جنبها وده يتقدّر بس برضه لازم تبص لنقطة مهمة إنك كنت بتدي من مكان فيه احتياج مش بس حب وده بيخلي أي علاقة تقيلة على الطرف التاني حتى لو هو كويس كمان البداية نفسها كان فيها لخبطة فكرة إنكوا بتتكلموا من ورا الأهل خلت العلاقة ماشية في طريق مش مريح حتى لو النية كويسة تفهم إذا كنت داخل العلاقة على أساس حقيقي ولا مجرد احتياج في ناس بتكون مرحلة في حياتنا مش مكملين فيها للآخر... مش كل اللي نديه لازم يرجعلنا بنفس الشكل هي مش غلطانة إنها ما كملتش وإنت مش غلطان إنك حبيت واديت بس اللي محتاج يتفهم إنك ما تحاولش تشرح نفسك زيادة ولا تثبت إنك كنت صح اللي مش فاهمك من غير شرح غالبا مش هيفهمك بكلام كتير حاول تهدى وتدي لنفسك وقت وتتأقلم وآه الموضوع هيبقى صعب في الأول بس طبيعي يعدي حاول تتعامل معاها كإنها تجربة خلصت واتعلمت منها مش لازم تمسحها من دماغك غصب عنك بس ما تفضلش متعلق بيها كأنها لسه موجودة ركز في حياتك اللي جاية. اشتغل على نفسك واستقرارك عشان تبقى جاهز فعلا لخطوة زي الجواز لما تيجي الفرصة الصح. التجربة دي تضيف لك مش تكسر فيك و كل حاجة عدت بيها هتفيدك بعد كده لو فهمتها صح...ربنا يريح قلبك ويعوضك خير ويكتب لك اللي فيه راحة بالك ويوفقك للطريق الصح.
تم النشر السبت، ٢٥ أبريل ٢٠٢٦
وعليكم السلام ورحمة الله وبركاته يا منصور، الحمد لله على كل حال، وأشعر بألمك ده كويس.. علاقة طويلة زي دي، مليانة ذكريات ودعم متبادل، صعب تنساها، خاصة لما تكون جت في وقت محتاج فيه الدعم ده. أنت عملت اللي تقدر عليه، وقفت جنبها معنوياً ومادياً، وده يدل على قلبك الكبير رغم ظروفك الصعبة مع أهلك (الله يرحم والدك وييسر أموركم كلها). بس زي ما قلت بنفسك، التواصل ده بدون ارتباط رسمي كان غلط من الأول، وده اللي خلى الطريق معقد. الإسلام بيحمينا من الوجع ده لما نلتزم بالطريق الصح: الخطبة الشرعية عبر الأهل، عشان اللي بيبدأ صح بيستمر بإذن الله. بعدت هي ربما عشان حسّت بالتعب أو الخوف من المستقبل، أو ربما ظروفها غيّرت رأيها – مش لازم نفهم كل حاجة، المهم نتقدم. نصيحة عملية دلوقتي: ركز على نفسك : جهز حياتك أكتر (شغل، استقرار)، وادعي الله يرزقك الزوجة الصالحة اللي تكمل معاك طريقك. قول "اللهم ارزقني زوجة صالحة ترضيك وترضيني". اقطع التواصل تماماً : عشان تشفى وتفتح صفحة جديدة، وتتجنب الفتنة. ابني شبكة دعم صحيحة : ابدأ علاقات صداقة مع إخوان صالحين في المسجد أو الجمعيات الخيرية، يساعدوك تتكلم وتتقوى. أنت قوي وقادر تتجاوز ده، والحلم الحقيقي قدامك إن شاء الله. لو عايز نصائح أكتر عن بناء الاستقرار أو الزواج الشرعي، دور في فدني على أسئلة مشابهة، أو شوف الخبراء هنا: https://www.fedni.net/experts – فيه متخصصين في الإرشاد الأسري هيساعدوك. صبرك جميل، وربنا يعوضك خير.. تواصل معايا لو حابب! 💕
تم النشر الجمعة، ٢٤ أبريل ٢٠٢٦
اخي العزيز انظر الأمور مهما كانت سيئه تبان جميله فهي نظل سيئه وما بني على باطل فهو باطل علاقتكم بتضركم اكثر ما بتصلحكم الشيطان بيوهمك ان ذي هي مثاليه كبرى اللي انت محتاجها عشان تنقذك من مأساتك الي عايش فيها ولكن هتندم لان ده حرام اساسا اخي اعلم ان التوبه هتكون صعبه وممكن تشوفها مستحيل بس اعلم قول الله تعالى ( وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ ۚ وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا» [الطلاق: 2-3].. اذا بتحبها بجد اتركها عشان ربنا يكرمك و يجوزها ليك و يخرجك من ظروفك و من ترك شئ لله عوضه الله خير منه ف اتقي ربنا بنفسك و فيها و ان شاء الله هتكون من نصيبك بس لا تظلم حالك واذا هي هي مش من نصيبك فتذكر ايه الله وَلِمَنْ خَافَ مَقَامَ رَبِّهِ جَنَّتَانِ" (سورة الرحمن: 46)
تم النشر السبت، ٢٥ أبريل ٢٠٢٦
الأكيد الحصل حرام ويمكن هي بعدت عشان حست بدا فنصيحه صلي استخارة وحاول تتقدملها ويكون البينكم حلال صعب الواحد يلاقي حد يستحمله ويلاقيه في كل الأحوال معه حاول تاني في الحلال ولو هي الخير فعلا ربنا حييسرلك الدنيا
تم النشر الثلاثاء، ٢٨ أبريل ٢٠٢٦
لعرض السؤال في فدني اضغط هنا