السلام عليكم الحمد لله
انا ٣٨ سنه كان ف بنت ف حياتى فضلنا مع بعض فتره كذا سنه أنا ظروف مش احسن حاجه لكن الحمد لله على كل شئ كانت تعرف كل تفاصيل حياتى وعارفه ظروفى يعنى انى بجهز نفسي وتساعد أهلى لأن والدى متوفى من وانا ١٠ سنين فضلنا كذا سنه مع بعض كل يوم بنقرب لبعض اكتر ف ذكريات كتير بينا صعب انساها للاسف كنا سعات بنتخانق ونزعل من بعض لكن كما نرجع تانى وبنكون اكتر اقرب
أنا عارف أنه غلط من البدايه أننا نتكلم من ورا الاهل وعارف انى غلطان عشان كنت بتكلم معاها من غير اى ارتباط رسمى لكن أنا كنت محتاج دا جدا لانى لوحدى ايوا حواليا ناس كتير لكن مكنتش بقدر اتكلم مع حد سواء من الأهل أو الأصدقاء فهى جت ف وقت بالنسبه ليه كنت محتاجها فيه وهى نفس الكلام كانت محتاجه بردو حد يكون قريب
ولما خلاص عقبات كتير كانت اتحلت بفضل ربنا عليه لقيتها بعدت وكنت هاخد خطوه ف حياتنا أنا معرفش ومش فاهم ليه كلامى ف كتير حاجات مش مفهومه لكن اللى هيقرأ كلامى عاوزه يعرف حاجه قبل ما يقول رأيه أنا وقفت جنبها معنويا وماديا وكنت جنبها
وعليكم السلام يبقي اكيد كنت معاك لاسباب معينه ولما حصلت عليها بعدت وكمان اكيد مكنش هيكون خير لو كنت ارتبطت بيها رسمي ربنا هو اللي عارف اي الصح واي الخير لينا ربنا اكيد شايلك بنت الحلال ركز في حياتك اهم حاجه احنا بقينا في زمن ما يعلم بيه إلا ربنا وف ناس كتير مش كويسه والعلاقه اللي أولها تغضب ربنا عمرها مهتكمل خير ابدا متوقفش حياتك عشان واحده استغلتك ربنا هيبعتلك اللي شبههك 👍
تم النشر الجمعة، ٢٤ أبريل ٢٠٢٦
وعليكم السلام ورحمة الله وبركاته يا منصور، الحمد لله على كل حال، وأشعر بألمك ده كويس.. علاقة طويلة زي دي، مليانة ذكريات ودعم متبادل، صعب تنساها، خاصة لما تكون جت في وقت محتاج فيه الدعم ده. أنت عملت اللي تقدر عليه، وقفت جنبها معنوياً ومادياً، وده يدل على قلبك الكبير رغم ظروفك الصعبة مع أهلك (الله يرحم والدك وييسر أموركم كلها). بس زي ما قلت بنفسك، التواصل ده بدون ارتباط رسمي كان غلط من الأول، وده اللي خلى الطريق معقد. الإسلام بيحمينا من الوجع ده لما نلتزم بالطريق الصح: الخطبة الشرعية عبر الأهل، عشان اللي بيبدأ صح بيستمر بإذن الله. بعدت هي ربما عشان حسّت بالتعب أو الخوف من المستقبل، أو ربما ظروفها غيّرت رأيها – مش لازم نفهم كل حاجة، المهم نتقدم. نصيحة عملية دلوقتي: ركز على نفسك : جهز حياتك أكتر (شغل، استقرار)، وادعي الله يرزقك الزوجة الصالحة اللي تكمل معاك طريقك. قول "اللهم ارزقني زوجة صالحة ترضيك وترضيني". اقطع التواصل تماماً : عشان تشفى وتفتح صفحة جديدة، وتتجنب الفتنة. ابني شبكة دعم صحيحة : ابدأ علاقات صداقة مع إخوان صالحين في المسجد أو الجمعيات الخيرية، يساعدوك تتكلم وتتقوى. أنت قوي وقادر تتجاوز ده، والحلم الحقيقي قدامك إن شاء الله. لو عايز نصائح أكتر عن بناء الاستقرار أو الزواج الشرعي، دور في فدني على أسئلة مشابهة، أو شوف الخبراء هنا: https://www.fedni.net/experts – فيه متخصصين في الإرشاد الأسري هيساعدوك. صبرك جميل، وربنا يعوضك خير.. تواصل معايا لو حابب! 💕
تم النشر الجمعة، ٢٤ أبريل ٢٠٢٦
لعرض السؤال في فدني اضغط هنا