مساء الخير
كنت بحب واحدة لمدة ٣ سنين وهي بتحبني اوووووي وانا مكنتش جاهز نهائي من حيث متطلبات التقدم ليها خصوصا اني لسة طالب جامعة.
واشهد أمام الله انها وقفت جمبي ورفضت كذا عريس .
والحين هي وافقت على عريس
ممكن تساعدوني اتخلص من حبها ازاي لاني والله مش عارف
وشكرا مقدما
السلام عليكم، هو لازم تتفهم الأول إن الموضوع هيحتاج شوية وقت، طبيعي مش بضغطة زر هتنسى 3 سنين. متجبرش نفسك على النسيان لأن مقاومة أي شيء بتزيده. تفهم مشاعرك وألمك وركز على إنك تشغل نفسك في حاجات أهم وتخلي عندك هدف جاد وواقعي تشتغل عليه بحيث يبقى يومك مشغول تماما ومتلاقيش وقت للتفكير. الفراغ هو اللي بيخلي العقل يفكر والقلب ينشغل، طول ما انت مشغول الأفكار هتتراجع واحدة واحدة للخلفية ومع الوقت هتنسى وحتى لو تبقى حنين أو شوية وجع بعد كده فهيكون لمجرد ذكرى عدت وماضي انتهى. وعامة، قصص حب كتير انتهت بالفراق والفشل، وأصحابها تجاوزوها تماما وبقت مجرد ماض، فالموضوع مش مستحيل، الزمن كفيل بكل ده. نصيحة أخيرة، بلاش تحاول تدخل علاقات تانية سواء عشان تحاول تنسى البنت دي بعلاقة جديدة أو عشان ترتبط وخلاص. ركز على مستقبلك الدراسي والمهني وابني نفسك ووقت ما ربنا يأذن تقدر تختار البنت اللي هتتزوجها وتكون شريكة الحياة المناسبة إن شاء الله. وبالتوفيق.
تم النشر الأحد، ٢٥ يناير ٢٠٢٦
مساء النور يا محمد، الله يعينك ويفتح قلبك على الخير. أول حاجة، أشكرك إنك شاركت قصتك بصدق، وأنا فاهمة تماماً إزاي الـ3 سنين دي كانت مليانة مشاعر قوية، وهي وقفت جمبك زي ما قلت. بس الحمد لله، اللي حصل ده اختبار من ربنا، وهو عنده لك خير كتير أحسن مما تتخيل. خطوات عملية عشان تتخلص من الحب ده خطوة بخطوة: قطع الاتصال فوراً (No Contact Rule) : امسح رقمها، بلوك على كل السوشيال ميديا، ومتشوفش صورها أو أخبارها خالص. ده أهم خطوة، هي هتخفف الألم زي السحر بعد أسبوعين. ركز على نفسك ودراستك : أنت طالب جامعي، خلي الطاقة دي تدخل في الدراسة والنجاح. حدد هدف صغير يومياً زي "أدرس ساعتين زيادة" أو "أحسن درجاتي في المادة دي". لما تشغل عقلك، القلب هيهدى. قوي علاقتك بربنا : صلي النوافل، اقرأ قرآن يومياً، وادعي ربنا يريح قلبك ويجيبلك اللي أحسن. تذكر قوله تعالى: "وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ". الصبر مفتاح الفرج، وهو هيجازيك باللي تستاهله. طور جسمك وعقلك : مارس رياضة يومية زي المشي أو الجيم (ابدأ بـ30 دقيقة)، واقرأ كتب تطوير ذاتي أو شوف محاضرات إسلامية عن الصبر والحب الحلال. هتكتشف نفسك جديد وأقوى. تخيل مستقبلك : اكتب قائمة بـ5 صفات عايزها في شريكة حياتك، وابدأ تبني نفسك علشانها. بعد شوية، هتلاقي اللي أحسن وجاهزة ليك. الألم ده هيروح، صدقني، بس يحتاج صبر وإصرار. لو عايز دعم أكتر، ابحث في فدني عن أسئلة مشابهة هتلاقي إجابات كتير مفيدة، أو شوف الخبراء هنا: https://www.fedni.net/experts – فيه متخصصين في الإرشاد النفسي والحياتي هيساعدوك بشكل شخصي. أنت قوي وهتقدر، ربنا معاك. لو عايز تتابع، قولي! 💪❤️
تم النشر الأحد، ٢٥ يناير ٢٠٢٦
التعافي هو انسب حل واكيد التعافي ده هياخد وقت بس لازم تبدأ تصلح علاقتك بربنا وهو هيساعدك تتخطي وتاني حاجه ابدا في رحلتك انت وابني مستقبلك وطور من نفسك وابني عقلك واستعد انك لو اتحطيت في الموقف ده تاني تكون مستعد ومتكررش نفس الغلط والأهم من ده كله ان العلاقه بدايتها حرام ومفيش علاقه شرعيه بتربطكوا فأكيد نهايتها مش هترضيكوا انتوا الاتنين لان بدايتها لا ترضي الله وأسأل الله لك التعافي
تم النشر الاثنين، ٢٦ يناير ٢٠٢٦
زي اي حد بيتخلص من عادة سيئة أو مادة ادمانية ... ابني علاقة مع ربك الذي اغضبته والذي تحتاجه وهو لا يحتاج إليك
تم النشر الأحد، ٢٥ يناير ٢٠٢٦
حب نفسك واهم حاجه متركزش معاها خالص اعتبرها كأنها مكانتش موجوده. اتجه لحياتك شوف اى الناقص فى حياتك وكمله زى وقت فراغ عندك استفاد منه بحاجة مفيده
تم النشر الأحد، ٢٥ يناير ٢٠٢٦
ايا يكن اللي فات وكان اي هو خلاص فات وانت حاليا لازم تنسحب لأنك مبقاش ليك مكان هناك وتتعافى
تم النشر الأربعاء، ٢٨ يناير ٢٠٢٦
أنا كلمتها عشان تعرف اني عاوزها بس حصلت ظروف وكدا خلتني مش جاهز
تم النشر الاثنين، ٢٦ يناير ٢٠٢٦
اسمع دورة الداء والدواء للشيخ علاء حامد ، هتفرق معاك جدا وبالأخص آخر فيديوهين منها
تم النشر الأحد، ٢٥ يناير ٢٠٢٦
قرب من نفسك حب نفسك واقرا كتب تطور الذات وفن التعافي وقرب من ربنا واي حاجه بتحبها وحرام ابعد عنها لله وربنا هيعوضك خير منها والمهم انك تكون مؤمن بده
تم النشر الأحد، ٢٥ يناير ٢٠٢٦
لعرض السؤال في فدني اضغط هنا