السلام عليكم
عساكم بخير..
تعرفوا إحساس إنك تكون محاصر في ابتلاء صعب، خصوصًا لو لمس صحتك، ومش قادر تخبيه عن حد؟
الواحد فينا بيتعلم يداري، يتقن فن السكوت، يحاول يلبس وش عادي قدام الناس… بس في حاجات بتبان غصب عنك.
وفجأة تلاقي نفسك في مواقف بتكسرك، وناس كانوا شايفينك حاجة كبيرة، بقوا يبصوا لك كأنك أقل منهم.
بتمشي مع ناس مش شبهك، مش بيقدروك، بس بتمشي معاهم عشان متحسش إنك لوحدك، عشان متحسش بالنقص اللي بياكل فيك من جوّا.
وفي الآخر… بتلاقي نفسك بقيت أقل منهم فعلًا، وبقوا يعاملوك كأنك مش موجود.
ولما تقرب من ناس على قدك، نفسك تقرب منهم، تخاف تتكشف قدامهم، فتبعد… وفي الآخر برضو بيعرفوا.
انا عارفة إن كل واحد شايل ابتلاء، وكل ابتلاء صعب بطريقته...بس أصعب وجع لما يكون ابتلاؤك باين، مش عارف تستخبى منه.
كل ما يبان أكتر، الإحراج بيزيد، والخجل بيكبر، والتعب النفسي بيبقى أتقل من أي تعب جسدي.
كنتِ قبل كده حاجة تانية خالص… واثقة، واقفة على رجلك، والدنيا منوّرة في عينك.
دلوقتي الثقة وقعت، والحاجات اللي كانت باينة سهلة بقت جبال.
لما تبقي ملاحظ انك بقيت حمل تقيل بتعبك دا و حتي والديك تعبو منك و متضايقين منك و عليك حتي و لو بيظهرو عكس كدا..منين اقدر اقنع نفسي اني هلاقي اللي يستحملني و انا مش مستحمله نفسي ولا حتي اقرب الناس ليا مستحمليني..
صدقوني انا مش بزود ف الموضوع و كان كل التعب فيا انا بس ولكن انا بتكلم عن اللي بحس بيه و اللي مش قادره اتحمله بجد..
أنا عارفة إن ربنا مش بيحط فينا حاجة إلا وهو عارف إننا نقدر نشيلها…
بس بجد أنا تعبت. وصلت لآخر نفس فيّا..انا بقيت متاكده اني مش هستحمل دا ولا هقدر عليه.نفسي اعيّط، اصرخ بصوت عالي و لكن حتى الدموع مبقتش موجوده عنيا جفت و تعبت حتي مبقتش قادره ابكي.
نفسي أختفي شوية، نفسي محدش يعرف عني حاجة، ولا يسأل، ولا يبص، ولا يحكم.أنا أصلًا من النوع اللي بيكره إن حد يعرف عنه حاجة، بحس إني اتكشفت، وده بيوجعني أوي.
وخجولة لدرجة إن خجلي بيمنعني من حاجات بسيطة أي حد بيعملها وهو مطمن.
حاولت أتمسك بأي حاجة كويسة فيّا، أي حاجة أقول لنفسي "لسه فيكِ حاجة تستاهل".
بس حتى دي بقت بتفلت من إيدي.
عندي وسواس قهري، عندي تراكمات وتروما من حاجات كتير، وعندي تعب جسدي زوّد التعب النفسي.
واتعلمت على إيد الأيام إن التعب النفسي أوجع بمراحل من أي وجع جسدي.
أنا طول عمري كنت رحيمة، قلبي رقيق زيادة عن اللزوم، عمري ما سخِرت من حد ولا قللت من وجعه.
كنت اللي يلاقي حد تعبان يروح يطبطب عليه...
بس في المقابل… ما لقيتش حتى ربع اللي كنت بعمله.
مش بحب نظرة الشفقة، بس على الأقل… ما تزودوش تعبي بكلامكم ونظراتكم انا وصلت لـ مرحلة بقيت بكره البشر تماما لـ درجة اني شايفه اما اعيش انا او يعيشو هما .
عارفة إنكم هتقولولي روحي لدكتور، بس والله ما بطيق سيرة الطب ولا الدكاترة مع احترامي لكل من في التخصص دا.تعرفو اني زمان لما كنت صغيره كنت عند دكتور فوالدتي بتدعيلي بتقوللي عبال منشوفوكي دكتوره قلتلها بعد الشر!!
ولو هتقولولي ابعدي عن الناس دي، هقولكم مش قادرة، ومش هينفع، ومش هيغير حاجة.
ولو هتقولولي قوي ثقتك بنفسك، هقولكم الثقة دي خلاص اتكسرت ومبقاش فيها حاجة تتصلح.
أنا مش ناسية نظرات السخرية، ولا نظرات القرف، ولا الكلام اللي بيجرح ويقعد في القلب.
دي حاجات بتتكرر كل يوم، وأنا بحاول أتجاهل… بس مبقتش قادرة.
بقيت بقول لنفسي "بكرة هيبقى أحسن" وأنا من جوايا مش عايزة أشوف بكرة أصلاً.
ورغم كل ده… متأكدة ان محدش هيحس اللي أنا حاسة بيه بالظبط.
بس يكفي إني قلت.
يكفي إني طلّعت اللي كاتم على نفسي.
شكرًا إنكم سمعتوني، حتى لو بكلمه حتى لو بصمت ، رغم انكم حد ميعرفنيش.
وعليكم السلام ورحمة الله. أختي، أسمعكِ جيدًا، وأشعر بثقل ما تحملينه. الإحساس بالحصار والخجل والتعب النفسي الذي يفوق الجسدي أمرٌ مؤلم جدًا، وأنتِ لستِ وحدكِ في هذا الشعور. ربنا سبحانه وتعالى يقول: "لا يكلف الله نفسًا إلا وسعها"، وهو يعلم أنكِ قادرة على الاستمرار، حتى لو بدا الأمر مستحيلاً الآن. أنتِ قوية بما يكفي لتكوني رحيمة مع الآخرين رغم ألمكِ، وهذا دليل على قلبكِ الطيب. لكن حان الوقت لتكوني رحيمة مع نفسكِ أيضًا. ابدئي بخطوات صغيرة عملية: اكتبي مشاعركِ يوميًا في مذكرة خاصة لتخفيف الضغط الداخلي، وركزي على ذكر الله والدعاء بما يريح قلبكِ، فهذا يعيد التوازن تدريجيًا. أنتِ لستِ عبئًا، وهناك من يستطيع فهمكِ ومساعدتكِ. أنصحكِ بالبحث عن أسئلة مشابهة في فدني لتجدي إجابات إضافية، وإذا أردتِ دعمًا متخصصًا، يمكنكِ زيارة صفحة الخبراء على https://www.fedni.net/experts لاستشارة معالج نفسي أو مستشار يناسب احتياجاتكِ. أنتِ تستحقين الراحة والشفاء، وغدًا قد يكون أفضل بإذن الله. أنا هنا لأسمعكِ.
تم النشر الثلاثاء، ١٩ مايو ٢٠٢٦
بجد بشكرك من كل قلبي..حاضر هحاول و ان شاء الله الاجازه دي تبقي نقطه تحول ايجابيه فعليه مش زي م كنت كل اجازه اقول و اخطط و م اعملش حاجه.. ربنا يجازيكي خير يا رب 🤍
تم النشر الأربعاء، ٢٠ مايو ٢٠٢٦
@السائلة من اليوم حاولي وخدي قرارك ولما تلاقي نفسك ضعفتي تعالي وأنا هتكلم معاكِ، بس مش عايزة أتكلم كتير أنا عايزة أشوف إنجازاتك وخطواتك وهكون فخورة بيكِ أكتر وهدعمك دعم كبير جدًا وكمان حطي قاعدة أنا مخترتش الـ أنا فيه بس أنا أخترت أكمل وأحاول وأعافر أكون أفضل دا خيارك بلاش تختاري الاستسلام واليأس قرري وكوني صارمة في قرارك ومتخليش حد يأثر عليكِ🤍
تم النشر الأربعاء، ٢٠ مايو ٢٠٢٦
الله بجد..هحاول خير ان شاء الله🤍
تم النشر الأربعاء، ٢٠ مايو ٢٠٢٦
@السائلة بس أنا بقولك تقبلي وعيشي ومحدش هيندم غيرك لو قعدتي محبطة كدا أصلًا الناس مش هتنفعك ولا حد فيهم هيدعمك، عامةً براحتك محدش خسران غيرك وصدقيني لو قعدتي منتظرة شفقة من حد مش هتلاقي لما تكوني فعلًا قوية وواثقة من نفسك وناجحة ومتقبلة نفسك بعدها هتلاقي الناس بتدعمك الناس أصلًا بدوس على الضعيف طبعًا مش كل الناس بس الأغلبية فـ متنتظريش حاجة من حد ولو فعلًا عايزة تعيشي دور الضحية وإنك بتعدي بظروف صعبة عيشي محدش فيهم هيقولك أنا جنبك!!! لازم تكملي حياتك ومتيأسيش خالص وكلها أجور وسيبك من الإحباط واليأس عشان في كلا الحالتين الأيام هتعدي وهتسيبك مكانك فخليها تعدي وأنتي بتحاولي🌷
تم النشر الأربعاء، ٢٠ مايو ٢٠٢٦
ايوا بجد انتي هونتي عليا شويه.. كمان بشكرك علي وقتك.. بارك الله فيكي اخت فاطم 🤍
تم النشر الأربعاء، ٢٠ مايو ٢٠٢٦
انا مش متقبله نفسي ولا هتقبلها لانها مش عاجباني كدا تماما و حتي مش عارفه الحل و لا اخليها تتحسن ازاي ف انا حرفيا واقفه ف نص الطريق
تم النشر الأربعاء، ٢٠ مايو ٢٠٢٦
@السائلة من غير شكر إحنا أخوات أنا اتمنى اكون ساعدتك ولو بجزء بسيط حتى
تم النشر الأربعاء، ٢٠ مايو ٢٠٢٦
حابه اقولك شكرا علي كلامك..لاني حرفيا نزلت السؤال تاني مره دي لاني ملقيتش حد رد عليا حسيت بياس بصراحه 🙂
تم النشر الأربعاء، ٢٠ مايو ٢٠٢٦
الواحد حتي الصلاه مش عارف ينتظم فيها...بجد حاجه متعبه اويي
تم النشر الأربعاء، ٢٠ مايو ٢٠٢٦
اخدت القرار قبل كدا و اقصي مده كملتها خمس ايام و بعدها رجعت ل عادتي القديمه برضو
تم النشر الأربعاء، ٢٠ مايو ٢٠٢٦
انا محتاجاها فعلا عشان الواحد ايمانو بقي ضعيف و يوم م يبقي متفائل و كدا يبقي بيفكر ف النجاح و العلم و هكذا و ينسي الاخره..انا اللي مدايقني اني مش عامله حاجه لا لـ دنيتي ولا اخرتي ف حاسه بفشل في كل شيء
تم النشر الأربعاء، ٢٠ مايو ٢٠٢٦
فهماكِ جدًا جدًا جدًا في الجزئية بس ممكن مثلًا أنتي من النوع الـ مش هيكون كويس غير بـ إبتلاء ممكن والاحتمال الأقوى إنك ترفعي الابتلاء بالدعاء أدعي كتير جدًا يوم عرفة قادم على الأبواب أدعي فيه كتير جدًا وإن شاء الله ربنا يشفيكِ المرة دي
تم النشر الأربعاء، ٢٠ مايو ٢٠٢٦
هسمعها ان شاء الله..بس لما اخلص امتحانات.عليا امتحان النهاردة 😁
تم النشر الأربعاء، ٢٠ مايو ٢٠٢٦
@السائلة عارفة بجد أنصحك تسمعي سلسلة عقيدة القضاء والقدر لـ شيخ سمير مصطفى هتعرفي حقيقية الابتلاء وبالله لا تكلي نفسك لنفسك كل حاجة أرفعيها لله محدش تاني هيقدر يساعدك
تم النشر الأربعاء، ٢٠ مايو ٢٠٢٦
@السائلة بس مش هتوافقي على فكرة أنتِ مش هتوافقي تختاري إبتلاءك عارفة ليه عشان الخير كل الخير فـ الـ ربنا اختاره طيب أقولك حاجة كان في صحابي، قال لو حد قالي أبوك وأمك هما الـ هيحاسوبك بعد ما تموت هرفض وهختار ربنا لأن ربنا أرحم بيا منهم وتذكري برضو من أول ما كنتِ في الرحم لا حول لكِ ولا قوة
تم النشر الأربعاء، ٢٠ مايو ٢٠٢٦
الـ أنا فعلًا متأكدة منه أن الابتلاء لو ينزل على العبد مش بينزل وحده لا بيكون معاه ربط على قلبك العبد وصبر ورحمة وكمان سعة صدرك عشان تقدري تتحملي الابتلاء لذلك أنتِ هتلاقي حواليكي رحمات وأنا متأكدة برضو أنك شايفه خير كبير رغم مرار البلاء دا كفاية بجد التربية هتحسي قلبك تغير ونفسك وأنتِ لولا البلاء ما كنتِ هتوصلي هنا
تم النشر الأربعاء، ٢٠ مايو ٢٠٢٦
@السائلة لأ لا لازم يكون عندك حُسن ظن بالله ربنا سبحانه وتعالى حاشاه يخلق عبد عشان يعذبه دنيا وآخره لأزم يكون عندك حُسن ظن وتكوني متأكدة إن دا خير ليا وكمان لـ أهلي🌷
تم النشر الأربعاء، ٢٠ مايو ٢٠٢٦
هكمل كلامي عارفة لما سمعت الحديث أنا عندي إبتلاء ولكن مختلف عن إبتلاءك وأنا حسيت بيكِ بس عارفة لو بصيتي حواليكِ هتلاقي الكل مُبتلى وطبعًا الابتلاءات تختلف حسب درجة الإيمان يعني كوني عارفة لو أنتِ في كربك قوي وفعلًا تاعبك أعرفي إن درجة إيمانك قوية وبجد فكرة درجات الإيمان دي معناها كبير وأكبر داليل الأنبياء عايزاكِ بس تجيبي نبي جاء مش مُبتلى مفيش خالص؟
تم النشر الأربعاء، ٢٠ مايو ٢٠٢٦
الحديث هو عن المرأة التي كانت تُصرَع، فجاءت إلى محمد ﷺ تطلب منه الدعاء، فقال لها: > عن عبد الله بن عباس رضي الله عنهما قال: قال محمد ﷺ: "إن شئتِ صبرتِ ولكِ الجنة، وإن شئتِ دعوتُ الله أن يعافيكِ." فقالت: أصبر. ثم قالت: إني أتكشف، فادعُ الله ألا أتكشف. فدعا لها. رواه صحيح البخاري وصحيح مسلم. وفي رواية: > «كانت امرأة تُصرَع، وكانت إذا صُرعت تكشفت». الحديث فيه معانٍ عظيمة عن الصبر والاحتساب، ورحمة النبي ﷺ وحرصه على ستر المرأة وكرامتها.
تم النشر الأربعاء، ٢٠ مايو ٢٠٢٦
حاضر ي حببتي 🤍
تم النشر الأربعاء، ٢٠ مايو ٢٠٢٦
هقولك حديث اتمنى بجد تقرأي بقلبك
تم النشر الأربعاء، ٢٠ مايو ٢٠٢٦
معنديش مشكله مهما كان طويل.. اتفضلي 🤍
تم النشر الأربعاء، ٢٠ مايو ٢٠٢٦
وعليكم السلام، إحنا بخير كيف حالك أنتِ كفاية بجد إني لمست شيء جميل جدًا في رسالتك مش مبالغة بس حقيقية بجـد عايزاكِ تقرأي كلامي هيكون طويل بس بجـد من قلبي ليكِ من قلب أخت حاسه بيكِ وبمشاعرك أنا سعيدة جدًا اتكلمي وطلعتي الـ جوالي جواكي ودي حاجة حلوة جدًا
تم النشر الأربعاء، ٢٠ مايو ٢٠٢٦
@السائلة أنا عارفة وحاسة بيك بس المعروف أكتر التقبل ياما ناس مرت بحاجات صعبة وكان سبب من أسباب إنها تعدي إنهم تقبلوا الحاجة لما حد يضغط عليهم مش بيزعلوا بالعكس والسبب التقبل لو أنتِ متقبلتيش نفسك مفيش أي حد في الدنيا كلها هيقبلك وخلكي داعم لنفسك متبقيش أنتِ والدنيا والناس عليكِ هوني على نفسك وكوني رحمية ليها
تم النشر الأربعاء، ٢٠ مايو ٢٠٢٦
الموضوع قرار قرري من دالوقتي صلاتي الأولوية القرار في إيدك وأنتِ فعلًا تقدري تنفذية وبعدين لما تبدأي بصلاتك باقي أمور حياتك كلها هتتصلح واحدة واحدة وبعد صبر أكيد بس متزوديش همك يعني بلاش تقصري في كل الجوانب وتقعدي شايله الهم خدي قرار ونظمي حياتك حتى شخصيتك خدي قرار إنها تتغير
تم النشر الأربعاء، ٢٠ مايو ٢٠٢٦
الاقي ناس شبهي؟ ناس مريضه زيي؟متاكده اني مش هلاقي.. لاني اول م لقيت ساعتها بعد م عرفو اللي انا فيه زودو مشكلتي و بقو مش طبيعيين معايا رغم اني متاكده انهم اقل مني ف حاجات كتير و لكن لان اللي هما فيه محدش عارغه ف دا سهّل عليهم اما انا مشكلتي ظاهره ف اي حد رايح ولا جاي يقوللي كلمه و بتاع كانو هوا اللي مفيش زيو.. كمان المشكله اصلا يعني حتي مش بعرف ارد كمان 😔
تم النشر الأربعاء، ٢٠ مايو ٢٠٢٦
@السائلة الله يعينك يا غالية اللهم آمين ويسدد خطاكِ أنا مش عايزة أكون مثالية في كلامي بس عايزة أقولك والله الكل مُبتلى بس باختلاف وصدقيني دا إصطفاء لكِ من الله وبرضو في دعاء وكمان أنا متأكدة إنك عارفة الحل في بناء نفسك وتقوية شخصيتك وبلاش تقلبي وجود حد عشان متبقيش وحدك لا أمشي وحدك وبعدين هتلاقي في طريقك ناس شبهك بلاش تصاحبي الناس الـ هتدمرك هتبقي أنتِ أخترتي دا لنفسك
تم النشر الأربعاء، ٢٠ مايو ٢٠٢٦
انا ف الايام العظيمه دي مش بصلي.. متخيله اد اي ذنوب طيب؟!
تم النشر الأربعاء، ٢٠ مايو ٢٠٢٦
بدعي والله بس مش كتير اوي يعني مثلا لما اصلي بدعي امل ف الحالات التانيه بنسي..كمان انا مش بصلي متخيله؟! ف طول م انا مش فالحه ف الاركان الاساسيه افلح ف اي ولا اي
تم النشر الأربعاء، ٢٠ مايو ٢٠٢٦
طب مش هوا ممكن بعد م اعدي بالابتلاء دا يبقي الواحد بقي متعقد اكتر و يبقي يائس و تعب و مفهوش روح حتي..صراحه انا مش بتوقع الاسوأ ولكن دا ممكن يبقي احتمال برضو.. مش كل الناس بتطلع من مشاكلها اقوي و كدا.. كمان زي م كلنا عارفين انو مفيش حد مشاكله بتخلص طيب انا ارضي اصبر علي اللي انا فيه و دا حل صعب بالنسبالي و ف الاخر بعد مثلا م تعدي المشكله اللي فيها الاقيلي بالمشكلتين وراها؟
تم النشر الأربعاء، ٢٠ مايو ٢٠٢٦
اتصدقي ان الحاجه الوحيده اللي بتصبرني اني نفسي انجح و اعمل حاجه مفيده ف الحياه دي قبل م اموت و لو مش مكتوبلي كدا اموت قبل م اشوف الفشل دا افضل...انا لما ببقي متضايقه بتخيل نفسي طالعه ف الشاشه و بحكي قصة نجاحي و قد اي عديت بحاجات صعبه..صراحه بفرح جدا بالحاجه دي 🥲
تم النشر الأربعاء، ٢٠ مايو ٢٠٢٦
بجد نفسي اعرف فين الخير ف كل المشاكل اللي انا فيها.. المشكله انها كتير منها مشاكل ف الشخصيه و النفس و كدا يعني ف حتي انتي بتتعذبي و محدش حاسس بيكي.. انا شفت قبل كدا ان لو خيروك تبدل إبتلاءك مع حد تاني مبتلي مش هتوافق بس انا حاسه اني هوافق شفتي؟!
تم النشر الأربعاء، ٢٠ مايو ٢٠٢٦
ايوا بس مش ممكن مثلا يبقي الابتلاء اللي انا فيه مش اصعب من اللي حواليا و لكن انا اللي مش قادره استحمل!! كدا اعرف منين اني إبتلاءي صعب و ربنا هيجازيني عليه
تم النشر الأربعاء، ٢٠ مايو ٢٠٢٦
بصراحه الموضوع تعبني لان حتي الواحد مشكلته لو كان راضي بيها و ساكت لكن لما تتكشف و يبقي اللي رايح و اللي جاي عارفها و يبقي تركيز الواحد بدل م انه عايز يحل مشكلته و كدا يبقي كل تركيزه يخفيها ازاي عن الناس عشان ميزودوش مشكلته
تم النشر الأربعاء، ٢٠ مايو ٢٠٢٦
م بصراحه في فرق بين مثلا ممكن يبقي الابتلاء اللي انا فيه و التعب و كدا دا عقاب ليا عشان حاجه مثلا عملتها و انا مش عارفه لان مش كل إبتلاء لو صبرت عليه هيبقي جزاؤه الجنه م يمكن ربنا بيعاقبني، ف كدا ابقي متعذبه في كلتا الحالتين...
تم النشر الأربعاء، ٢٠ مايو ٢٠٢٦
لعرض السؤال في فدني اضغط هنا