السلام عليكم
انا متربطة بواحد وبنحب بعض جدا بس هو مش جاهز يجى يتقدم حاليا ومش عاجبنا علاقتنا دى لأنها فى الخفى وحرام وفى نفس الوقت مش عايزين نبعد عن بعض هل فى حل غير انه نبعد عن بعض
انا مش عايز انصح لاني واقع في غلط مشابه بس ربنا يهديني ويهديكي.بصي لو سنه صغير او مش جاهز فابلاش لكذا سبب منهم ان حرام ومنهم انك مش عارفاه اوي حتى لو معاه بقالك سنين سهل اوي اي بني ادم يغير شخصيته على النت فاللي انت عارفاه مش هو بنسبه كبيره على الحقيقه تالت حاجه البنت تتلخص في كلمتين غلاءها والحياء فخليكي محافظة على غلاءك (الي عايز الالماس بيحفر ليه عشان يوصله عكس اللي عايز الموز بيقطفه من الشجرة على طول) واخيرا خليكي غالية ي غالية
تم النشر الخميس، ٥ فبراير ٢٠٢٦
وعليكم السلام ورحمة الله وبركاته يا عزيزتي 💕 أنا فاهمة تمامًا إحساسك ده، الحب قوي وصعب نبعد عن اللي بنحبه، خاصة لما القلوب متعلقة كده. بس خلينا نكون صريحين: العلاقة السرية دي حرام شرعًا، وهي بتأذي الروح والقلب على المدى الطويل، حتى لو بنحاول نبررها. ربنا سبحانه يقول في القرآن: "وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا". الحل الأفضل مش الابتعاد إلى الأبد، بس الابتعاد مؤقتًا لحد ما يحصل اللي يرضي الله: قولي له بوضوح: "إما التقدم الرسمي قريب (خطبة أو زواج مبسط إن أمكن)، أو نبعد تمامًا عشان نتقي الله". ده هيختبر جديته ويحفزه يتحرك. صلي الاستخارة بصدق، واسألي ربنا ييسر الخير ويبعد الشر. ركزي على نفسك دلوقتي: طوري مهاراتك، صلي، اقري قرآن، وابني حياتك عشان تكوني أقوى وأجمل. الحب الحقيقي يجي بالطريق الشرعي ويستمر. لو هو جاد، هيجي يتقدم. وإلا، الابتعاد هيحميكي من ألم أكبر. أنتِ تستاهلي علاقة علنية مباركة يا قمر! لو عايزة نصائح أكتر أو استشارة، شوفي الخبراء في https://www.fedni.net/experts، أو ابحثي عن أسئلة مشابهة في فدني هتلاقي إجابات كتير مفيدة. ربنا ييسر أمرك ويختارلك الأفضل 🤲❤️
تم النشر الخميس، ٥ فبراير ٢٠٢٦
قررنا نبعد إن شاء الله شكرا لكلامكم
تم النشر الخميس، ٥ فبراير ٢٠٢٦
عن النبي صلى الله عليه وسلم أنه قال: إنك لن تدع شيئا ابتغاء الله إلا آتاك خيرا منه. .. بالتوفيق للجميع
تم النشر الخميس، ٥ فبراير ٢٠٢٦
في حل انك تعطيه رقم ابوك وتستني واقلك شي نحنا مشتمع ما بيرتبط مع بنت عسوشل ميديا عشان راسو مطعوج رح يقول متل ما ارتبطت فيني مرتبطه مع غيري فبروح يخطب من عند اهل ازا انتي عنجد بدك تكسبيه وهوا عنجد رجل خبريه هاي رقم ابوي ازا بدك تعال اخطبني غير هيك لا واهم شي مانك عاطيتي صور عشان رح يبتزك
تم النشر الخميس، ٥ فبراير ٢٠٢٦
انتي شايفه انه مش زنا ولكن ف الحقيقه هو زنا مجازي و الزنا ليه أشكال كتير و الحكم بيختلف ع حسب النوع مجازي أو حقيقي و نصيحة مني ابعدوا أحسن ليكي و ليه علشان بمرور الزمن و زيادة الحب و التعلق هتكسروا كل الحواجز و اهلك هيعرفوا و الدنيا هتسود أوي ف عيونكم اسمعي مني اللي بقولهولك اسأل مجرب و اديني أهو حاليا بتعذب لأني اتأذيت جامد بالرغم من انه جه و اتقدم أكتر من مرة لكن الرفض من أهلي و حاليا بقى مني لأني تشبعت أذى بسبب اللي حصل لكن للأسف لسه متعلقة بالله عليكي ابعدوا لو بتحبيه و بيحبك بجد ابعدوا و اتقوا ربنا علشان يباركلكم ف نفسكم و حياتك لأن ما عند الله لا يدرك إلا بطاعته و محدش دايم ده اللي تيقنت منه بجد بعد ما فقدت كل حاجة
تم النشر الخميس، ٥ فبراير ٢٠٢٦
لو انتوا لسه صغيرين في السن طبيعي ميكونش جاهز. شوفي هقولك على نصيحة تقربيا دي احسن حاجة. اتفقي معاه على وقت زي سنة أو سنتين زي ما تشوفوا. يعني باختصار لوقت انتوا الاتنين تقدروا تاخدوا خطوه زي دي. ووقفوا كلام لحد الوقت ده عشان ربنا يبارك في علاقتكم. بس وقفوا كلام بمعنى ابعدوا تماما عن بعض شليه من الاكونت عشان مش كل ما يوحشك تكلميه. اعملي بلوك للوقت ده. ولو ليكم نصيب في بعض هيجيلك. بس مفيش حل سحري يخليكم تتكلموا وانتوا لسه مش جاهزين للأسف. وربنا يجمعكم في الحلال يارب
تم النشر الخميس، ٥ فبراير ٢٠٢٦
باختصار انتي بتحبيه وبينكم كلام معسول وده شئ ممتع بس استحالة يبنى على أساسه بيت وتربية أطفال .. وقبل كل شئ الكلام معه حرام
تم النشر الخميس، ٥ فبراير ٢٠٢٦
ما دام متخطاش الكلام يبقا مش زنا .. ولكن متستبعديش لأن النظر بالعين للعورة يعتبر زنا للعين وده احنا معرضين ليه
تم النشر الخميس، ٥ فبراير ٢٠٢٦
زنا اى حضرتك؟ احنا علاقتنا مبتتخطاش الكلام
تم النشر الخميس، ٥ فبراير ٢٠٢٦
دا زنا يحبيبي مفيش حاجة اسمها ارتباط سيبه لانه حرام سيبببيه قطعا وجملة واحدة للي بيحب واحدة يتجوزها م بيقول م جاهز إللي م جاهز بيكلم بنات ويعلقهم بيه ليه
تم النشر الخميس، ٥ فبراير ٢٠٢٦
علاقة بدون ثقة ... حتى لو تزوجتم هتشكي انه بيكلم غيرك لأنه كان بيكلمك ..
تم النشر الخميس، ٥ فبراير ٢٠٢٦
لعرض السؤال في فدني اضغط هنا