انا هقولك حاجة بسيطة بالبلدى ...نص العمى ولا العمى كله تسيبيه دلوقتى وتتبهدلى شوية وسط اهلك ...احسن ما تتجوزية وفى يوم من الايام لا قدر الله ترجعيلهم بدمك ( ده انا كده بجيبلك اسوأ السيناريوهات اللى انتى فاكره انك لما تكملى معاه فانتى هتبقى قللتى الخساير مثلا ) مفيش اى خسارة زى انك تخسرى نفسك ..متخليهوش يضحك عليكى ويبتزك قصاد اى غلطة غلطتيها معاه. هيكسر عينك شهور ولا سنين ولا حتى مش هتتجوزى خالص ..صدقينى اكرم ليكى من انك تشوفى معاه ذل واهانه ...اهلك وقتها هيقولوا ياريتك كنتى فضلتى معانا احسن . هيكسر عينك واهلك هيتبروا منك ..والله بردوا احسن من انك تدوقى سم ومر كل يوم بجرعات زياده وتخسرى نفسك واهلك ودينك كلمى اهلك وعرفيهم اللى حصل بينك وبينه بالتدريج ...الاول عرفيهم انك كلمتيه بعد ما اترفض ...بعد كده لو فى اى حاجات اكبر عرفيهالهم وسجليله اى مكالمه فيها اهانه من اللى بيقولها وعرفيهم وقولى انا مش هرمى نفسى فى النار دى حتى لو هيحصل ايه وراضيه باى عقاب بس ميكونش عقابى انى اتدفن وانا عايشه مع الشخص ده
لما يلاقيكى واثقه وبتتكلمى بدون خوف منه و استقوى باهلك وميهمكيش
تم النشر الأربعاء، ٢٠ مارس ٢٠٢٤
حاضر بس انا خايفه اوي ومش قد كل ده وخايفه يأذيني بعد لو فسختها أو قولت حاجه وكمان احنا من نفس المنطقه فاده تخليني مرعوبه اكتر
تم النشر الأربعاء، ٢٠ مارس ٢٠٢٤
لعرض الإجابة في فدني اضغط هنا