كثير مرات منتعلق بأشخاص الي حبيناها ولو من بعيد، بس بتعرفي شو الي بخلينا متعلقين بالشخص؟ تفكيرنا وتصرفاتنا، لما ربنا يشوف انك بتقاومي المراقبة، بتقاومي اي فكرة بتيجيكي بخصوص هاد الشخص، ربنا ببدلك خير منه، المشاعر هي ربنا خلقها، ان كان حب او غضب او اي مشاعر ثانية ، ربنا خلقها بالانسان... ما في اشي اسمو ١+١=٢ بالحب، ما في اشي اسمو حبيت شخص وبعمري ما رح احب غيرو، انا ما بآمن بهاد الاشي ابدا... بآمن انه الانسان هو الي بقرر اذا يخلي هاد الشخص بقلبو ، عن طريق التفكير فيه او مراقبته او تخيل محادثة معاه او او... تخيل ردود حابة اقلو ياها، تخيّل انه يرجع الزمن واحاول اغير قراري بمواجهة الظروف وما بعرف شو... المشاعر الي تكوّنت بقلبي تجاه هاد الشخص، بعد ما اعرف انو مش نصيبي، وانه في ظروف وامور كانت ضدنا، خلص بوقفها وبوقف نفسي و مشاعري، اكيد ما رح تروح فورا؛ بس لما ربنا بشوف انه بتحاولي، لما بشوف انه نيتك طيبة، قادر انه بلحظة يمحي هاي المشاعر من قلبك، وقادر انه بلحظة يخليكي تحبي شخص ثاني بالحلال، حب اكبر واحلى وانقى، بلحظة وحدة، بس انت توجهيلو. بتعرفي شو مشكلتنا؟ مشكلتنا انه منفكر انه احنا بس الي النا سلطة على مشاعرنا، وكإنها منفصلة عن الدعوات الي بدنا ياها، منتخبط بمشاعرنا ، ان كان غضب او كراهية او حب... مشكلتنا انو ما منستعين بالله انه يمحي هاي المشاعر من قلبنا، مثلا منحط بعقلنا انه منغار من فلان، وما مندعي اللهم اسلل سخيمة قلبي، يعني كل حقد كل اشي سيء بالقلب ربنا يمحيه... في ذنوب قلبنا بحبها؛ منحاول نوقفها بس مننسى ندعي الله انه ينزع حبها من قلبنا. تخيلي معي تنزلي الشارع وتفوتي على سوبر ماركت، تشتري اشي وتطلعي، شفتي الشخص الي كان يبيع؟ شخص عادي بالنسبة الك، قلبك ما بيحمل اي ذرة حب وتعلق تجاهه، اذا تجوز ما رح يهمك؛ اذا تطلق كمان ما رح يأثر عليكي... ربنا قادر يجعل هداك الشخص مثله بقلبك... انت بس امنعي نفسك من التفكير والمراقبة واستعيني بالله
❤❤
تم النشر الأحد، ٢٠ يوليو ٢٠٢٥
بشكرا جدا وانا هعمل بكلامك💗
تم النشر الأحد، ٢٠ يوليو ٢٠٢٥
لعرض الإجابة في فدني اضغط هنا