بصي يا بنت الحلال إن اللي بتمري بيه ده مش نهاية العالم ولا أنتي معيوبة أو فاشلة أنتي في رحلة والرحلة دي بتبدأ بكلمة واحدة وهي افهمي نفسك واضح إنك حاطة نفسك تحت مراقبة الناس كأن الكون كله سايب اللي وراه وقاعد يراقبك أنتي بس ودي أول خدعة عقلك بيضحك بيها عليكي الناس مشغولة بنفسها وبمشاكلها ومحدش مركز معاكي للدرجة دي وعشان نختصر الطريق ومندخلش في دوامة الاكتئاب بطلي جلد ذات ومثالية لأنك عايزة فجأة تخرجي وتتكلمي وتبقي اجتماعية ومنطلقة بنسبة مية في المية ولما ده مبيحصلش بتكتئبي وتنزوي أكتر والتغيير مبيجيش طفرة بيجي خطوات صغيرة فاقبلي إنك بتخافي وبتحرجي دلوقتي ده مش عيب ده مجرد عرض لحالة مؤقتة ولازم تواجهي بالتدريج لأن الخوف بيكبر طول ما أنتي مستخبية في البيت فلازم تنزل بس بالتدريج الممل يعني النهارده هخرج أمشي في الشارع لوحدي لمدة ربع ساعة بس ومش مطلوب مني أكلم حد والأسبوع الجاي هروح أشتري حاجة بسيطة من السوبر ماركت وأقول لللي. شغال هناك شكراً والأسبوع اللي بعده هقعد وسط قرايبي وأقول جملة واحدة أو رأي واحد بس واسألي نفسك دايماً وإيه يعني لو اتكلمتي واتلعثمتي إيه اللي هيحصل يعني السماء هتقع أو الأرض هتشق وتبلعك لأ خالص موقف وهيعدي زي ملايين المواقف اللي بتعدي على كل البشر يومياً فخففي الحمل عن نفسك وفكي السلاسل لأنك حرة بالله وأنتي عبد لله وحده مش عبد لنظرات الناس ولا لتقييمهم ولما تستمدي قيمتك من ربنا ومن نفسك مش من نظرة إعجاب أو انتقاد من شخص ماشي في الشارع وقتها بس هتنفسي بحرية زي ما أنتي عايزة والرهاب الاجتماعي مش مرض خبيث ملوش علاج ده مجرد عرض لضعف مهارة التواصل وخوف زايد من الأحكام والمهارة بتكتسب بالممارسة والخوف بيموت بالمواجهة فابدأي من بكره بخطوة صغيرة جداً واستعيني بالله ولا تعجزي وطمنيني عليكي هنا برساله أو اي شي ربنا يحفظك ويسعدك
تمام
تم النشر الجمعة، ٢٩ مايو ٢٠٢٦
تمام
تم النشر الجمعة، ٢٩ مايو ٢٠٢٦
https://youtube.com/@esmatali-ck7mg?si=1hBiqCQz2ThXmCe9
تم النشر الجمعة، ٢٩ مايو ٢٠٢٦
اه عندى
تم النشر الجمعة، ٢٩ مايو ٢٠٢٦
عندك يوتيوب
تم النشر الجمعة، ٢٩ مايو ٢٠٢٦
التطبيق بيحجب رابط الفيس
تم النشر الجمعة، ٢٩ مايو ٢٠٢٦
لا مش ظاهر
تم النشر الجمعة، ٢٩ مايو ٢٠٢٦
ظهر كدا
تم النشر الجمعة، ٢٩ مايو ٢٠٢٦
انت تقريبا بعته بس مش ظاهر
تم النشر الجمعة، ٢٩ مايو ٢٠٢٦
اه الفيس فوق
تم النشر الجمعة، ٢٩ مايو ٢٠٢٦
تمام، بس انا معنديش تيك توك ممكن لينك الفيس لو عليه نفس المحتوى
تم النشر الجمعة، ٢٩ مايو ٢٠٢٦
تمام بعتهم ... مش مشكله لو معجبك المحتوى مش لازم تتابعي ... وان شاء الله تكون امورك طيبه الفتره اللي جايه
تم النشر الجمعة، ٢٩ مايو ٢٠٢٦
https://www.tiktok.com/@esmat6102004?_r=1&_t=ZS-96lmbHnTfsK
تم النشر الجمعة، ٢٩ مايو ٢٠٢٦
لو فيس تمام
تم النشر الجمعة، ٢٩ مايو ٢٠٢٦
مفيش اي لينكات ظاهره وانا مش عارفه اجيبهم علشان لسه جديده عالتطبيق
تم النشر الجمعة، ٢٩ مايو ٢٠٢٦
اي عندك تطبيقات عشان ما تتشتتيش ؟؟
تم النشر الجمعة، ٢٩ مايو ٢٠٢٦
موجودين في الحساب جوه
تم النشر الجمعة، ٢٩ مايو ٢٠٢٦
طيب هات اللينك
تم النشر الجمعة، ٢٩ مايو ٢٠٢٦
بس مش مشكله عادي خلاص المهم انتي طبقة اللي قلتهولك وان شاء الله هتلاقي الدنيا تمام ..
تم النشر الجمعة، ٢٩ مايو ٢٠٢٦
لا موجود على كل المنصات اللي بره بعمل فديوهات دينيه .. هنا رسائل بس يفيد الناس باللي اقدر عليه
تم النشر الجمعة، ٢٩ مايو ٢٠٢٦
قصدك هنا ولا فين
تم النشر الجمعة، ٢٩ مايو ٢٠٢٦
ده غالبا نفس الموضوع فعلا وبيحصل مع ناس كتير جدا السوشيال ميديا بتديكي مساحة أمان وتحكم تقدري تفكري قبل ما تردي تمسحي الكلام وتعيديه تختاري الوقت المناسب ومحدش شايف تعبيرات وشك ولا ارتباكك لحظيا إنما الواقع مباشر وسريع وفيه نظرات وردود فعل فورية فالعقل بيحس بتهديد أكبر ويدخل في وضع التوتر وعشان كده تلاقي الشخص أونلاين دمه خفيف وذكي واجتماعي لكن في الحقيقة يتجمد أو يتهته أو عقله يفضى فجأة وهو بيتكلم وده مش معناه إنه غبي أو شخصيته ضعيفة بالعكس أوقات كتير بيكون شخص حساس وواعي زيادة وبيفكر في كل كلمة قبل ما يقولها فبيتوتر أكتر من الطبيعي وفي نقطة مهمة أنت غالبا عندك نسخة من نفسك جوا دماغك لازم تطلعي بيها قدام الناس فلازم تبقي ذكية وكلامك مرتب وردودك مثالية فلما الواقع ميطلعش كده بتحسي إنك فشلتي مع إن الناس الطبيعية بتتلخبط وتسكت وتقول كلام مش مرتب عادي جدا ومحدش بيحاسبهم زي ما انتي بتحاسبي نفسك فالموضوع مش ضعف شخصية قد ما هو خوف زائد من التقييم + مراقبة زيادة للنفس + قلة تعود على المواجهات الواقعية وعشان كده العلاج الحقيقي بيكون بالمواجهة التدريجية مش بالتفكير الكتير..ولو شفتي فديو ليا هتحسي اني حافظ الكلام مع أن الفديو مبيتعداش الدقيقة...الا اني بصور ممكن في خمس دقائق مع اني عارف الكلام ومفيش حد بيكون معاي....صحيح انا محتوايا ديني وان شاء الله لو شفتي لو تابعتيني هتستفيدي ... ولو مش عايزه عادي مش مشكله عادي ...العفو ربنا يحفظك
تم النشر الجمعة، ٢٩ مايو ٢٠٢٦
تمام هجرب
تم النشر الجمعة، ٢٩ مايو ٢٠٢٦
اكيد هتابعك، انا استفدت منك بجد
تم النشر الجمعة، ٢٩ مايو ٢٠٢٦
تمام وبشكرك جدًا بجد وان شاء اللـه هحاول إنى اعمل كده، ولا يهمك... سؤال بقى تفتكر إيه السبب اللى يخلى حد يكون اجتماعي بل وممكن يكون متميز اجتماعيًا عالسوشيال ميديا لكن عالواقع مبيعرفش يعمل كده او يتكلم حتى جملة ع بعضها كويس لما يواجه او يتحط ف موقف يتطلب منه انه يتكلم وميعرفش حتى لو كان يعرف بس مش قادر ينطق ، هو ده ضعف ولا المشكلة ف ايه ولا هو نفس الموضوع اللى بنحكي فيه ؟
تم النشر الجمعة، ٢٩ مايو ٢٠٢٦
ولازم علاقتك بربنا الأهم من ده كله وان شاء الله خير ... وفكره حلوه ممكن تعمليها دي انا استنتجتها من الواقع اللي بعيشه ... انا كنت مبحبش صوتي ولا اتكلم ولا حاجه .. بس بعد ما بدائت صناعه محتوى لقيت أن صوتي عادي وبقيت بحب اسمع والدنيا تمام ... ف ممكن تصوري نفسك فديو وانتي بتتكلمي أو بتشرحي حاجه وتشوفي نفسك ده هيساعد معاكي كتير ... بس لو لقيتي نفسك مش متقبله صوتك ..متياسيش وكملى مره في مره هتلاقي الدنيا تمام باذن الله 🌷
تم النشر الجمعة، ٢٩ مايو ٢٠٢٦
والأهم من ده كله شوفي حاجه بتحبها واعمليها مكافئه ليكي بعد كل إنجاز ..زي مثلا تشتري حاجه .. تعملي حاجه تابعي بودكاست يفيدك ... حاجه انتي بتحبيها ... تتابعيني مثلاً 😅. لا بهزر ... المهم يبقى في مكافئه
تم النشر الجمعة، ٢٩ مايو ٢٠٢٦
مش عارف بعت رساله قبل دي واتحزفت غالبا كان فيها حاجه خارج التطبيق...
تم النشر الجمعة، ٢٩ مايو ٢٠٢٦
ابدئي صغير أوي لدرجة إن عقلك ميخفش ومتفكريش في هتغير ازاي شخصيتي دلوقتي فكري بس هعمل ايه النهارده يعني مثلاً أول أسبوع انزلي اتمشي لوحدك شوية حتى لو متوترة بعدها ادخلي اشتري حاجة بسيطة بنفسك واسألي أو قولي شكر بعده ابعتي فوس قصير لحد قريبة منك بدل الكتابة او اقعدي وسط ناس حتى لو ساكتة ومتجريش تهربي بسرعة ومتراقبيش نفسك طول الوقت وانتي بتتكلمي لأن كل ما تراقبي نفسك أكتر هتتوتري أكتر وسيبي لنفسك حق الغلط والإحراج عادي ما كل البشر بيحرجوا نفسهم وبيكملوا حياتهم وفي حاجة مهمة متخليش مزاجك هو اللي يقرر هتتحركي ولا لا لأنك لو استنيتي تبقي مرتاحة نفسيا الأول فممكن تستني سنيناعملي الحاجة وانتي خايفة ومترددة عادي وكمان ابعدي شوية عن جلد الذات والجمل اللي زي أنا فاشلة أنا معنديش صبر أنا عمري ما بكمل لأن العقل بيصدق الكلام اللي بيتكررله بدليها بـأنا لسه بتعلم أكمل وحاجة أخيرة… متحاوليش تعالجي حياتك كلها مرة واحدة ركزي بس إنك كل أسبوع تبقي أحسن ١٪ من الأسبوع اللي قبله على الأقل ومع الوقت هتتفاجئي إنك اتغيرتي فعلا ...والله ربنا يحفظك ويوفقك لما يحب ويرضى... دي خطوات عمليه أن شاء الله هتساعدك جدا جدا
تم النشر الجمعة، ٢٩ مايو ٢٠٢٦
تمام يعني المفروض أعمل إيه علشان ابدأ صح
تم النشر الجمعة، ٢٩ مايو ٢٠٢٦
بصي… انتي ظلمتي نفسك لما قارنتي رحلتك برحلة ناس تانية مش كل شخص واثق كان عنده دعم في ناس كتير اتبهدلت نفسياً واتكسرت واتعلمت تمشي لوحدها غصب عنها ومش معنى إنك لوحدك إنك مستحيل تتغيري بس الفرق إنك حالياً شايلة نفسك فوق طاقتها وعايزة توصلي لنسخة قوية ومستقرة بسرعة ولما ده مبيحصلش بتنهاري وتحسي إن مفيش فايدة وانتي أصلاً عندك مشكلة أعمق من الرهاب شوية… انتي غالباً فقدتي الإحساس بالأمل في نفسك. بقيتي داخلياً مقتنعة إنك مهما تحاولي هتقفي في النص فبقيتي خايفة تبدأي من الأساس عشان متعيشيش إحساس الفشل تاني وده مش لأنك ضعيفة ده لأنك متعودة تتعبي لوحدك من غير حضن نفسي أو تشجيع أو حد يقولك كملي بس اسمعيني كويس… الإنسان مش لازم يبقى عنده حد ينقذه عشان يتغير ساعات أول شخص ينقذك في حياتك بيكون أنتي بعد ما تقرري متستسلميش لنفسك وحتى كلامك إن حياتك صحراء جرداء ده معناه إنك عطشانة احتواء وأمان وتقدير مش أكتر مش معناه إنك ميؤوس منك وبالنسبة للفرص اللي ضاعت… متفضليش تبصي وراكي كتير لأن الندم لما يزيد بيتحول لسلسلة تقيدك أكتر طالما انتي لسه عايشة ولسه عندك رغبة ولو صغيرة إنك تتحسني يبقى لسه في وقت لحياة مختلفة ومتستنيش تبقي قوية الأول عشان تتحركي اتحركي وانتي تعبانة وخايفة ومشتتة… القوة بتيجي بعد الحركة مش قبلها وانتي مش محتاجة تبقي نسخة مثالية من نفسك انتي محتاجة بس تبطلي تعادي نفسك كل يوم بعتذر عن الإطالة
تم النشر الجمعة، ٢٩ مايو ٢٠٢٦
فعلا وفعلا بقى كل حاجة لحد ما ألاقي حل ان شاء اللـه
تم النشر الجمعة، ٢٩ مايو ٢٠٢٦
اه انا فعلا هي مشكلتى الوحيدة ف الدنيا دى كلها
تم النشر الجمعة، ٢٩ مايو ٢٠٢٦
اه فعلا واعية بمشاكلى وعلشان كده بتقهر لانى مش عارفه اساعد نفسي
تم النشر الجمعة، ٢٩ مايو ٢٠٢٦
ممكن فعلاً يكون السبب انى مش بكمل للاخر وبقف علشان مش بلاقي نتيجة ، بس انا مفيش حاجة بدأت فيها ف حياتي وكملتها للاخر دايمًا بوقف لما بزهق علشان برضو صبري قليل ومعنديش طولة بال إنى أكمل لأخر الطريق بصراحة، بس تمام هحاول اكمل رغم وقعاتي وهجرب .. لا اكيد الناس الواثقه دى ظروفهم غير ظروفي، انا ظروفي مفيهاش حد يدعمنى او يشجعني اخد خطوة جديدة لقدام، لانى بحارب لوحدى ومش بطلب من حد انه يساعدني علشان بحس ان مفيش حد بيفهمني او ممكن يضحكوا عليا اصلا وحتى ان كنت شجاعة كفاية مش هعرف برضو فيمكن الناس دى اللى ساعدها انها لقيت حد ينورلهم طريق، انا للأسف ومن غير مبالغة والله حياتي صحراء جرداء ولما حاولت أحكي محدش فهمني واللى هو كان عادى انا اللى مكبرة الموضوع والحل بسيط، بس انا مش حاسة انه بسيط لان فعلا حياتي اتأثرت من خوفي ده وضاعت عليا فرص كتير كانت ممكن تغير حياتي للاحسن وبندم دلوقتي عليها .. الله المستعان
تم النشر الجمعة، ٢٩ مايو ٢٠٢٦
وإنتي كمان واضح إنك فاهمة نفسكك وعندك وعي كبير وده نقطة قوطة مش ضعف بس مشكلتك مش نقص معلومات مشكلتك إن عقلك طول الوقت بيفكر ويحلل ويراقب نفسه لدرجة إنه بيشلّك عن الحركهة يعني انتي مش محتاجة تفهميني أكتر قد ما محتاجة تطبقي بهدوء حتى لو الخوف موجود ومتدوريش على الحل السحري اللي يخليكي فجأة طبيعية ومش بتخافي لأن غالباً مفيش كده الموضوع بيبقى إعادة تدريب للعقل بالتكرار يعني كل مرة تنزلي مع خوفك كل مرة تتكلمي حتى لو صوتك مهزوز كل مرة متتهربيش… عقلك بياخد رسالة جديدة إن الموقف آمن وإنه مش نهاية العالم وفي نقطة مهمة جدا بلاش تربطي قيمتك بقدرتك الاجتماعية انتي مش أقل من حد عشان هادية أو بتتوتري دي مشكلة نفسية قابلة للتحسن مش تعريف لشخصيتك وخليكي رحيمة بنفسك شوية لأن واضح إن أكتر حد ضاغط عليكي هو انتي
تم النشر الجمعة، ٢٩ مايو ٢٠٢٦
ومين قال إن العلاج لازم يبقى بسرعة؟ انتي بقالك سنين بتفكري وتخافي بالطريقة دي طبيعي التغيير ياخد وقت متستنيش من نفسك تتحولي لشخص تاني في أسبوع المشكلة إنك غالباً كل مرة بتحاولي فيها بتبقي مستنية نتيجة كبيرة بسرعة ولما متلاقيهاش بتحسي إن مفيش فايدة فتوقفي مع إن التغيير الحقيقي بيبان بعد تراكم خطوات صغيرة جداً حتى الناس الواثقة اللي انتي شايفاهم طبيعيين كانوا بيتوتروا ويحرجوا عادي بس الفرق إنهم مكملوش هروب فخلي هدفك مش إن الخوف يختفي خلي هدفك إن الخوف ميمنعكيش ولو تعبتي يوم وخفتي وانعزلتي شوية ده مش معناه إنك رجعتي للصفر دي وقعة صغيرة في طريق طويل وبالعكس طالما لسه بتحاولي رغم تعبك ده دليل إن جواكي قوة أكتر ما انتي متخيلة ..وهتوصلي
تم النشر الجمعة، ٢٩ مايو ٢٠٢٦
جزاك الله خيرًا وربنا ينفع بيك، انت فعلا معلوماتك كويسة وده واضح من كلامك، انا كمان بحثت كتير بس مش عارفه ارتب افكاري ولا عارفه اوصل لحل واقعي اطبقه وانجح بيه
تم النشر الجمعة، ٢٩ مايو ٢٠٢٦
حاضر هحاول بس انا صبري قليل
تم النشر الجمعة، ٢٩ مايو ٢٠٢٦
بلاش مثالية بلاش تقولي انا خلاص هعمل كل حاجه اهدي وبالتدريج وبأقل القليل هتلاقي الدنيا تمام وهتتحسني وحده وحده وهتكوني حاجه حلوه باذن الله
تم النشر الجمعة، ٢٩ مايو ٢٠٢٦
هو حضرتك ثيرابي؟
تم النشر الجمعة، ٢٩ مايو ٢٠٢٦
وفكرة إنك خايفة الناس تشوفك غريبة دي جاية من إنك مركزة على نفسك وقت الكلام زيادة، لكن اللي حواليكي غالباً مش بيدققوا فيكي بالنسبه اللي متخيلاها وحاجة كمان مهمة… متقيسيش تقدمك بإحساسك، لأن ممكن تنزلي وتتكلمي وانتي مرعوبة من جوا وبرضو ده يعتبر تقدم والشجاعة مش إنك متخافيش الشجاعة إنك تعملي الحاجة رغم الخوف فمتزهقيش من نفسك انتي مش حالة ميؤوس منها ولا شخص فاشل اجتماعياً انتي بس محتاجة وقت وتدريب ورحمة بنفسك أكتر وكل مرة بتواجهي فيها خوفك حتى لو بسيطة فده انتصار ...العفو ربنا يحفظك
تم النشر الجمعة، ٢٩ مايو ٢٠٢٦
فاهمة وبجد مش راسمة لنفسي شخصية معينة أكون عليها، يكفي انى اخد حريتي واتنفس كده من غير اي حساب لنظرات الآخرين، عاوزه اكون ع طبيعتي وبعفويتي وبراحتى وده اصلاً اللى بيضايقني علشان مش عارفه احققه ومش عارفه ايه المشكلة بالظبط ف انى اكون كده ع طبيعتي!
تم النشر الجمعة، ٢٩ مايو ٢٠٢٦
بصي انتي مش بتمثلي قد ما انتي بتحاولي تحمي نفسك من الإحراج أو الرفض وده شيء ناس كتير بتعمله من غير ما تاخد بالها بس الفرق إنك واعية بده زيادة فحاسه بكل تفصيلة جواكي وده اللي مرهقك مش إنك غريبة ولا هبلة وصدقيني الرهاب الاجتماعي من أصعب الحاجات لأنه بيخلي الإنسان عارف إن خوفه مبالغ فيه ومع ذلك جسمه وعقله بيتصرفوا كأنهم في خطر حقيقي فمتجلديش نفسك على حاجة انتي أصلاً بتحاربيها كل يوم وانتي مش مطالبة تبقي اجتماعية طول الوقت ولا تبقي النسخة الكاريزمية اللي في دماغك عشان الناس تتقبلك الناس أصلاً بتحب الشخص المريح والعفوي أكتر من الشخص المثالي
تم النشر الجمعة، ٢٩ مايو ٢٠٢٦
انا بجد بشكرك رسالتك أفادتني فعلاً وممكن تساعدني، انا عارفه ان الناس اصلاً كل واحد ف حاله ومحدش فاضي لحد وان ده شىء جاي من وهم بسبب افكاري السلبية اللى مش عارفه اتخلص منها، بس انا بجد غصب عني انا واعية ومدركة لكل مشاكلى دى بس مش قادره اتعامل معاها لحد ما تعبت ونفسي اتسدت من انى احاول تانى واللـه، ومش عارفه برضو اختلط عادى كده ، الموضوع مش سهل هو بالنسبالى صعب جدًا مع إنه ف الحقيقة حاجة تافهة، خايفة يقولوا انى واحدة غريبة او هبلة او بستظرف علشان بتصرف كده، علشان كده بحاول اكون عادى رغم انى بيبقى جوايا خوف كبير وانا ف اي تجمع مع اشخاص مهمين او انا حطاهم لمكانة معينة، فبحس ان ده بيستنزفني لإنى بمثل ع نفسي وعليهم انى اجتماعية واهو علشان محدش يسخر مني، شكرًا
تم النشر الجمعة، ٢٩ مايو ٢٠٢٦
لعرض الإجابة في فدني اضغط هنا