انا عندى ٢٠ سنة ولسه لحد دلوقتي بعاني من الرهاب الاجتماعي ومش عارفه اتخلص منه، محتاجه حل او محتاجه اعرف نصيحة حد كان بيعاني منـه وقدر يتغلب عليه، انا بجد ف حاجات كتير متعطلة ف حياتي بسبب الرهاب ده،
مبعرفش اكون اجتماعية او اخد حتى راحتي ف اي مكان موجود فيه ناس، وكمان عندى خجل غير عادى من انى اخرج لوحدى او انى اتكلم مع حد غريب او الرجال عمومًا، حتى مع عيلتي مش مختلطة بيهم ولا بروح ولا باجي عند اي حد وف البيت دايمًا مش بخرج اصلاً،
ومع اصحابي انا بحاول اغير من نفسي بس مش عارفه دايمًا ببقى هادية وصامته مع انى ف بيتي ومع الناس القريبين مني انا عكس كده تماما واللـه بس معرفش انا بقيت ليه كده،
انا حياتي ضاعت عليها فرص كتير بسبب انى بخجل او عندى رهاب اجتماعي وده بيقهرني جدًا وعاملى اكتئاب لانى بحاول اغير من نفسي بس برضو مفيش نتيجة، مش عارفه اكون حرة ع طول حاسة انى مُقيدة بنظرات الناس ليا وانى متراقبة طول الوقت فمش عارفه اكون ع راحتى ف اي مكان زى ما بشوف الناس دى ع راحتها كده وحرة وبتتنفس لوحدها عادى، هو انتوا كده ازاى، ساعدوني لو سمحتوا
في آيه جميلة بتقول " يثبت الله الذين آمنوا بالقول الثابت في الحياة الدنيا وفي الآخرة "، كل ما بكون محرج ومش عارف أتكلم مع حد بفتكرها سبحان الله كل الخوف والقلق بيختفي وببقا واثق من نفسي مش تهريج والدعاء كنت بدعي إني أكون لبق في الكلام وفصيح والحمد لله "إن ربي لسميع الدعاء" و أخيراً التقوى "ومن يتق الله يجعل له مخرجا" أي مخرج بقا مخرج من الرهاب مخرج من الخجل مخرج من أي شيء لمجرد إنك اتقيتي الله ، لو انتفعتي بكلامي ياريت تعرفيني أو غير فيكي حاجة .
تم النشر السبت، ٣٠ مايو ٢٠٢٦
بصي يا بنت الحلال إن اللي بتمري بيه ده مش نهاية العالم ولا أنتي معيوبة أو فاشلة أنتي في رحلة والرحلة دي بتبدأ بكلمة واحدة وهي افهمي نفسك واضح إنك حاطة نفسك تحت مراقبة الناس كأن الكون كله سايب اللي وراه وقاعد يراقبك أنتي بس ودي أول خدعة عقلك بيضحك بيها عليكي الناس مشغولة بنفسها وبمشاكلها ومحدش مركز معاكي للدرجة دي وعشان نختصر الطريق ومندخلش في دوامة الاكتئاب بطلي جلد ذات ومثالية لأنك عايزة فجأة تخرجي وتتكلمي وتبقي اجتماعية ومنطلقة بنسبة مية في المية ولما ده مبيحصلش بتكتئبي وتنزوي أكتر والتغيير مبيجيش طفرة بيجي خطوات صغيرة فاقبلي إنك بتخافي وبتحرجي دلوقتي ده مش عيب ده مجرد عرض لحالة مؤقتة ولازم تواجهي بالتدريج لأن الخوف بيكبر طول ما أنتي مستخبية في البيت فلازم تنزل بس بالتدريج الممل يعني النهارده هخرج أمشي في الشارع لوحدي لمدة ربع ساعة بس ومش مطلوب مني أكلم حد والأسبوع الجاي هروح أشتري حاجة بسيطة من السوبر ماركت وأقول لللي. شغال هناك شكراً والأسبوع اللي بعده هقعد وسط قرايبي وأقول جملة واحدة أو رأي واحد بس واسألي نفسك دايماً وإيه يعني لو اتكلمتي واتلعثمتي إيه اللي هيحصل يعني السماء هتقع أو الأرض هتشق وتبلعك لأ خالص موقف وهيعدي زي ملايين المواقف اللي بتعدي على كل البشر يومياً فخففي الحمل عن نفسك وفكي السلاسل لأنك حرة بالله وأنتي عبد لله وحده مش عبد لنظرات الناس ولا لتقييمهم ولما تستمدي قيمتك من ربنا ومن نفسك مش من نظرة إعجاب أو انتقاد من شخص ماشي في الشارع وقتها بس هتنفسي بحرية زي ما أنتي عايزة والرهاب الاجتماعي مش مرض خبيث ملوش علاج ده مجرد عرض لضعف مهارة التواصل وخوف زايد من الأحكام والمهارة بتكتسب بالممارسة والخوف بيموت بالمواجهة فابدأي من بكره بخطوة صغيرة جداً واستعيني بالله ولا تعجزي وطمنيني عليكي هنا برساله أو اي شي ربنا يحفظك ويسعدك
تم النشر الجمعة، ٢٩ مايو ٢٠٢٦
أنا آسفة إنك بتمري بكل ده، وأقدر إن الرهاب الاجتماعي بيخلّيكِ تحسي بالقيد والاكتئاب، خاصة وأنتِ في العشرينات ولسه بتحاولي تتغلبي عليه. كتير من النساء مرّوا بنفس الشعور ونجحوا يتجاوزوه تدريجيًا. ابدئي بخطوات عملية صغيرة: اختاري موقفًا يوميًا بسيطًا زي التحدث مع بائعة لدقيقة واحدة أو الخروج لشراء حاجة قريبة، وسجّلي إنجازك كل مرة. ركزي على تغيير الأفكار السلبية عن "نظرات الناس" بتذكير نفسك إن معظم الناس مشغولين بحياتهم. مارسي الصلاة والدعاء باستمرار لطلب القوة والثبات، فهذا يعزز الثقة من الداخل. لو استمر الوضع، زوري صفحة الخبراء على Fedni ( https://www.fedni.net/experts ) وابحثي عن متخصصين في الرهاب الاجتماعي لاستشارة مخصصة. كمان، ابحثي عن أسئلة مشابهة على Fedni لتقرئي تجارب أخرى. أنتِ قادرة على التغيير، خطوة بخطوة.
تم النشر الجمعة، ٢٩ مايو ٢٠٢٦
انا كنت كدة لحد ما بدات التجارة والتعامل مع الناس
تم النشر الجمعة، ٢٩ مايو ٢٠٢٦
دا بيبقا من قله الثقه بالنفس حاولي تثقي بنفسك اكتر وتتعودي تفتحي مواضيع وتتناقشي مع صحابك ولسانك هيتعوظ
تم النشر الأحد، ٣١ مايو ٢٠٢٦
حطي في دماغك ان محدش مهتم ومش كل العيون عليكي
تم النشر الأحد، ٣١ مايو ٢٠٢٦
١٧
تم النشر السبت، ٣٠ مايو ٢٠٢٦
هاقولك بقا أنا أيوه كده بس لما اليوم يتعك خالص وآجي أنام بالليل مش بازعل علشان باقول طالاما إني مازعلتش حد قبل ما أنام يبقا خلاص أزعل أو أخاف من البشر ليه وفيه رب البشر فاهمني بس أنا بقا عكسك أنا بقالي سنوات مش باطلع غير للمدرسه فقط بسبب إني مابحبش الناس 🙂مش مابحبهمشي مابحبش أتكلم مع أي حد علشان الله أعلم هاطلع ب ذكري من وسط الكلام ده عامله إزاي عارفه إني عمري ماهاتغير مش غامضه ومش مافوره بس شايفه الناس بطريقه فوق الطريقه التانيه 😂
تم النشر السبت، ٣٠ مايو ٢٠٢٦
بس الحمد لله ان انا مش لوحدى اهو انتِ كمان مصابة بنفس الفيرس 😂
تم النشر الجمعة، ٢٩ مايو ٢٠٢٦
تمام، بتمنالك التوفيق بس حاولى تصلحي من نفسك لان اللى احنا فيه ده صعب وهيعطل علينا حاجات حلوة كتير هنندم عليها بعدين، علشان كده بحاول اساعد نفسي، وانتِ كمان حاولى تعملى كده
تم النشر الجمعة، ٢٩ مايو ٢٠٢٦
@Mëñāh Tähã انتِ عندك كام سنة
تم النشر السبت، ٣٠ مايو ٢٠٢٦
قولتي الكلام إللي عاوزه اقولوا
تم النشر السبت، ٣٠ مايو ٢٠٢٦
آه بتهون دى لما نلاقي حد زينا ف نفس الدايرة المقفولة، ربنا يعافينا
تم النشر الجمعة، ٢٩ مايو ٢٠٢٦
ان شاء اللـه، حصل مع ان بجد لو فكرنا فيها هنلاقيها حاجة تافهة بالنسبة للناس تانية، ده انا باخد كمية تريقة قد كده من اهلى ع الموضوع ده
تم النشر الجمعة، ٢٩ مايو ٢٠٢٦
نادر جدًا لو لقينا حد شبهنا ففرصة اننا نفهم بعض دى هتساعدنا نخرج من اللى احنا فيه
تم النشر الجمعة، ٢٩ مايو ٢٠٢٦
فهماكِ بس ياريت بجد تفكري تانى، الفكرة كويسة يمكن نتعالج سوا لو كلمنا بعض وخدنا خطوة مع بعضينا جديدة نشجع بيها نفسنا، انا نزلته لسه النهارده ومعرفش الوضع ايه بس قولت اجرب يمكن ألاقي حاجة تفيدني هنا، سلمك من كل شر، ان شاء الله هنلاقي حل، فكري ها
تم النشر الجمعة، ٢٩ مايو ٢٠٢٦
علفكرا انا بنت مش ولد، وكانت هتبقى فكرة احسن لانى لقيت حد شبهي وبكده هعرف اشجع نفسي وانتِ كمان هتشجعي نفسك، بس طالما إنك مش حابة تمام ده براحتك يا جميل
تم النشر الجمعة، ٢٩ مايو ٢٠٢٦
@😶... . طيب بما اننا زي بعض كده تعالى نتواصل ع تطبيق تانى ونشجع بعض هيكون احسن بكتير لينا، انا كمان زيك كده بالظبط واللـه
تم النشر الجمعة، ٢٩ مايو ٢٠٢٦
لعرض السؤال في فدني اضغط هنا