أعمل اي لو فقدت الامل بنفسي
ومش عارفه انتظم بصلاتي أو مذاكرتي أو حياتي الاجتماعية ودايما متعصبه وبزعل بسرعه وبتعصب بسرعه مع انو كنت بطلت اتعصب ازعل بسرعه فعلا تايهه وحاسه انو الكل افضل مني وتعبت من كل اللي حواليا
عايزه أدخل غيبوبة مش أصحى منها إلا بعد فترة طويلة
السلام عليكم ورحمه الله وبركاته. طبيعي جدا لما انت تبقي طول الوقت قاعده عماله تعملي مقارنه ما بينك وما بين الاخرين وطول الوقت شايفاهم هم أعلى منك وانت في درجه اقل ده يخليك طول الوقت متعصبه وطول الوقت زعلانة بس انت متعصبة من ايه وزعلانة من إيه من نفسك متعصبه من انك بتعملي جهد ما وصلكيش للدرجه الاعلى دي اللي هي عندهم هناك زعلانه من الظروف اللي مخليتكيش زيهم. التفكير ده وانك تبقى طول الوقت ده اللي في بالك ودي الصوره اللي قدام عينك طول الوقت هو ده اللي هيخليكي تبقي فاقد الامل في نفسك وكانك طول الوقت بتقولي لنفسك خلاص بقى اي جهد اعمله مش هيطلعني في المكان اللي انا عايزاه الظروف عمرها ما هتتحسن وتخليني في مكان أحسن هم هيفضلوا أحسن مني منتظرة إيه؟ أنت حددت المستقبل وقررته وحكمت عليه إزاي هتتحركي دلوقتي في الحاضر مش هتتحركي طبعا يعني لو أنا قلت لك خلاص أنت كده كده هتاخدي صفر في الامتحان تفتكري هتذاكري مش هتذاكري خلاص ما إيه اللي هيخليني أذاكر ما أنا كده كده هاخد صفر أنا كده كده مثلا المدرس قرر إنه هو هيديني صفر مهما عملت إيه اللي هيخليك تعملي كده. طبعا صعب جدا رغم إن خليني أقول لك إن فيه ناس ممكن تعمل كده ليه بقى؟ لأن هي بيكون عندها إيمان أكبر بالقدر اللي هو في إيد ربنا لأنه مش بتاعها ولذلك ربنا خلى القدر في علم الغيب ومخفي. احنا منعرفوش ومش هنعرفه ليه عشان نقعد نجتهد في الحاضر. املا دائما دائما في انه اللي هيبدأ يظهر لنا من القدر المخفي ده يكون حاجه جميله. فبطلي تقارني نفسك بالآخرين وانسيهم هم تماما وحطي بس قدام عينك صورة واحدة هي صورة الحاجة اللي انت عايزة تحققيها وخلي فيه إيمان بربنا وبأقدراه اللي هي أكيدة كلها في مصلحتك صدقيني هتبدئي تحسي بإحساس مختلف.
تم النشر الثلاثاء، ٢٦ أغسطس ٢٠٢٥
تبدئي باختيار صحبه صالحه تعينك على الانتظام في الصلاه بجانب اختيار افضل اوقات المذاكرة زي بعد صلاة الفجر الصدقه ليها مفعول سحري لو فيه عاده معينة مش عارفه تبطليها تنزيل تطبيق زي المؤذن يساعدك على الصلاة في وقتها
تم النشر الثلاثاء، ٢٦ أغسطس ٢٠٢٥
يا ليا مي، أسمعي مني شوي، ممكن يكون شعورك ده انت تعبانة جدًا، وده شيء طبيعي جدًا يحصل لأي حد — مش عيب ولا ضعف أبداً. أحيانًا لما الحياة تضغط علينا، ولما نفقد توازننا في أشياء مهمة زي الصلاة والمذاكرة والعلاقات الاجتماعية، بنحس بالاحباط واليأس. أنا هنا علشان أساعدك خطوة بخطوة، عشان ترجعي لنفسك وتحصلي على أمل جديد. خليني أساعدك نقسم الموضوع على 4 محاور: فقدان الأمل في النفس: حاولي تتذكري إن كل إنسان يمر بفترات ضعف، ومفيش حد كامل ولا دائمًا ناجح. ركزي على نقطة إيجابية واحدة في نفسك يوميًا، حتى لو صغيرة: مثلا قوة صبرك أو أي مهارة تحبيها في نفسك. لا تقارني نفسك بالآخرين، لأن لكل حد ظروفه وتجربته الخاصة. الانتظام في الصلاة والمذاكرة: الصلاة ركيزة أساسية تريح القلب وتجدد النشاط النفسي، جربي تبدأي بخطوات بسيطة زي ركعتين بنية التركيز على الوصول لراحة قلبك، حتى لو مافيش نشاط تاني. حاولي تكسري وجدول مذاكرتك إلى أوقات قصيرة، مثلا 20 دقيقة وزي ما نجحتِ في فترة، زيدي شوية. كوني رحيمة بنفسك، وما تضغطيش زيادة. الضغط والعصبية الزائدة: الاعتراف بالعصبية دي هو نقطة قوة كبيرة من أولى خطوات التغيير. جربي كتابة مشاعرك في ورقة بدون حكم، اطلقي كل اللي جواكي. فكري في أسباب الغضب وحاولي تحددي إذا ممكن تعملي لهم حلول محددة أو تتجنّبي مواقف معينة مؤذية. الشعور بالتعب واليأس: أحيانًا يكون عندك تعب نفسي عميق يحتاج تاخدي استراحة منظمة، خدي وقت لنفسك بعيدًا عن الضوضاء. حاولي توجهّي نفسك لتفعيل أنشطة صغيرة تفرحك وتنعشك، حتى لو عادة بسيطة زي تمشي في مكان هادي. وأخيرًا، يا ليا مي: أنتِ مش لوحدك، في كتير ممكن يساعدوك لما تتجهيلهم، سواء أخصائي نفسي أو مدرب حياة أو مصلي يملأ قلبك بالنصائح الروحية. لو حبيتي، ممكن أساعدك إني أوجهك لخبراء في تطبيق فدني، ليهم خبرات كبيرة في مجال الدعم النفسي والروحي، وهيساعدوك بخطوات عملية. دايمًا خلي عندك أمل في رحمة الله اللي ما تنقطعش، وافتكري إن كل ليلة ظلمة تحلوا بنور الفجر بإذن الله. أنا هنا معاك دايمًا، لو حبيتي تسألي عن أي حاجة أو تحتاجي دعم إضافي انا ذكية في خدمتك. خليكي قوية وأوعي تستسلمي، لأن الله لا يضيع أجر المحسنين. 💖 هل حابة أساعدك ترتبي خطة بسيطة للالتزام والصلاة والمذاكرة مع بعض؟
تم النشر الثلاثاء، ٢٦ أغسطس ٢٠٢٥
انا نفس حالتك بالظبط ويحاول اصلح من نفسي ويمكن حالتي اصعب منك بكتير بس بحاول نصيحة مني هتنفعك جامد اولا شوفي انتي عاوزه ايه وعاوزه تكوني فين تمام ولما تعرفي كده تلقائي هتبطلي تقارني نفسك باللي بره لانك انتي راسمه لنفسك الطريقه تمام ثانيا ابعدي عن المشتتات زي السوشيال ميديا انا واحد حرفيا مبكنش فايق لنفس ولا اكون مرتاح نفسيا إلا لما ابعد عن السوشيال ميديا تمام امسحي كل حاجة خلي الواتس علشان التواصل مع الاصحاب والكلام ده ثالثا الذنوب ابعدي عن الذنوب كل اما الإنسان يبعد عن الله عز وجل كل ما يدخل في ظلمات بعضها فوق بعض فبيكون الإنسان مش ناجح وضيق الأفق ونفسيته مش كويسه وكل الاشياء الي تخلي الواحد ينتحر والعياذ بالله اسمعي بقا لناس كويسه يعني مثلا اعتبري نفسك مفيش شخصيه خالص ابدئي بقا ابني نفسك وابني شخصيتك اللي حابه والي انتي نفسك تكون دي شخصيتك وده هيتحقق بالسماع لناس شاطره في المجال ده والقراءة وما إلى ذلك بس اهم حاجه ابعدي نفسك عن اي حاجه محبطه أو محزنه واقع بقا ظروف معيشه اب مثلا ام أصحاب ناس ابعدي نفسك عن اي حاجه تدمر لك نفسيتك وهتكوني بخير يعني إن شاء الله ربنا يوفقك وييسر لك الأمور.
تم النشر الأربعاء، ٢٧ أغسطس ٢٠٢٥
ان شاء الله تمام شكرا على النصيحه جزاك الله خيرا أمين يارب ولك بالمثل يارب
تم النشر الأربعاء، ٢٧ أغسطس ٢٠٢٥
لعرض السؤال في فدني اضغط هنا