محتاجه نصيحه من بنت
دلوقتي انا عندي ٢١ سنه و مشكلتي ان كل الي حواليا يا مخطوبين يا مرتبطين يا في راجل مهتم او معجب بيهم
و بسبب ده حاطه علي نفسي ضعط انو لازم انا كمان يكون في في حياتي حد و ان ده الطبيعي و غريب ان مفيش في حياتي حد و الحاجه دي مخلياني بتشد ل اي راجل ب سهوله لو ولد بعتلي فولو مثلا و شكله عجبني و كدا بيلغبطني بسرعه جدا و ببتدي اركز معاه و استناه يبعتلي و سهل اوي اي راجل يشتتني و يخليني انجذب لي
انا عايزه ابقي تقيله شويه مش اي راجل يلفت انتباها و يشتتني كدا و عايزه احب الفتره الي انا سنجل فيها دلوقتي دي و مبقاش مستنيه راجل يدخل حياتي
اكيد كل بنت بتبقا عايزه الاهتمام و ان في نص تاني ليها موجود
لحد ما ده يحصلي و الاقي نصيبي عايزه اعيش في سلام شويه و مبقاش قاعده مستنيه ريليشن شيب ب لهفه كدا
انا حلوه و واثقه في نفسي جدا و في شكلي ، فمش مثلا حاسه ب نقص و مستنيه راحل يدخل حياتي يثبتلي اني حلوه و اتحب
و انا حاطه رولز معينه و مواصفات للشخص الي عايزاه يدخل حياتي و مع ذالك بردو اي راجل ممكن يلفت انتباهي حتي لو مفهوش المواصفات الي عايزاها
بصي يا بنت الناس إنتي مشكلتك إنك باصة لغيرك ومسوقة نفسك في سكة المقارنات ومفهمة روحك إن القطر فاتك عشان حواليكي اتخطبوا وإنتي لسه عيلة ٢١ سنة يعني لسه يدوب بتكولي يا هادي الضغط اللي إنتي حاطة نفسك فيه ده هو اللي مخليك خفيفة وسايقة فيها مع أي فولو أو نكشة من أي عيل ومستعدة تدلقي لأي حد لمجرد إنك تداري الفراغ وخلاص طالما إنتي شايفة نفسك جميله وواثقة في حالك وشكلك ومش حاسة بنقص يبقى عيب في حقك أوي ترمي نفسك الرامية دي مع أي حد يلمحلك الثقل ده يا بنتي مش تمثيل ولا حركات الثقل بييجي لما تملي دنيتك بحاجات تانية بجد ركزي في كليتك وفي يومك ومستقبلك وساعتها مش هتلاقي وقت أصلا تبصي للموبايل وتشوفي مين بعت ومين هبب إيه حبي عيشتك وإنتي سنجل ومرتاحة البال واعتبريها فترة راحة وروقان تكتشفي فيها نفسك ولما ييجى ابن الحلال اللي بجد ويستاهلك وبنفس المواصفات اللي إنتي حطاها ساعتها بس يملى عينك وياخد من وقتك وطول ما هو مش موجود اقفلي الباب دي خالص ومتخليش الفراغ العاطفي يخليكي تاخدي قرارات تندمي عليها وتنزلي من نظر نفسك عيشي في سلام والنصيب الحلو هيخبط على بابك في وقته الصح ومن غير بهدله .. بعتذر اني رديت مع إن أن حضرتك قلتي للبنات .. بس قلت اقول رأيي يمكن تستفيدي ...
تم النشر الاثنين، ١٨ مايو ٢٠٢٦
يا بنتي، أول حاجة أقولك إن شعورك طبيعي جدًا في سن ٢١، وكتير بنات بيحسوا بنفس الضغط ده لما يشوفوا اللي حواليهم مرتبطين. بس الحلو إنك واعية بالمشكلة وبتدوري على حل، وده أول خطوة مهمة. عشان تبقي أثقل وما تتشتتيش بسهولة، ركزي على بناء حياتك الشخصية دلوقتي. حددي أهداف يومية أو أسبوعية في مجال دراستك أو شغلك أو هواياتك، وخلي وقتك مليان بأنشطة بتحبيها. لما تكوني مشغولة بنفسك وبتطوري مهاراتك، هتحسي بالسلام الداخلي ومش هتستني حد يدخل حياتك. كمان، حطي حدود واضحة مع نفسك وامنعي الدخول في علاقة غير رسمية مع أي شاب. استمتعي بفترة الـ single دي، هي فرصة ذهبية تعرفي نفسك أكتر وتكوني جاهزة للشخص المناسب لما ييجي. ادعي ربنا يريح قلبك ويبعد عنك أي تشتت، وثقي إن نصيبك هيجي في وقته الصح. لو عايزة نصايح أكتر أو تسمعي تجارب مشابهة، ابحثي عن أسئلة مشابهة في فدني، ولو حسيتي إنك محتاجة دعم متخصص، شوفي صفحة الخبراء على https://www.fedni.net/experts . أنتِ قوية وواثقة، وهتعدي الفترة دي بسلام إن شاء الله.
تم النشر الأحد، ١٧ مايو ٢٠٢٦
والله الموضوع سهل وبسيط وهو انك تطنشي اي كلام من اي حد 21 سنة يعني صغيرة ولسه الحياة قدامك وفعلا معاكي حق اتبسطي من الفترة دي - اشغلي وقتك سواء بالعبادة او الفسح وتقضي وقتك مع اهلك والدراسة والشغل هتلاقي نفسك انشغلتي عن التفكير بالذات في موضوع الشغل انتي لما تشتغلي وتنحجي في مجالك هتبقي حاسة انك مالكة العالم وفعلا مش محتاجة لراجل - الدعاء ادعي ربنا كتير انه يرزقك الزوج الصالح اللي يستاهلك ويحافظ عليكي - وانا عارفة جو المقارنات وان بنت عمتك مخطوبة ومش عارفة خطيبها عمل ايه وسوا ايه وبنت خالك مش عارفة خطيبها جابلها ايه . انتي حاسة بكدا بسبب الكلام الكتير اللي بتسمعيه - وربنا يرزقك بما تتمني ان شاء الله
تم النشر الأحد، ١٧ مايو ٢٠٢٦
هو ميول طبيعى ف سنك ده لو مفيش ميول دا ضد الفطره ، لو اتيحت ليكى الفرصه تتجوزى بمواصفاتك ال بتقولى عليها اتجوزى ، كلنا ضعيف أمام الطرف الآخر ، بس الفكرة تصرفاتى مع الضعف ده هتكون ازاى ، انما جامده وتقيله وعندك لامبالاة ناحية الرجالة مفيش منه الكلام ، ربنا خلقنا ف أمس الحاجة لشريك حياة عشان نسعى لكده ويستمر نسل المؤمنين ، تكاثروا فإنى اباهى بكم الأمم يوم القيامة
تم النشر الاثنين، ١٨ مايو ٢٠٢٦
الإهتمام .. وماذا بعد ؟ .... القصد ان دي مظاهر وتسلية لحظية مصيرها تنتهي وتتلاشى .. وممكن متنتهيش بالسهولة دي لأن الطرف الثاني الله أعلم ممكن يتسبب في ضرر بسبب انه مريض نفسي أو عقلي أو مدمن مثلا ....... فالخلاصة لازم نستحضر معاني الحياة وأننا مخلوقين فيها لهدف مش لمجرد الاستمتاع وإن الفطرة هي الزواج مش العلاقات
تم النشر الاثنين، ١٨ مايو ٢٠٢٦
لعرض السؤال في فدني اضغط هنا