السلام عليكم ورحمه الله وبركاته
أنا فيه مشكله ومسببه ليا تعب نفسي جامد ومش مبينه لحد أمي بتكلم في الفون رجاله وبتقول انها بتتكلم عادي مش في حب وغرام وأصلا هي مقالتليش أنا اللي بكتشف بنفسي واقولها مين ده تقولي ده كذا كذا ونوعيه الكلام بينا عاديه خالص والكلام كل فين وفين بينا
بصدقها وخلاص وبفضل اقولها وليه من اساسه أصلا الكلام وكده ليه نحط نفسنا وسط الشبهات ونقول عادي تقولي أنا هعمل حظر وخلاص وتقلب عليا تعمل نفسها زعلانه اسكت أنا وبعدين الاحظ بتتكلم تاني مع حد تاني
وتعبت وشكيت أنها بتقابل حد وبتحدد معاد معاهم وأول بس ما أتأكد انها قابلت حد افضل ابكي وازعل وتعاملي يتغير ببقى صامته وممكن اتكلم معاها باسلوب غير العادي يعني مضحكش ببقي تعابير وشي كلها عليها الغضب ومقدرش اتكلم ولا اواجهها لانها ممكن تدبحني فيها دي
وأنا بصرخ من جواي بصوت مكتوم مش عارفه اعمل ايه وعلى فكره أنا لاحظت وبقيت اتوقع ناس بتكلمهم والاقيهم فعلاً هما رغم أنها كويسه ومفيش حد زيها في كل حاجه جميله بمعنى الكلمه إلا العيب الوحيد ده اللي بقى فيها وأنا بقيت بتعب من التفكير وما باليد حيلة
أسأل الله أن يهديها نصحتها كتير ووعظتها اكتر لكن لكل حاجه طاقه وأنا بلاحظ إن طاقتي بقت تخلص @Psy-a'laa M. Abdulhamid
مش كل إحساس دليل ومش مل صدفة مؤامرة ومش كل سكوت إدانة بلاش تبحثي كتير وتتجسسي عليها وتربطي الأحداث ببعض كأنك المحقق كونان عشان تثبتي عليها التهمة كما قلتي "بشك" وشكك بنسبة كبيرة مجرد ظن دون دليل حقيقي! ولو افترضنا انك على حق! دورك مش تثبتي دا برضه وتجمعي الأدلة ولكن تساعديها تتخطى المرحلة دي! وبلاش تنسي انك بنتها مش أمها فراعي ان أسلوب نصحك يكون بالقصص وتوجيه غير مباشر . . الخ ولكن النهي والأمر وتعديد العيوب ليس تقويم للخطأ
تم النشر الجمعة، ٧ نوفمبر ٢٠٢٥
لعرض السؤال في فدني اضغط هنا