انا عندي ١٦ سنه ماما وبابا مطلقين مرتين بابا مش بيسأل علينا ومسافر بره مصر انا واخويا عايشين معاها بس هي دايما بتتعصب علينا مش عارفه ليه دايما بتقولي انتي فاشله محدش بيحبك روحي خدي هدومك وروحي لابوكي
الحقيقه انا جيت اتكلم هنا عشان انا معنديش صحاب دايما لوحدي مش عايزه اتعرف على حد عشان كرهت كل الناس وكرهت نفسي ماما بتفتكر اني عندي توحد عشان اليوم كله بنام بس انا بنام عشان اهرب من الواقع كل يوم بيحصل مشاكل مابينا وأنا بجد تعبت ومش عارفه اعمل ايه
بصي اللي بتمرّي بيه اختبار تقيل، بس لازم تعرفي إن قيمتك مش في كلام أي حد عنك، حتى لو كانت مامتك. هي ممكن تكون مضغوطة أو تعبانة نفسياً من اللي شافته، فبتطلع غضبها فيكي، وده غلطها هي مش ذنبك إنتي. من الناحية الدينه وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ربنا شايفك ربنا سبحانه وتعالى عارف حزنك ووحدتك، وبكرة يعوضك باللي يحبك ويقدرك بجد. افتكري دايماً إن الصبر مش بس استحمال، ده عبادة كبيرة أوي وتجارة مع ربنا. وباب الجنة بر الوالدين رغم القسوة هو أصعب أنواع البر وأعلاها أجراً. حاولي تتجنبي الصدام معاها على قد ما تقدري، ...واصبر على ما يقولون واهجرهم هجراً جميلاً... خليكي بارة بيها عشان ربنا مش عشان هي بتعاملك كويس. و ربنا خلقك وليكي رسالة. الهروب بالنوم مش حل، قومي صلي واشكي لربنا في سجدة، هو الوحيد اللي هيطبطب على قلبك ويغير حالك. وانشغلي بمستقبلك وبدراستك، ده هو سلاحك اللي هيخرجك من الدائرة دي بكرة. مامتك بكرة لما تشوفك ناجحة وقوية، هي اللي هتحتاج ليكي وتعرف قيمتك. وجد والله ربنا يحفظك ويسعدك
تم النشر الأربعاء، ١١ مارس ٢٠٢٦
السلام عليكم ورحمة الله وبركاته ممكن تحاولي تتكلمي مع ماما وقت لما تكون هاديه المفروض ماما دلوقتي في وقت مضغوطه فيه وحاسة ان هي شايله المسئوليه كامله لوحدها او يمكن بسبب ان هي عندها مشاعر مكبوته فـ مش عارفه تخرجها وبالتالي بتخرجها على هيئه عصبيه اول حاجة ماما بتحبكوا جدا على فكره لان مفيش ام في الدنيا دي بتكره أولادها فعلا حاولي تقربي من ماما اكتر وتبقوا متفاهمين حاليا انتي مش فاهمه ماما وماما مش فهماكي فـ احنا نحاول نقرب من بعض بحيث اننا نفهم بعض اكتر ونبدأ نصارح بعض بالحاجة اللي بتزعلنا بس بهدوء خالص وقتها هنبدأ نفهم بعض فعلا والمشاكل هتبقا أقل هتلاقيها بقا لما حاجة تبقا مزعلاها هتقولك وانتي كمان هتقوليلها فـ المشاعر المكبوته او الطاقه السلبيه اللي جوانا هتتفرغ وهنبدأ نحس اننا مش محتاجين نبرر حاجة لبعض. حاولي تنامي بدري وبلاش تخلي النوم يدخلك في دوامه بمعني فيها ايه لما نواجه الواقع ونبقا أقوى منه بدل ما هو اللي يتغلب علينا لا بالعكس انتي بنوته قويه وجميله وتستاهلي كل حاجة جميلة شبهك❤️ بدل ما ننام طول اليوم ممكن نعمل حاجة بنحبها نحاول نقعد مع ماما واخويا ونقعد نتناقش مع بعض ونزود القرب والود والمحبه اكتر وخلاص بقا الوقت اللي راح مش مهم المهم اللي جاي ان انا وماما واخويا هنبقا ايد واحده شخص واحد هنفهم بعض فعلا وهنحاول على قد ما نقدر نبعد عن الكلام اللي بيزعل التاني بس حاولي تاخدي الخطوه دي وتقللي نومك وربنا يصلح حالكم جميعا يارب ويألف بين قلوبكم ويزود المحبه بينكم اكتر واكتر💗💗💗
تم النشر الجمعة، ١٣ مارس ٢٠٢٦
غالبا مامتك بتفرغ طاقة غضبها من والدك عليكوا وده مش صح بس هتعملي ايه مفيش حل للأسف مش هتقدرى تغيري مامتك ولا باباكي. اهم حاجة تعمليها دلوقتي مش تخلي المشاكل دي تآثر على نفسيتك بلاش تهربي بالتليفون والنوم لان ده زي مسكن لحظي واول ما اثره بيروح المشكله بتزيد وبتكبر. ممكن تبدائي بخطوات بسيطة ازاي تحاولي تواجهي المشاكل دي بدل ما تهربي. يعني مثلا لو مامتك قالتلك انتي فاشله اعرفي ان مامتك مش تقصدك انتي هيا بس بتفرغ طاقه غضبها عليكي. غيري رؤيتك لكل حاجة بتتقالك من مامتك وكل فعل غاضب بتعمله اعتبري انه غير موجه ليكي واكيد مامتك بتحبك اكتر حد في الدنيا متشكيش في ده بس هيا الظروف اللي خلتها كده. استهدي بالله كده و اعرفي انك بمجرد ما بتحاولي تبري مامتك انتي قاعده تأخدي حسنات. وحافظي على نفسك وان شاء الله ربنا يفرجها عليكي ويعوضك
تم النشر الأربعاء، ١١ مارس ٢٠٢٦
يا حبيبتي، أنا ذكية هنا معاكِ، وأنا آسفة جداً إنك بتمري بهالألم ده كله في سن ١٦ بس. مش غريب إنك تحسي بالتعب والوحدة والكره للنفس والناس، ده رد طبيعي على الضغط اللي عايشاه من مامتك والأب اللي مش موجود. أنتِ مش فاشلة خالص، أنتِ قوية عشان قدرتِ تكتبي هنا وتطلبي مساعدة – ده خطوة كبيرة! خطوات عملية عشان تبدئي تتحركي: روتين يومي بسيط : حددي وقت تصحي فيه (مثل ٨ صباحاً)، اقرئي قرآن أو صلي ركعتين شكر عشان تهدي نفسك وتستمدي قوة من ربنا. بعد كده، ادرسِ ساعة واحدة يومياً بتركيز – ده هيبني ثقتك ويفتحلك أبواب مستقبل أحسن بعيد عن المشاكل دي. مع مامتك : انتظري لحظة هادئة (مش وقت عصبية)، قوليلها بهدوء "ماما، أنا بحبك ومش عايزة أزعلك، بس الكلام ده بيوجعني قوي. ممكن نساعد بعض؟" لو مش بتسمع، اكتبيلها رسالة قصيرة. ربنا يقول في القرآن "وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا"، بس الإحسان مش معناه تتحملي إيذاء. بناء نفسك : كل يوم اكتبي ٣ حاجات إيجابية عنكِ (مثل "أنا ذكية عشان فهمت مشكلتي" أو "طبختِ أكلة حلوة"). ابدئي هواية لوحدك زي الرسم أو تعلم مهارة أونلاين مجاناً (زي كورسات على يوتيوب عن التصميم). ده هيخليكِ تحبي وقتك مع نفسك. النوم والهرب : حددي وقت نوم ثابت (١٠ مساءً مثلاً)، واستبدلي جزء منه بقراءة كتاب إيجابي أو سيرة صحابية زي خديجة رضي الله عنها عشان تشوفي قوة النساء. أنتِ مش لوحدك، يا قمر. ابحثي في فدني عن أسئلة مشابهة زي "مشاكل مع الأم" هتلاقي إجابات كتيرة. لو عايزة استشارة متخصصة، روحي على صفحة الخبراء هنا: https://www.fedni.net/experts – في خبراء نفسية وعائلية هيساعدوكِ أكتر. أنتِ هتقدري، خطوة خطوة. قوليلي إيه اللي هتعمليه النهارده؟ أنا معاكِ 💕
تم النشر الأربعاء، ١١ مارس ٢٠٢٦
الجأي لله + انا جمبك كصديق واخت في اي وقت ادخلي على حسابي كلميني فضفضي احكي هنلقى حل لاي حاجه وكل حاجه بهدوء وانتي مش متوحده ولا وحشه زي ما مامتك بتقول هيا بس مضغوطه كتير خيرها بتكون ليكن ام وأب لوحدها وبدل ما تنامي اليوم كله كان مفروض نبقا سندها صح؟
تم النشر الأربعاء، ١١ مارس ٢٠٢٦
بس الحمد لله انا شايف ان فى بنت جميله زيك ردت عليكى خدو أرقام بعض وخليكو صحاب «رُبَّ أَخٍ لَكَ لَمْ تَلِدْهُ أُمُّكَ»
تم النشر الأربعاء، ١١ مارس ٢٠٢٦
ونا كمان حبيتك اوي لو زعلت من حاجه تاني هاجي اكلمك شكرا بجد ليكي انك وقفتي جمبي
تم النشر الأربعاء، ١١ مارس ٢٠٢٦
تعرفي حتي انا من اسلوبك حسيتك من البنات الحافظات انفسهن ربنااا ياربي يحفظك ويارب يفرج كربك هدعييلك كتير واستحلفك بالله لو زعلتي تاني تعالي كلميني واحنا نحل مع بعضينا لاني بجددد حبييتك اوي 😙💓💓💓💗💗💗💗💗
تم النشر الأربعاء، ١١ مارس ٢٠٢٦
شكرا ليكي بس انا بجد تعبت كل يوم اسمع كلام ده انا وحده عشت عمري كلو محستش بالأمان ماما وبابا اول مره يطلقوا كنت صغيره جدا ورجعوا تاني واطلقوا تاني وانا واخويا بندفع ثمن مش عارفه ليه؟؟
تم النشر الأربعاء، ١١ مارس ٢٠٢٦
لا حول ولا قوة إلا بلله ربنا معاكي ويعينك
تم النشر الاثنين، ١٦ مارس ٢٠٢٦
عارف انى اطلت الحديث والله ومع ذالك لم يكن كافي بس فى النهايه ربنا يوفقك وتمسكي بكتاب الله هو الملجاء اقرى وقت التعب بنيه ان فيه ايه تهون عليكى وبكدا اقدر اقولك السلام عليكم
تم النشر الأربعاء، ١١ مارس ٢٠٢٦
ونصيحه فى الحياه متخليش احتياجك دا يخليكي ترضى بإن شاب يدخل حياتك مجرد انه حاسس بيكى عارف ان دا ها يكون صعب عليكى لمجرد انه ممكن يهون عليكى
تم النشر الأربعاء، ١١ مارس ٢٠٢٦
و لما تلقى ولدتك قاسيه عليكى ادعى ربنا انه يهديها افتكرى ان الرسول لما اشتد عليه الكرب الصحابه قلوله ادعى عليهم يا رسول الله قال اصبرو لعل يخرج منهم من يقول ان لا اله الى الله وبالفعل صبر صبرا عظيم وكفء كفاه عظيما شوفى فتح بعدها بلد كدى والمسلمين وصلو لكام فا ادعى ربنا بصبر كا صبر رسول الله
تم النشر الأربعاء، ١١ مارس ٢٠٢٦
اسمعى للاخر قولى الحمد لله دا اختبار من ربنا سبحانه تعالى ليكى حتى لو عمرك صغير ممكن نبصلها من ناحيه تانيه وهو وضعك اصلك يمكن ربنا بيجهزك علشان تشيلى مسوليه نفسك و مسوليه اخوكى وعارفين ان دا صعب بس خليكى عارفه ان ربنا سبحانه وتعالى حطك فى الاختبار دا لانه اعلم بيكى من نفسك وعارف انك تقدرى و خدى سيدنا محمد قدوه قدامك على صبره على إيذاء اهله وتلقيبه بى المجنون والناس الى أسلمت من اهل يثرب كانو بيعذبو انت شايفه كلمه بيعذبو كلمه عاديه بس لما تعرفى ان كان منهم من تعذب ويقتل ابنها قدامها علشان تكفر و مترداش ويعدي الرسول عليهم و يبكى ويقول صبرا اهل يثرب ان موعدكم الجنه
تم النشر الأربعاء، ١١ مارس ٢٠٢٦
شكرا بجد ليكي كلامك ده فرق معايا انا هسمع كلامك واقرب من ربنا وبعدين حتي لوفي مشاكل انا عمري مهكلم اي شاب لاني برضو ماما ربتني اني مكلمش اي حد بس انا قولت اقول مشكلتي عشان انا كنت زعلانه
تم النشر الأربعاء، ١١ مارس ٢٠٢٦
عارفه وحاسه بكل ده وانتي فاكره ربنا مش شايف كل ده ربنا شايف ويكافئكم علي صبركم كله بس انتي قويه مش باين عليكي بنت ضعيفه الموضوع عدي من زمان خلينا نركز علي دروسنا وعلي اخوكي الصغير حاولي تقربي من امك واحده واحده وبإذن الله اضمنلك تتغير تقربي من الله والله كل شيء هيتحل بقربك منه واياكي ثم اياكي تكلمي اي شاب او تثقي في لانك مش لاقيه حنان اوعي انتي قويه وهتتخطي بدون اي علاقه محرمه بتستهلك المشاعر متفققيييين؟
تم النشر الأربعاء، ١١ مارس ٢٠٢٦
لعرض السؤال في فدني اضغط هنا