السلام عليكم، أولا ألف سلامة عليكِ، شفاكِ الله وعفاكِ. بالنسبة للدوخة فممكن تحصل من أسباب كتيرة ولازم كشف وفحوصات عشان تتأكدي من السبب. حتى لو شايفة إن أكلك كويس أو وزنك كويس فده مش دليل إن أكلك متوازن وفيه العناصر اللي جسمك محتاجاها، ممكن يكون عندك أنيميا أو مشكلة في امتصاص الحديد أو نقص في فيتماينات وعناصر مهمة بالجسم. اكشفي باطنة الأول وتأكدي إنه كله تمام ولو احتجتِ لكشف أنف وأذن هيوجهك له. **** مارسي رياضة ولو عشر دقائق في اليوم، تمارين خفيفة أو تمارين تمدد، بتحسن من حالتك الجسدية والنفسية. حسني أكلك وشوفي الأغذية اللي بتزود التركيز والطاقة https://www.apollohospitals.com/ar/health-library/memory-boosting-foods قسمي فترات المذاكرة لفترات قصيرة وخدي فاصل راحة قبلها وحاولي تستخدمي طرق ذكية للمذاكرة بحيث متكونيش بتستهلكي طاقة كبيرة في التركيز والحفظ، التركيز الزيادة وإجهاد العينين وإجهاد العقل في التفكير طبيعي برضه يوصلك لتقل في الدماغ وإحساس بالدوخة. ممكن تبحثي على يوتيوب عن فيديوهات (ذاكر أقل ذاكر بذكاء) وطبقي الطرق اللي تناسبك في المذاكرة وتسهلها عليكِ. وبالتوفيق إن شاء الله.💚💚
لعرض الإجابة في فدني اضغط هنا