السلام عليكم، لازم تتفهمي إن فيه ظروف وحاجات خارجة عن إرادتنا ومش احنا اللي بنختارها، زي ولادتنا وأهالينا وبيئتنا والأوضاع الاقتصادية اللي بتأثر علينا وحاجات غيرها. انفصال أهلك شيء خارج عن إرادتك، معيشتك مع والدك وزوجته واللي عشتِه معهم كان هو كمان غصب عنك. لكن اللي ضمن إرادتك إنك متسمحيش للماضي يؤثر عليكِ. خلاص الماضي حصل ومش هتقدري تغيريه، لكن لو فضلتِ باصة لورا وشايلة الماضي على كتافك مش هتقدري تتقدمي خطوة في حياتك. مقدرتيش تكملي تعليمك، مش معناه إن الفرصة ضاعت. التعليم مش موجود بس في النظام المدرسي. أنتِ دلوقتي أهو بتستخدمي النت، وده معناه إن قُدامك كل مصادر تقدري تستغليها في تعلمك كل اللي كان نفسك تتعلميه وكمان تشتغلي به. ** فكري إنك كبرتِ دلوقتي وعندك شغلك وحياتك الخاصة ومسؤولة عن نفسك فلازم تتابعي طريقك ومتنتظريش الظروف تتغير. لازم تاخدي خطوات عشان تغيري نفسك وتتخطي أي أذى تعرضتِ له وتبني حياتك. ممكن تشوفي الفيديو ده إن شاء الله يساعدك تحطي رجلك على أول الطريق، وممكن تتابعي قناة د. أسماء القاضي هتفيدك. https://www.youtube.com/watch?v=8xO-FS0IJKs&t=1327s وإن شاء الله الخبراء هنا ينصحوكِ بخطوات عملية تانية تساعدك، وربنا يصلح لك الأحوال ويوفقك.
شكرا لذوق حضرتك
تم النشر الاثنين، ٢٧ أكتوبر ٢٠٢٥
لعرض الإجابة في فدني اضغط هنا