مساء الخير
عايزه اسال سوال وعايزه حاجه تفيدني عشان انا بقالي شهر تعبانه
انا كنت مرتبطه بواحد دفعتي لمده شهر الشخص ده مش كويس وقالي أنه هيتغير وخلاص قولت لاهلي وارتبطنا شهرين بنيت معاه احلام كتير قبل اي حاجه شالت عليه قالتلي عليه كلام وحش وبتاع بنات وهو صارحني بس الفكره اني عرفت فيما بعد حاجات اوحش فسيبته
عايزه اتعافي من كل ده وعايزه ابدا شغلي انا دكتوره صيدلانيه لسه متخرجه كنت بشتغل كويس اوي بس وقفت
غير حاجه كمان انا مامتي مطلقه من والدي معرفهوش من يوم م اتولدت مكنتش بأمن لحد بس امنت لده فجالي تروما
مساء النور .. بصي يا جميلة .. لاحظت في كلامك حاجه مهمه جدا .. وهي انك بنيتي احلامك وطموحاتك في هذا الشخص .. طيب هو انتم لسه في الاول .. ف ليه تعشمي نفسك بحاجه انتي اساسا المفروض انك لسه بتسكشفيها! ف ديه غلطة كبيرة ... اي علاقة مفيش فيها ضمانات ولكن ع الاقل مينفعش تبني عليها كل حياتك خاصةً لو انتوا لسه مش متجوزين، يعني انتي لسه بتعرفيه. تاني شئ طبعا بحيكي انك تركتي شئ اكتشفتي انه مش نافع ليكي، لان كتير اوي مش بيقدروا انهم ياخدوا الخطوة ديه. لكن واضح انك شجاعة كفاية انك تاخدي بالك من نفسك وكمان خايفة عليها. ده سؤال فيه خطوات ازاي تعملي موف اون من علاقة .. https://fedni.net/q/23362448/ازاي-ممكن-الانسان-يعمل-move-on اتمنى تشوفي اجاباته ولو حابه نتناقش فيه اكتبيلي طبعا 💛. تاني شئ .. انا متفهمه جدا جزء انفصال والدك ووالدتك عن بعض .. بس صدقيني مينفعش ابدا اننا مثلا نقارن ده بده .. والدك مش هو الولد اللي كنتي مرتطبة بيه. ولا انتي زي ماما. كل علاقة ولها ظروفها، ومينفعش نقارن علاقة ب علاقة .. والدك ووالدتك نصيبهم وقف مع بعض... زي ناس كتير .. فهل ده معناه ان الناس تخاف تدخل في علاقات؟ اكيد لا
تم النشر الأربعاء، ٢٩ نوفمبر ٢٠٢٣
لعرض السؤال في فدني اضغط هنا