كيف أتغلب على التشتت وصعوبة تنظيم الوقت وإنجاز المهام المتعددة؟

Question

السلام عليكم ممكن حل للتشتت حرفياً ببقى عايزه أعمل مليون حاجه لكن لما ببدأ في حاجه مبحبش أسيبها غير لما أخلصها يعني مثلاً ببقى عايزه أعمل رياضه و أقرأ كتاب وأسمع دورات وبودكاست و عايزه آخد كورسات وعايزه أحفظ قرآن وعايزه أعمل كل حاجه ممكن تتعمل في الدنيا 😂😂 آجي بقي أمسك الكتاب ألاقي نفسي عايزه أخلصه وفي نفس الوقت بفكر إن كده مش هعمل حاجه غيره فبقول خلاص هقرأ شويه و بعدين أشوف حاجه تانيه وبعدين أقول لأ لازم أخلص وبجد دماغي مبتبطلش تفكير لدرجة ممكن آخد 3 ساعات قبل ما أنام وكل شويه أحس إن في حاجه عايزه اتعلمها أو أعملها حرفياً كل اسبوع اكتشف إني عايزه اتعلم حاجه معينه 😂 حاسه محدش فاهم حاجه عادي أنا كنت عايزه أنزل أي حاجه وخلاص 😂

Accepted Answer

نفس اللي بيحصل لي بالظبط 🐥 مش هتلاقي حد نفس اهدافك في محيطك صعب لكن ممكن تلاقي سوشيال ف انضمي لجروبات بتتابعك في نقاط معينه زي مثلا جروب تحفيظ قرآن عمرك ما هتتوقفي مادام الاستمرارية بنظام حروب ناس بتقرأ وتلخص وهكذا انتي مشتته عشان خايفه تفوتك حاجه 😂 متخافيش مش لازم تلحقي كل حاجه في وقت واحد حاولي تفهمي مشاعرك الاول وتنظميها وخلي عندك جدول حتى لو يومي تكتبي فيه بكرة هعمل كذا وكذا اليوم عندي بيكفي عدد معين من الحاجات لما بتكتبي جدول دماغك بترتاح اوي خصوصا لما تعملي علامة صح على اللي انجزتيها انت في حالة تردد وخوف حلها انك تهدي على نفسك وتشوفي هي عاوزه اي بالظبط مش العالم عاوز اي بصي حطي حاجات أولوية تمام وانزلي بالتدريج تمام هتلاقي نفسك بتبدأي بالأولى وبعدها الاقل أولوية في حياتك ارجوكي اهدي على نفسك وخفي استريس انا الكلام دا بقوله لنفسي قبلك 🫠

Answer

السلام عليكم، فاهماكِ جدا لأن أنا تقريبا نفس الحكاية، ودي مشكلة تعدد الاهتمامات وإنك تكوني شغوفة بحاجات كتير وإحساس إن الوقت مش كاف عشان تلحقي تعملي وتتعلمي كل ده فعاوزة تعملي حاجات كتيرة ومختلفة في ذات الوقت. واللي بيزيد التشتت و(السربعة) هو كثرة المصادر المتاحة قُدامك. هتلاقيكِ عاملة حفظ لمئات الفيديوهات والكورسات والبوستات اللي بتقابلك وفي الآخر قليل ما بترجعي لها وبتتشتتي أكتر. *** بس لو فضلتِ كده هتلاقي الوقت بيمر وأنتِ واقفة مكانك محاصرة باهتمامات مش بتخلص ومش بتتقدمي فيها زي ما أنتِ عاوزة، وهتلاقي عندك وقت كتير فعليا وفي نفس الوقت معندكيش وقت. *** الحل عشان تكسري الدائرة دي إنك تلزمي نفسك بتحديد أولويات. والأولويات دي اللي هتشتغلي عليها ومش هتشغلي نفسك بغيرها، ولو وقت شغلك على مهمة معينة خطرت أفكار تانية سجليها في ورقة جانبية، ممكن ترجعي لها بعدين وممكن تنسيها أصلا بس هتكوني تخلصتِ من زنها في دماغك وقطعها لتركيزك. *** بس قبل أي حاجة، هتحتاجي تفضي الدوشة اللي في دماغك عشان تهدي وتعرفي تحددي أنتِ عاوزة إيه وهتمشي إزاي. اختاري وقت تكوني لسه صاحية وفايقة وهاتي أوراق وقلم واكتبي كل أهدافك وأفكارك واللي عاوزة تنجزيه، اكتبي كل حاجة مهما كانت تافهة أو صغيرة. في جلسة تانية ابدئي رتبي الحاجات دي حسب أهميتها بالنسبة لك وقد إيه مستعجلة في الوقت الحالي. *** اختاري هدفين فقط أو ٣ أهداف (لو وقتك يسمح) وقسمي كل هدف لمراحل محددة بوقت عشان تقيسي إنجازك. وقسمي الوقت على المهام وركزي قدر الإمكان في الوقت المخصصة لكل مهمة. *** شوفي فيديوهات ازاي تعملي خطط لأهداف واقعية، وأنصحك تبحثي عن (نموذج عجلة الحياة المتوازنة) هيساعدك تحددي أهدافك بتوازن وتبدئي تشتغلي عليها واحدة واحدة *** الموضوع هيحتاج منك شوية جهد وتدريب لنفسك على الإلتزام والاستمرارية بس مع الوقت هتلاحظي الفرق. لو عندك أي سؤال اكتبي لي وإن شاء الله أفيدك. بالتوفيق.💚

Answer

وعليكم السلام يا رنا، شكراً إنك شاركتيني شعورك ده بصراحة كده. اللي بتصفيه طبيعي جداً، وكتير من النساء بيحسوا بنفس الضغط الداخلي ده: رغبة قوية في إنجاز كل حاجة في وقت واحد، مع دماغ بتفكر بلا توقف. ده مش اضطراب بالضبط، لكنه نوع من "الإرهاق الذهني" الناتج عن الطموح الزائد بدون تنظيم. أول خطوة عملية: ابدئي بقائمة محدودة. كل أسبوع اختاري ٣ أهداف فقط (مثلاً: حفظ صفحة من القرآن يومياً، قراءة ١٠ صفحات من كتاب، وتمرين رياضي ٢٠ دقيقة). رتبيها حسب الأولوية الإسلامية، فحفظ القرآن والعبادات يأتي في الصدارة لأنه يجلب الطمأنينة والبركة. اكتبي القائمة في مفكرة صغيرة وأغلقيها بعد كده، عشان الدماغ ما يفتحش أبواب جديدة كل شوية. ثانياً، استخدمي تقنية "الوقت المخصص". حددي ساعة واحدة لكل نشاط، وبعد انتهاء الوقت انتقلي للآخر حتى لو ما خلصتش. ده بيساعد على كسر دائرة "لازم أخلّص كل حاجة دلوقتي". ولو حسيتِ إن دماغك بيسرح قبل النوم، اكتبي الأفكار الجديدة في ورقة "أفكار لاحقاً" وأجليها للصباح. كده بتطمني نفسك إن كل حاجة هتتعمل في وقتها. تذكري إن الإسلام يحث على التوازن، قال تعالى: "وَمَا جَعَلَ عَلَيْكُمْ فِي الدِّينِ مِنْ حَرَجٍ". مش لازم تعملي كل حاجة في الدنيا مرة واحدة، والتقدم البطيء أفضل من التوقف الكامل. جربي الطريقة دي أسبوعين ولاحظي الفرق، ولو عايزة تتكلمي أكتر عن كيفية تنظيم يومك قوليلي. أنتِ قادرة، وهتوصلي للهدوء اللي بتحبيه خطوة بخطوة.

كيف أتغلب على التشتت وصعوبة تنظيم الوقت وإنجاز المهام المتعددة؟

نفسية

صحية

فكرية

شغف

سؤال من Rana Ahmed

تم النشر الأحد، ١٢ يوليو ٢٠٢٦

3 إجابة

14 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك