السلام عليكم ممكن حل للتشتت حرفياً ببقى عايزه أعمل مليون حاجه لكن لما ببدأ في حاجه مبحبش أسيبها غير لما أخلصها يعني مثلاً ببقى عايزه أعمل رياضه و أقرأ كتاب وأسمع دورات وبودكاست و عايزه آخد كورسات وعايزه أحفظ قرآن وعايزه أعمل كل حاجه ممكن تتعمل في الدنيا 😂😂 آجي بقي أمسك الكتاب ألاقي نفسي عايزه أخلصه وفي نفس الوقت بفكر إن كده مش هعمل حاجه غيره فبقول خلاص هقرأ شويه و بعدين أشوف حاجه تانيه وبعدين أقول لأ لازم أخلص وبجد دماغي مبتبطلش تفكير لدرجة ممكن آخد 3 ساعات قبل ما أنام وكل شويه أحس إن في حاجه عايزه اتعلمها أو أعملها حرفياً كل اسبوع اكتشف إني عايزه اتعلم حاجه معينه 😂 حاسه محدش فاهم حاجه عادي أنا كنت عايزه أنزل أي حاجه وخلاص 😂
تم النشر الأحد، ١٢ يوليو ٢٠٢٦
بصي أحسن حاجه روحي لدكتورة جلدية هتقولك تعملي اي بالظبط واسأليها ع كل اللي أنت عايزاه وهي هتشوف بشرتك بنفسها وهتفيدك بدل م تفضلي تجربي في حاجات تبوظ بشرتك
تم النشر الأحد، ١٢ يوليو ٢٠٢٦
انوي إنك تكملي وإن شاء الله ربنا هييسرلك الأمر والجامعه مصاريفها أقل من الثانوي وإن شاء الله جامعتك تبقى قريبه من بيتك ف مش هتتكلفي كتير بس اوعي تسيبي الدراسة بعد م ماشاء الله وصلتي للمرحلة الأخيرة وربنا يوفقك يارب 🫂♥️
تم النشر الأحد، ١٢ يوليو ٢٠٢٦
شكرا جداً ع ردك وبجد أفدتيني وأنا عمري م كنت كده كنت ببقي مخططه لكل حاجه لكن الإجازة دي معرفش اي حصل 😂 بعمل حاجات كتير بس في حاجات كتير تانيه مبعملهاش 💗💗 لدرجة بقيت بحلم وبشوف تفسير أحلامي ألاقي إن التفسير عندي حاجات كتير عايزه أعملها 😂شكراً تاني ع ردك ي جميلة ♥️🫂
تم النشر الأحد، ١٢ يوليو ٢٠٢٦
كل ما أقول لأي حد ع حاجه بلاقيهم بيتهربوا مني 😂 بس عادي هما الخسرانين
تم النشر الأحد، ١٢ يوليو ٢٠٢٦
وعليكم السلام ربنا يرزقك بالكلية اللي بتتمنيها وتكون خير ليكي يارب بالنسبة للانجليزي أهم حاجة تحددي الأول مستواك في الانجليزي وبعدين اتفرجي ع فيديو ياسمين خالد خطة تعلم الانجليزي وامشي ع الخطه وبالنسبة للرسم والتصميم مش عارفه الصراحه بس ممكن تشوفي لو في دورات علي منصة معارف أو ادراك أو حتي اليوتيوب
تم النشر الأحد، ١٢ يوليو ٢٠٢٦
لو روتين حياتك كده إنت مبسوطه بيه يبقى خلاص لكن لو إنت عايزه تخرجي عشانك أنت يبقي أكيد حاولي تخرجي أو تجربي حاجات جديده ليك أنت إنما نصيبك هييجيلك ولو مبتطلعيش من اوضتك حتي 💗
تم النشر الأحد، ١٢ يوليو ٢٠٢٦
لعرض الملف الشخصي في فدني اضغط هنا