السلام عليكم
محتاجة آراء ناس عندها خبرة، وياريت يكون الرد باحترام.
أنا بنت متعلمة تعليم عالي، لكن مش بشتغل حاليًا لأن اشتغلت فترة قبل كده ونفسيتي اتأثرت، واكتشفت إن الشغل مش مناسب ليا. أنا أخدت شهادتي عشان أتعلم وأحقق هدف شخصي، مش بالضرورة عشان أشتغل بيها.
مشكلتي إني شخص انطوائي، أغلب وقتي في البيت، ومبخرجش غير للضرورة، ومبروحش مناسبات أو تجمعات، ومعنديش دائرة معارف كبيرة يعتبر مفيش قرايب بعد والدتي الله يرحمها كله بعد ومفيش حد قريب مننا نهائي نهائي ومعنديش اصحاب ووالدي جاد جدااااا جدااااا
بقيت محتارة: هل تأخر زواجي ممكن يكون بسبب أسلوب حياتي؟ وهل لازم أرجع أشتغل أو أخرج أكتر عشان أتعرف على شريك حياتي؟ ولا الزواج رزق ونصيب وهييجي في وقته حتى لو حياتي بالشكل ده؟
أنا مؤمنة إن كل شيء بيد الله، لكن في نفس الوقت بسمع ناس بتقول لازم الإنسان يسعى، وإن "مش هتلاقي زوجك في خزانه غرفتي
فإيه هو التوازن الصحيح بين السعي والإيمان بالنصيب؟ وهل حد مر بتجربة مشابهة
أنا بجد نفسيتي تعبت اووي ومش عارفه ايه الصح اللي اعمله ....
وشكرا لكل حد هيرد باحترام
السلام عليكم ورحمه الله وبركاته. ازاي اعمل توازن ما بين فكرتين او ما بين الايمان بالجزئيتين ممكن يبان في الاول ان فيه ما بينهم بعض الفضاء ولكن الحقيقه هم مفيش منهم تضاد ومش منفصلين عن بعض احنا بس بنحتاج نشوف الصوره اللي ما بينهم عامله ازاي نشوف الاول كده السعي السعي يعني انه انا اعمل جهد للوصول لهدف معين حلو. النصيب هو ان انا ارضى اللي جاي طيب هل السعي انه انا ابقى بعمل مجهود ورايح لهدف معين ده معناه ان انا لما اعمل مجهود لازم اوصل للهدف يعني دي نتيجه محققه ما فيهاش اي شكوك الحياه يعني خلينا نقول انا هدخل المطبخ علشان. اعمل كوبايه شاي واشرب فانا دخلت عملت كل الخطوات الطبيعيه البسيطه جدا ان انا اعمل كوبايه شايله عملتها. حطيتها على الترابيزه وقعدت جات لي مكالمه تليفون وقمت اتكلمت في المكالمه ونسيت كوبايه الشاي وبعد المكالمه قمت عملت حاجات تانيه مشي فهنا السعي اللي انا عملته ان انا قمت وعملت كل الخطوات وعملت الجهد وما تاخرتش وحطيت الحاجه في مكانها ولكن النصيب شاء ليا انه الهدف ما يكتمل وما شربش كوبايه الشاي. وهنا ده الرابط ما بينهم ان النصيب انا هنا بقى هل هزعل ان انا ما شربتش كوبايه الشاي رغم المجهود اللي انا عملته وازع على انها اترمت على الفاضي وما اتشربتش ولا هارده بالنصيب والقدر اللي جالي رغما عني انه انا مش مكتوب لي اشكال. هنا بيجي الرابط ما بين الاثنين. ان انا وانا بسعى انا عارف انه انا ممكن موصلش للهدف رغم السعي بتاعي ممكن ما وصلش للنتيجه اللي انا مستنيها بالضبط ويكون ربنا ليه ترتيبات وتقديرات اخرى وهو ده نصيبي والقدر اللي جاي لي من رب العالمين وانا مرتضي بالكلام ده وانا بسعى بسعى بكل حب وكل ايمان بانه ايا كان النتيجه في الاخر اللي هي نصيبي من عند ربنا انا تمام جدا معاها لان انا مؤمن بالنصيب وبالقدر ومؤمن بان. هيقدرلي اللي فيه الخير ليا حتى لو ما كانش مطابق للسعي اللي انا سعيته لان محتاجين هنا نذكر انفسنا بحاجه مهمه جدا انا بسعى ليه؟ انا بعمل مجهود ليه وبقومه وبعد مجهود رغم ان النتيجه مش مضمونه كده انا بس عشان ربنا طلب مني الساعه ربنا قال لي ما تقعدش وتستنى الحاجه وانت ما ساعدتش وانت ما بذلتش مجهود علشان الحاجه دي توصل لك او علشان الحاجه اللي انت عايزها دي تبقى انت ماشي في اتجاهها. فعشان كده احنا بنسعى عشان كده بنعمل مجهود عشان نخلص الجزء اللي علينا اللي مطلوب مننا وبس فلو اتكلمنا في الجزئيه اللي انت قلتيها جزئيه الجواز ااا لو السعي فمساله الجواز انه انا اختلط بالمحيط اللي انا فيه شويه تمام يبقى هعمله علشان اخلص السعايه بتاعتي لو ال السعي هنا انه انا مثلا ابقى دايما بتكلم على اني مستنيه حد يتقدم لي فتبقى ده يعني تصريح مني باني متقبله ان حد متقدملي بالجواز يبقى انا هعمل ده كان مستعد ان المساعي دي بقى قد ان في حد يتقدم بالوقت او مش دلوقتي او قدام او بعدين. او اصلا لما يوم ما حد يتقدم لي هيكون بعيدا عن المساعدي انا تمام متقبله عشان انا مؤمنه من نصيب والقدر اللي ربنا بيوقعه علينا حتى لو مش مطلق. على قد خبرتي ومعرفتي وان شاء الله كل اموري طيبه.
تم النشر الأحد، ١٢ يوليو ٢٠٢٦
وعليكم السلام ورحمة الله وبركاته. أولاً، أقدر جداً شجاعتك في مشاركة مشاعرك بهذا الصدق، وأنا آسفة إن نفسيتك تعبت بهذا الشكل. أنتِ بنت واعية ومؤمنة، وده أساس قوي جداً. مشكلتك مش غريبة، وكتير بنات بيمرّوا بتجارب مشابهة، خاصة مع شخصية انطوائية ودائرة اجتماعية محدودة وظروف عائلية صارمة. التوازن الصحيح بين السعي والإيمان بالنصيب يكمن في أن الزواج رزق ونصيب من الله، لكن الإسلام يأمرنا بالأخذ بالأسباب دون إرهاق النفس. يعني مش لازم ترجعي لشغل كامل أو تخرجي لمناسبات كتير لو ده هيأثر على صحتك النفسية، لكن في نفس الوقت، البقاء في عزلة تامة قد يقلل من فرص التعرف على شريك مناسب. السعي هنا ممكن يكون بخطوات صغيرة ومريحة تناسب شخصيتك، زي الاشتراك في أنشطة نسائية هادئة (دروس قرآن، ورش عمل، أو مجموعات تطوعية)، أو التواصل مع قريبات أو معارف موثوقين للتعريف بطريقة محترمة. ده مش "خروج عشوائي"، ده سعي مدروس يحافظ على راحتك. أسلوب حياتك الحالي ممكن يكون عامل مساهم في تأخر الزواج، لأن الفرص غالباً بتيجي من خلال التواصل الاجتماعي، لكن مش العامل الوحيد. كتير بنات انطوائيات اتجوزوا لما ركزوا على تحسين صحتهم النفسية أولاً، ودعوا الله بإخلاص، وفتحوا باباً صغيراً للأسباب. جربي تبدئي بخطوات بسيطة زي الدعاء المستمر والاستخارة، مع محاولة توسيع دائرتك تدريجياً بطريقة لا تتعارض مع قيمك أو راحة والدك. لو حابة آراء إضافية، ابحثي عن أسئلة مشابهة على فدني عشان تشوفي تجارب أخرى. أنتِ قادرة تتجاوزي الفترة دي، وكل خطوة صغيرة هتساعدك تبني ثقة أكبر. خدي وقتك وادعي الله ييسر أمرك.
تم النشر الجمعة، ١٠ يوليو ٢٠٢٦
وعليكم السلام .. كل اللى حاصل معاك طبيعى مفيهوش مشكلة .. تأخر الزواج ملوش علاقه بالانطوائيه او كثرة الخروج وغيره الدليل على كدا ان فيه ناس حياتها كلها بره وبرضو لسه مجاش نصيبهم .. والاصل للبنت اصلا اللى انتى فيه اللى هو البيت وعدم الخروج غير ف المناسبات .. وعلى فكرة مش مطلوب منك تعملى اى حاجه ولا فايتك أى حاجه .. عيشى حياتك ف الاطار الطبيعى الاسرى الخاص بيك وان شاء الله نصيبك وزواجك هيجى حد مناسب ليك وزيك وتبداى معاه حياتك اللى هتشكليها زى ما تحبى بعيدا عن الاسرة
تم النشر الجمعة، ١٠ يوليو ٢٠٢٦
لو روتين حياتك كده إنت مبسوطه بيه يبقى خلاص لكن لو إنت عايزه تخرجي عشانك أنت يبقي أكيد حاولي تخرجي أو تجربي حاجات جديده ليك أنت إنما نصيبك هييجيلك ولو مبتطلعيش من اوضتك حتي 💗
تم النشر الأحد، ١٢ يوليو ٢٠٢٦
مفيش علاقة بتاتا بين عدم خروجك و تأخر زواجك النساء عامة أمروا بالبقاء في المنزل الإ اذا دعت الحاجة للخروج ﴿وَقَرنَ في بُيوتِكُنَّ وَلا تَبَرَّجنَ تَبَرُّجَ الجاهِلِيَّةِ الأولى وَأَقِمنَ الصَّلاةَ وَآتينَ الزَّكاةَ وَأَطِعنَ اللَّهَ وَرَسولَهُ إِنَّما يُريدُ اللَّهُ لِيُذهِبَ عَنكُمُ الرِّجسَ أَهلَ البَيتِ وَيُطَهِّرَكُم تَطهيرًا﴾ ففكرة انك تخرجي و تروحي مناسبات و أفراح و السفاهات دي علشان تلاقي عريس يعجب بيك هراء و لو لاقيتي هتلاقي شاب برضه غالبا رايح علشان يدور علي بنت يتجوزها دي غلط مقدرش أقولك لأ بس انت ارتكبت معصية التبرج و هو ارتكب معصية إطلاق البصر غير بقي انت في مكان مجتمعة فيه الشيطان بسبب المعازف طب ايه الحل ببساطة هفضل في بيتي مهتمش بكلام الناس اللي مش هيودي و لا هيجيب اطلب العلم و اعرف ربنا و رسوله و الحلال و الحرام و الجنة و النار أتعرف علي صديقات يكونوا بيسعوا في الطريق ده يعونوني و أسأل ربنا الزيجة الصالحة و ساعتها هتبقي ملاك ماشي علي الأرض و ربنا هيرزقك باللي يستاهلك حتي لو اتأخر ﴿الخَبيثاتُ لِلخَبيثينَ وَالخَبيثونَ لِلخَبيثاتِ وَالطَّيِّباتُ لِلطَّيِّبينَ وَالطَّيِّبونَ لِلطَّيِّباتِ أُولئِكَ مُبَرَّءونَ مِمّا يَقولونَ لَهُم مَغفِرَةٌ وَرِزقٌ كَريمٌ﴾ ربنا يثبتك و يرزقك طاعته أولا ثم الزواج الصالح
تم النشر الأحد، ١٢ يوليو ٢٠٢٦
انتِ كدة تمام اوي والله برا البيت اختلاط واذيه ليكِ ولقلبك ادعي كتير بس وان شاء الله ربنا يرزقك احفظي قرآن وهكذا أملي وقت فراغك ومتفكريش نصيبك هيبقي جميل جدا ان شاء الله 💘
تم النشر الأحد، ١٢ يوليو ٢٠٢٦
مش شرط تشتغلي يعني ممكن انتي بس تزودي من نزولك ويستي جربي مثلا حاجات جديده مثلا دروس ف المسجد تروحي جيم تروحي نادي غيري من روتينك وابعدي عن دائرته بيتك وانزلي كتير خلي ناس تشوفك وانتي تشوفي ناس اتعرفي ع اي حد يجي قدامك (بنات) دول هيبقي ليهم معارف أو خروجك معاهم أو وقفتك معاهم هتبينك للناس يعني فاهمني المهم يعني متقعديش ف البيت حتي لو هتنزلي كل يوم تتمشي 10 دقايق او تنزلي تجيبي علبه مناديل وطالعه
تم النشر الأحد، ١٢ يوليو ٢٠٢٦
هذه فتنة فقد يأتي الشيطان ويأمرك بالتبرج ويهددك انك اذا لم تتبرجي ستعنسي وتعيشي كل عمرك وحيدة ... بالطبع هذا كلام باطل والأرزاق بيد الرزاق فعليكي بالدعاء والتوبة والصراحة مع النفس وكثرة الاستغفار
تم النشر الأحد، ١٢ يوليو ٢٠٢٦
مفيش سعي من المرأة في الأمر ده ،، أسلوب حياتك = عبادة عظيمه وهي القرار في البيت وقلة الاختلاط واقتصاره على الضرورة، اشغلي حياتك بما هو مفيد مثل تعلم العلوم الشرعيه ، حفظ القرآن ، تعلم أشياء نافعه لت تضرك في دينك ،،، حتى تقضي على الفراغ ،ورزقك سيأتيكِ
تم النشر السبت، ١١ يوليو ٢٠٢٦
لعرض السؤال في فدني اضغط هنا