انا حاسه بضعف في شخصيتي جامد اووي وبذات انا لاني الكبيره ومتأثره
من وانا صغيره كان بابا دايما مش بيحب المشاكل كانت الناس بتيجي علينا كتير اووي لدرجه انهم يهينوا فينا ويظلمونا في حاجات بابا كان بدل ما يعلمنا ناخد حقنا لا كان يقولنا احنا الي غلطانين حتى لو مش ردينا اصلا يعني مثلا اختي مره كانت رايحه عند الخياطه مع مرات ابن عمي اختي بتبص حواليها ف لمحت حد ماشي بالمكنه فقام باصص لاختي وابتسم ومشي واختي اصلا متعرفهوش فقامت البنت دي طلعت عليها اشاعه انها بتحب الشخص دا واكيد بتكلمه مع ان اختي اصلا محترمه
المهم روحت لماما تقول ل بابا ع الي حصل ويكلم عمي الي هو أبو زوج البنت الي طلعت اشاعه يتكلم معاه ليه تسؤ سمعة اختي قام بابا مزعق فينا جامد وقال اختك الي غلطانه ليه تبص ع الشاب واختك مش محترمه وطلع كل العيب علينا وكمان راح اعتذر للبنت الي طلعت ع اختي اشاعه وقال مش تزعلي من رد اختها هي كانت بس محموقة لاختها
وهكذا مواقف كتير لدرجه اني لما كبرت ووصلت لمرحله الثانويه فكانو الي في الفصل كلهم عارفين قد اي شخصيتي ضعيفه ومش بدافع عن نفسي
كان مره واحده من البنات الي في الفصل عايرتني بمهنه والدي الي هو بيع الفراخ تاجر يعني قالت روحي يلي ابوكي بيع فراخ وقعدت تتريق وتقلد صوت الفراخ المهم انا وقتها قعدت أبصلها واعيط قامت بنت تانيه ردت عليها وبهدلته وقالت لازم تتعلمي تاخدي حقك والا هتفضلي كدا طول عمرك
ومواقف كتير اووي
وإنا مخطوبه كان خطيبي برضو من التعامل معايا عارف اني شخصيتي ضعيفه كان لما بيحصل حاجه مني قليله زي مثلا مش رديت عليه تأخرت شويه يقوم بهدلني ويطلعني قدام اهلي كلهم اني مهمله ومش بهتم وانا ببقى عارفه انه مش زي ما بيقول كنت مشغوله مش اكتر بس بسكت لانه محدش بيسمعني هو يتكلم وأهلي طبعا متعودين انهم يطلعوني غلطانه ومش يسمعوا مني فدا ضعف شخصيتي اكتر مع خطيبي لحد ما جيت في الخر انفجرت وقولت انا مش مرتاحه مش عايزه اكمل اهلي بقا مش سكتوا بقا انتي الي غلطانه في الراجل وبطلعي العيب عليه دا الحمدلله انه كان مستحملك اصلا
وجت ماما بعد ما فسخنا الخطبه تقوله ما تفكر تاني يا حبيبي في موضوع الخطوبه دا وتفكر وترجعوا لبعض قعد يتكلم اني كنت بغلط كتير فيه ودا مش حقيقي بيضخم الحاجات الصغيره ف اهلي طبعا بيصدقوا ويقول ايوا كلامك صح وانا دلوقتي حسه اني لا بقا عندي كرامه وبستحقر نفسي بخاف اتصاحب ع بنات يهنوني عشان مش عارفه اخد حقي من حد دا غير اني بخاف اتكلم اصلا قدام الناس وعندي تأتأ ف الكلام
#تعبت
وبالنسبه لموضوع التاتاه روحي عند دكتور ومتخافيش من اي حاجه طلعي نفسك من الي انتي فيه واهلك بقي مش مطلوب منك غير انك تبريهم ومتعليش صوتك عليهم او تتخانقي معاهم اقل حاجه تقوليهم حاضر علي كل حاجه لكن في الاخر انتي هتعملي الانسب ليكي والي يرضي ربك ومتفكريش فيهم لو شافوا فيكي قوه او ثبات علي راي مش بعيد يدعموكي كمان
تم النشر الخميس، ١٨ أبريل ٢٠٢٤
تقدري تتفرجي علي كورسات ياسر الحزيمي بتاعت قوه الشخصيه علي يوتيوب وادعي ربنا كتير اوي انه يقوكي ويصلح حالك وحاولي تبعدي عن اي حد كان بيسبلك اذي او يدايقك واقفي قدام نفسك في المرايه واتخيلي المواقف الي حسيتي انك كنتي المفروض تردي فيها واتكلمي كانك ف الموقف واهتمي بنفسك باقل حاجه اشربي كوبايه قهوه في البلكونه او حطي ماسك علي وشك حسسي نفسك انك ليكي قيمه بدون اي حاجه او اي حد واخر واهم حاجتين قربي من ربنا ومتسبيش حقك الموضوع ممكن يكون صعب في البدايه لكن ابدئي وحطي حدود بينك وبين اي حد لو اتخطاها اقطعي علاقتك بيه ومتحسيش بالذنب او الخوف ربنا يصلح حالك
تم النشر الخميس، ١٨ أبريل ٢٠٢٤
لازم تعرفي ان شخصيتك هي نظرتك لنفسك ،، فلو غيرتي نظرتك دي انك ضعيفة الشخصية مش هتبقي ضعيفة الشخصية ابدا ،، اكبر مشكلة فكل ال انتي قولتيه ده مش اهلك ولا خطيبك قد م مشكلتك انك صدقتيهم و صدقتي انك فعلا ضعيفة مع انك مش كده ! طبيعي بنمر بمواقف كتير ف حياتنا بنعدي و بنبان ضعفا بس بنتعلم ،، و واحدة واحدة هتعرفي ان شاء الله تاخدي حقك ،، حاولي تقعدي مع نفسك و تاخدي قرار جد انك تغيري نظرتك عن نفسك و انك من هنا و رايح هتبقي قوية و مش هتسمحي لحد يقلل منك و ياستي حتى لو سكتي صدقي من جواكي انك بس بتكبري دماغك انما انتي كنتي تقدري تاخدي حقك و زيادة افتكريي اهم حاجة نظرتك لنفسك
تم النشر الخميس، ١٨ أبريل ٢٠٢٤
لعرض السؤال في فدني اضغط هنا