مرفوض بلا تردد بيعمل إسقاط وغامض مبيجاوبش على الأسئلة و بتحسيه روبوت دي مؤشرات خطيرة ان هو فعلا روبوت معندوش مشاعر وبيظهر ما لا يبطن لأنه لو كان طبيعي وصريح كان هيجاوب على اي اسئلة بعفوية وهو بيتجوز من بلد غير بلده يمكن عشان سمعته سيئة في بلده وأنه بيشكر في بنات تانية فده من أساليب التلاعب عند الشخصيات السامة أو حتى النرجسية يعني بالعربي بيتلاعب بيكي ومتصدقيش ان دي زلة مش معقول ان انا قاعد مع خطيبتي وبالغلط اشكر في بنت تانية لا والموضوع يتكرر !!! دي مجرد بهارات لأساليب وتقنيات التلاعب اللي عنده ......... الحذر كل الحذر لأن هو انكشف بسبب انك طولتي معاه لمدة سنة ... الشخصيات دي بتبقا جميلة وساحرة في البدايات بس بتنكشف مع الوقت / وميغركيش كثر اعتذاراته وكثر المشاعر والحب اللي بتصدر منه هو حاليا فاكر نفسه ذكي وضحك عالعائلة بالكامل ........
@السائلة كل اللي حولك مش هينفعوكِ لو اكتشفتِ بعد الزواج إن كان عندك حق في مخاوفك وترددك وإنه مكنش ينفع تكملي في الزواج منه وبعدها محدش منهم هيدعمك في انفصال ومش بعيد يقولوا لك كان باختيارك ومحدش ضربك على إيدك عشان توافقي.
تم النشر السبت، ٢٩ نوفمبر ٢٠٢٥
حضرتك انا وضحت الأسباب في الكلام اللي فوق ولسة مترددة ؟ سيبك من كلامي اللي هو اصلا من كلامك . حضرتك بتقولي لو بس فكرتي تزعلي منه بينفعل . ركزي انتو في فترة خطوبة وقاعدين على طربيزة وجمبكو عصير وبينفعل امال بقا في ال٢٤ ساعة في حر الظهر وشغل البيت والطبيخ والغسيل والكنيس هيعمل ايه المنطق بيقول اكيد هيزيد وممكن توصل لمد الإيد .... ارفضي مقابلته والكلام معه لأنك هتضعفي قدامه وقولي لأهلك لما أرفض من الآن احسن ما أرفض بعد الزواج والتكاليف
تم النشر السبت، ٢٩ نوفمبر ٢٠٢٥
انتم الحبل الاخير اللي جايز ينجدني واستقوى بكلام حضراتكم وانت محايدين
تم النشر الجمعة، ٢٨ نوفمبر ٢٠٢٥
لان كل اللي حواليا مش مقتنعين بأسبابي لرفضه وبيتهموني اني بتلكك ومش عاجبني حاجه وحاجات انا حاسه اني مش عارفه افكر لو سمحت يا أستاذ ممكن تديني نقاط اعرف بيها اختبره ولو لاخر مره جايز كلها شكوك وانا بظلمه زي ما بيقولولي
تم النشر الجمعة، ٢٨ نوفمبر ٢٠٢٥
وايه يخليكي توافقي هو غسل دماغك ؟
تم النشر الجمعة، ٢٨ نوفمبر ٢٠٢٥
ياريت في كلام معسول حضرتك الكلام بحساب انا لو فكرت ازعل منه بينفعل عليا
تم النشر الجمعة، ٢٨ نوفمبر ٢٠٢٥
انتي ضعيفة حاليا وهو هيسحرك بالكلام المعسول وفجأة هتلاقي نفسك في موقف مؤلم جدا بين اربع جدران وهينكشفلك وجهه الآخر .... فمن الآن ادعي الله وثم علطول روحي لأهلك قولي لهم مش عايزاه .. قرار قاطع لا يحتاج مبررات
تم النشر الجمعة، ٢٨ نوفمبر ٢٠٢٥
انتي الآن ضايعة وضياعك بيخليكي فريسة سهلة .. وده خبيث عايزك تعتمدي عليه ماديا عشان يمنعك عن الاستقلال نهائيا طول حياتك ... يعني طول عمرك تكوني معتمدة عليه وتحت سيطرته يعمل اللي هو عاوزه من الاذى .. ولو فكرتي انك تفارقيه هتبقي منغير وظيفة فهتروحي للفقر فتضطري متفارقيهوش
تم النشر الجمعة، ٢٨ نوفمبر ٢٠٢٥
هو مش بيشكر فيا دائما زي ما قولت لحضرتك كل حاجه بحساب وعنده ان الشكر يمكن انا اتغر رغم والله انا مش مغرورة خالص الحمد لله رحم الله امرئ علم قدر نفسه...حاجات وتفاصيل صغيرة هو بيهتم بالامور الكبيره ...هاقول لحضرتك انه عرف انا بيدخلي كم من شغلي وقللي الشغل برضايا بحجة اني بتعب ....وبقا يبعتلي فلوس ومش دايما كمان انا مش محتاجه اطلب فلوس من حد والاومكنتش نزلت اشتغل يعني انا حسيت بس انه عايزني احتاجله ماديا بالذات وبجد الموضوع بعد ما فهمته كان فات الاوان لاني مدرسة والسناتر بتاخد المعلمين من اول الصف الدراسي ....انا مش عارفة شكوكي دي صح ولا شيطان زي ما بيقولي ويوهمني انا دايما حاسه اني مضغوط عليا منه ..اني اكون مثالية انا مش عارفة اكون على طبيعتي ...بقيت اتكلم وانا نايمه وجالي حساسية مستمرة وشديدة جدا ...متأثرة بس محدش فاهمني
تم النشر الجمعة، ٢٨ نوفمبر ٢٠٢٥
فعلا مفكر نفسه ذكي لكني بتغافل كتير اوي انا منكرش انه قدم حلو بس فعلا كل حاجه بحساب وبالمنطق ...لا هو من نفس بلدي وهو بس سافر يشتغل وهاياخدني معاه بعد الجواز ...انا مش قادرة احكم على موضوعي ككل
تم النشر الجمعة، ٢٨ نوفمبر ٢٠٢٥
لعرض الإجابة في فدني اضغط هنا