باختصار انا حالتى تبكى 😞
انا عندى اهل وعائله واصحاب بس كل ده ووحيد والله بجد عشان وقت الشده مش بلاقي اى حد اهلى بقا مافيش اى دعم معنوي بحس بإحباط يائس قوى حتى لو وقعت فى مشكله يقولوا عليا بتاعت مشاكل ويزعقوا فيا
نفسى يكونوا جنبى اما قريباتى مستنين غلط كلهم كده مستنين يشمتوا فيا زى الغريب اما الصحاب بقا دول اونطه وقت العوزه بيمشوا مش بشوفهم يعنى عندى ناس كتير بس في الحقيقة وحيده
انا لما بعيط بكون لوحدى حتى الشخص إلا بقول عليه سندى و حبيبى برضو زيهم يعنى حتى هو اللي كنت بحكيله على وجعى واللي باشوفه فى حياتى طلع زيهم انا بجد كل يوم فى انهيار ومحدش شايف
بكون قدام الناس مرحه وبضحك بس لما بكون لوحدى شريط حياتى منذ الطفولة بيمر قدامى ولسه مكمله فى نفس الشريط وكل يوم احداث بتخلينى ازهق من حياتى ومن الناس عاوزه اكون لوحدى البشر كلها خيانه ليه
انا مافيش أسبوع أو يوم يعدى عادى عندى مافيش حد بيصبرنى على الايام 😞
عزيزتي، أشعر بعمق الألم والحزن الذي تمرين به، وأفهم تمامًا الشعور بالوحدة وسط الناس، خاصة عندما يصبح المحيطون مصدرًا للألم بدلاً من الدعم. هذا الشعور مرّ جدًا ومؤلم، وأنت لستِ وحدك في معاناتك. دعيني أساعدك قليلاً بخطوات عملية قد تساعدك في تخفيف هذا العبء: الاعتراف بمشاعرك : لا تخجلي من البكاء أو الشعور بالحزن، فهو جزء طبيعي من معالجة الألم النفسي. اعطِ لنفسك الإذن بأن تعبري عما بداخلك، فهذا أول طريق للشفاء. ابحثي عن الدعم المناسب : رغم أن عائلتك وأصدقائك قد لا يكونوا سندًا حقيقيًا الآن، إلا أن هناك متخصصين نفسيين يمكنهم فهمك بعمق ومساعدتك بشكل احترافي. في موقع فدني، يمكنكِ زيارة قسم الخبراء والبحث عن طبيبة نفسية مؤهلة تناسبك، حيث يمكن أن تكون الاستشارة معهم نقطة تحول إيجابية في حياتك. خصصي وقتًا لنفسك : ابحثي عن أشياء تحبينها، سواء كانت قراءة، كتابة يوميات، أو حتى هواية بسيطة تجعلك تشعرين بالسكينة. هذا يساعد في بناء قوة داخلية ضد ضغوط الحياة. التواصل مع الله : لا تنسي لو كانت لديك علاقة روحية، فاللجوء لله بالدعاء والاستغفار وقراءة القرآن يعطي قلبك طمأنينة كبيرة. كثيرًا ما تجد النساء في المحن قوة عظيمة في القرب من الله. لا تستسلمي للشعور بالوحدة والخيانة : التجارب السيئة مع الناس أمر مؤلم، لكن الناس جميعًا ليسوا كذلك، فمع الوقت سوف تجدين أشخاصًا صادقين يستحقون صداقتك. الصبر والتجربة هما مفتاحان. أنا هنا معك، وإذا أحببتِ يمكنني مساعدتك في البحث عن طبيبة نفسية في فدني تناسب حالتك، فقط أخبريني. ولا تنسي، أن كل يوم يمر هو فرصة جديدة لنفسك، ولا شيء يدوم للأبد، خاصة الحزن والهموم. ربنا معك. 💛 هل ترغبين في نصائح تساعدك على تنظيم مشاعرك أو خطوات للبحث عن الدعم النفسي هنا داخل فدني؟
تم النشر السبت، ٤ أكتوبر ٢٠٢٥
فى حاجه كمان انا نسيت اقولهالك انتى لازم تفوقى لنفسك وتاخد عهد على نفسك انك هاتغيرى حياة اليأس وتستبدليها بحياه مريحه وفيها أولوية لنفسك وبس وتقفلى على نفسك بعيد عن كلام الناس وتنجحى ووقتها تقفى بكل قوه وتستغنى عن اللى كان بيستغنى عنك وتثبت للكل إن حتى وانتى لوحدك قادره تعتمدى على نفسك وتثبت وجودك وقوتك
تم النشر الثلاثاء، ١٤ أكتوبر ٢٠٢٥
بصى بقى ياست البنات انتى ربنا بيحبك هاتقوليلى ازاى وليه هاقولك لأن ربنا عايزك ربنا عايزك ترجعيله وتتمسكى بالقرب منه وتستنجى بيه وتستعينى بيه ربنا عايز يتولى حياتك بمعنى توضيحى أكتر ربنا بيبعد عنك كل اللى يقدرو يساعدوك عشان تلجئى ليه بيبعد عنك كل الل بيمدوكى بالقوه عشان تستمدى قوتك منه بإختصار ربنا مش عايز حد يكون ليه فضل عليكى حتى لو الفضل ده كان عباره عن مشاعر ..ربنا عايز يغنيكى برحمته عن العالمين ومش هتلاقى راحه غير فى القرب من ربنا وليتك تحلو والحياة مريرة بمعنى انك محافظة على صلاتك وصيامك وقيامك والصدقات والأذكار ووردك ف تولع الدنيا ولا يهمك انتى كدا كسبانه الدنيا والأخره وفى قول تانى وهو إذ صح منك الود فالكل هين يعنى لو تحبني بس يارب مش هاعوز حاجه تانيه وهاعوز ايه غير ان انول حب رب العالمين وافتكرى قول الإمام الشافعى رحمه الله وليتك تحلو والحياة مريرة وليتك ترضى والإنام غضاب وليت الذى بينى وبينك عامر وبينى وبين العالمين خراب إذ صح منك الود ف الكل هين وكل الذى فوق الترابِ تراب أما بقى نفسك ف مستنيه من حد اى حاجه خلى نفسك عندها إختفاء عن حاجه الأخرين عايزه حد يشجعك شجعى نفسك محتاجه حد يفرحك فرحت نفسك خدى نفسك واعزميها على حاجه حلوه او خروجه هى بتحبها مش شرط حاجه مكلفه بس حاجه تفرحك خليكى انتى سند لنفسك بعد ربنا اما بقى اللى عايزين يشتو فيكى دول ف انتى شيليهم من دماغك خالص أولاً لأن دول ناس مريضه ومش من المنطق والعقل ان أشغل بالى بإنسان ماخلف عقليا ثانياً أى حاجه فى حياتنا هى نصيب وقدر ومكتوب لينا وهاضربلك مثال واحد كان عايز يدخل طب وخايف يكسر ثقة اهله وخايف الناس تشمت فيه وبالفعل مجاش طب وجاب كليه تانيه فى الموقف ده فيه نوعين نوع هايقعد يندب حظه ويلهم فى نفسه انه خذل اهله ويحط شماتت الناس فى دماغه ويشوف ان الحياه انتهت ونوع تانى هايشوف انه عمل كل اللى عليه بس الكليه دى مش من نصيبه وهايدي ويسعى ل حلم جديد وهايمشى فى الطريق اللى ربنا كتبه ليه وينجح فى دراسته ومجاله ويبقى حاجه مشرفه ووقتها قدر يرجع ثقة أهله وقدر يخلى الناس اللى بتشمت فيه ولا حاجه بالنسباله والفرق فى التصرف بين الموقفين بسيط بس منهم اختيار بنى حياة واختيار تانى هدم حياة وأساس كل ده هو اليقين بالله والقرب منه وحاجه اخيره حافظه على صلاتك لأمها اما ان تشقيك وإما ان تسعدك وافتكرى دايما أنه من خان حى على الصلاة خانته حى على الفلاح عذراً إن ثقلت عليكى فى الجواب
تم النشر الثلاثاء، ١٤ أكتوبر ٢٠٢٥
السلام عليكم أنا عايزة أقول إن كل الناس بتمر بحاجات كتير صعبة، لكن في فرق بين كل شخص والتاني في طريقة تعامله مع اللي بيمر بيه ومن الأفضل إننا ما نحتفظش بكل الحاجات دي جوانا لأن التراكم ممكن يسبب اكتئاب الأفضل هو إننا نتخطى ونكمل ونبعد عن التفكير الزايد اللي ممكن يتعبنا أكتر واعرفي إنك لو قدّرتي نفسك الناس اللي حواليكي هيقدروكي كمان ومن الأفضل إنك تتجاهلي كل اللي يضايقك عشان تبقى مرتاحه اكتر و تفتكري دايمًا إن كلنا بنغلط والغلط ده مش نهاية الدنيا لكن أوقات كتيرالتجاهل بيكون هو أفضل حل خلي عندك يقين دايمًا إن الأيام الصعبة هتعدي وإنك أقوى من أي حاجة ممكن توجعك ابتسمي وكمّلي لأنك تستاهلي كل شيء جميل 🥹💗💗
تم النشر الأحد، ٥ أكتوبر ٢٠٢٥
حبيبتي انا مقدرة شعورك جدا جدا جدا جدا لاني مريت بأمور شبه كدا انتي صادقة من جواكي و عندك مشاعر حقيقية و تحبي العدل و الرحمة و نضيفة و حلوة من أعماقك لأنك لحد دلوقتي مبقتيش زيهم و لا اتلونتي بلونهم و حاولتي تغيري من مصداقيتك و حقانينك عشانهم أو عشان تبقي زيهم انا اقدرك جدا جدا و ربنا بيحب الناس الحقيقية اللي زيك انك متماسكة بالعدل و الصدق دا معناه انك إنسانة رائعة نصيحتي ليكي ربنا لوحده هو السند و المعين و الحياة و المستقبل و الاب و الام و الاخت و الاخ و اللي دلوقتي لو بكيتي هو الوحيد اللي شايفك و شايف دموعك و شايف اد اية المحبة اللي جواكي لأنك نفسك الناس تكون وفيه و أمينة زيك هو اللي سامعك و سامع افكارك روحي له و احكي له كل مخاوفك و مشاكلك هو الوحيد اللي هيقدرك و هيشيل كل تعبك لأن في ايديه العالم كله بالظروف بالحياة بالموت هو الوحيد اللي لو وقعتي اللي يقدر ينقذك مافيش حد زيه في الدنيا منذ الأزل و إلى الأبد ربنا شايلك الاحسن و هيعوضك عن كل السنين المؤلمة اللي عدت عليكي انا مريت بحاجات كتير لكن هو اللي قواني و شال دمعة كانت بتنزل و انا لوحدي كل وقت كنت مستنية اقرب الناس يقفوا جنبي لكن كل واحد عنده حياته لكن الوحيد اللي مستني تقولي يا رب عشان يجري عليكي الوحيد اللي تفتحي قلبك من غير ما تخافي أنه ممكن يمشي أو ممكن يسيبني أو ممكن يموت حقيقي لو قربتي له بالصلاة و الدعاء و القراءة و كنتي بنفس شخصيتك الجميلة دية هو لما يلاقيكي بتعدي بكل المواقف دية و محدش جنبك اعرفي و تتاكدي تماماً إن الوقت اللي مافيهاش أي حد جنبك دا اكتر وقت في حياتك ربنا جنبك فيه و شايلك فيه و بيطبطب ع قلبك فيه اكتر من اي وقت تاني انا بحكي لك تجربتي في الحياة و اعرفي إن الكل مهما إن كانوا مين هيمشوا مش بإرادتهم لكن الظروف و الحياة بتاخدهم الوحيد اللي باقي إلي الأبد اللي باقي لك هو ربنا لو قربتي له هيقرب لك لأنه بس مستني تدعي له من قلبك و تكملي بنفس نقاء شخصيتك دية و تحافظي عليها هتبقي من اقرب الناس لربنا و من الناس اللي بيدعوا فربنا يستجيب لهم بتمنى لك كل الفرح و السلام و الهدوء و راحة البال و الاطمئنان و الامان و الحب اللي ممكن تاخديه كل دا لما تبقي مع ربنا و اكتر كمان ربنا لما بيدي بيدي بلا حدود لدرجة أنك ممكن تستغربي ايه كل الحب دا يا رب اد ايه انت حنين و جميل الابرع جمالا من بني البشر
تم النشر السبت، ٤ أكتوبر ٢٠٢٥
سلام عليكم ورحمة الله وبركاته بصي والله كل كلمه صح وبتحصل مع الكل بس هنعمل ايه مفيش حل غير نرجع الي الله ونقرب منو احسن من البشر
تم النشر السبت، ٤ أكتوبر ٢٠٢٥
لعرض السؤال في فدني اضغط هنا