حبيبتي انا حاسة بيكي و بوجعك و إن فيه ناس معندهاش فهم ممكن تتريق و تقول كلام مش مظبوط بسبب جهلهم لكن انتي حقيقي تعبانة بسبب المشكلة النفسية دية انا بنصحك اولا و قبل كل شي صلي و ادعي ربنا ينسيكي الماضي و يديك القوة انك تركزي في الشرح و تعرفي تحليل بعد كدا لوحدك من غير ما تتعبي نفسيا بسبب الذكريات و الم الماضي ربنا لوحده قادر يشيل عنك تعبك و يبعد كل فكر بيتعبك تاني حاجة لو عندك قدرة مادية انك ممكن تروحي لمتخصص فاهم في المواضيع دية يساعدك خطوة بخطوة و يفهمك و يعرف ازاي حتى حتة نتخلص من اشباح الماضي و مع الوقت هتتحسني لكن انك متعمليش اي حاجة و لا تصلي و تدعي ربنا لأجل الموضوع و لا تروحي لدكتور هيفضل التعب دا و هيزيد بسبب انك لم تعالجيه و قبل ما تبدأ المحاضرة بتاعت الدكتور ادعي ربنا أنه يخليكي تركزي في الشرح و المحاضرة نفسها بدون افكار سلبية أو ذكريات مؤلمة مريتي بيها و ربنا معاكي و يخفف عنك يا حبيبتي و انتي لو مش معاكي مقدرة مادية أو معندكيش وقت تروحي لمتخصص ربنا لوحده كفاية
تم النشر الأحد، ٥ أكتوبر ٢٠٢٥
السلام عليكم ورحمه الله وبركاته بصراحة فيه نوع راااااااااااااااااائع جدا جدا جدا لل airflyer من شركة Philips العلامة التجارية: كتاب فيليب مقلاة فيليبس لادواط المطبخ الأساسية اير فرایر XL دیجیتال بسعة 2.65 رطل - 6.2 لتر مع تقنية الهواء السريع، سلة سهلة التنظيف لون اسود - 2000 91-HD9270 واط كانت من سنة تقريباً ب ثمانية آلاف و نصف
تم النشر السبت، ٤ أكتوبر ٢٠٢٥
حبيبتي انا مقدرة شعورك جدا جدا جدا جدا لاني مريت بأمور شبه كدا انتي صادقة من جواكي و عندك مشاعر حقيقية و تحبي العدل و الرحمة و نضيفة و حلوة من أعماقك لأنك لحد دلوقتي مبقتيش زيهم و لا اتلونتي بلونهم و حاولتي تغيري من مصداقيتك و حقانينك عشانهم أو عشان تبقي زيهم انا اقدرك جدا جدا و ربنا بيحب الناس الحقيقية اللي زيك انك متماسكة بالعدل و الصدق دا معناه انك إنسانة رائعة نصيحتي ليكي ربنا لوحده هو السند و المعين و الحياة و المستقبل و الاب و الام و الاخت و الاخ و اللي دلوقتي لو بكيتي هو الوحيد اللي شايفك و شايف دموعك و شايف اد اية المحبة اللي جواكي لأنك نفسك الناس تكون وفيه و أمينة زيك هو اللي سامعك و سامع افكارك روحي له و احكي له كل مخاوفك و مشاكلك هو الوحيد اللي هيقدرك و هيشيل كل تعبك لأن في ايديه العالم كله بالظروف بالحياة بالموت هو الوحيد اللي لو وقعتي اللي يقدر ينقذك مافيش حد زيه في الدنيا منذ الأزل و إلى الأبد ربنا شايلك الاحسن و هيعوضك عن كل السنين المؤلمة اللي عدت عليكي انا مريت بحاجات كتير لكن هو اللي قواني و شال دمعة كانت بتنزل و انا لوحدي كل وقت كنت مستنية اقرب الناس يقفوا جنبي لكن كل واحد عنده حياته لكن الوحيد اللي مستني تقولي يا رب عشان يجري عليكي الوحيد اللي تفتحي قلبك من غير ما تخافي أنه ممكن يمشي أو ممكن يسيبني أو ممكن يموت حقيقي لو قربتي له بالصلاة و الدعاء و القراءة و كنتي بنفس شخصيتك الجميلة دية هو لما يلاقيكي بتعدي بكل المواقف دية و محدش جنبك اعرفي و تتاكدي تماماً إن الوقت اللي مافيهاش أي حد جنبك دا اكتر وقت في حياتك ربنا جنبك فيه و شايلك فيه و بيطبطب ع قلبك فيه اكتر من اي وقت تاني انا بحكي لك تجربتي في الحياة و اعرفي إن الكل مهما إن كانوا مين هيمشوا مش بإرادتهم لكن الظروف و الحياة بتاخدهم الوحيد اللي باقي إلي الأبد اللي باقي لك هو ربنا لو قربتي له هيقرب لك لأنه بس مستني تدعي له من قلبك و تكملي بنفس نقاء شخصيتك دية و تحافظي عليها هتبقي من اقرب الناس لربنا و من الناس اللي بيدعوا فربنا يستجيب لهم بتمنى لك كل الفرح و السلام و الهدوء و راحة البال و الاطمئنان و الامان و الحب اللي ممكن تاخديه كل دا لما تبقي مع ربنا و اكتر كمان ربنا لما بيدي بيدي بلا حدود لدرجة أنك ممكن تستغربي ايه كل الحب دا يا رب اد ايه انت حنين و جميل الابرع جمالا من بني البشر
تم النشر السبت، ٤ أكتوبر ٢٠٢٥
السلام عليكم ورحمه الله وبركاته كنت في كلية العلوم بس سقطت فيها و السبب اني كنت بذاكرة من ملازم تبع سناتر أو تبع حد غير الدكتور بتاع الكلية نفسه و كنت معتمدة عليها كليا لدرجة اني حتى مكنتش بفتح محاضرات الكلية و بروح اذاكر منها هي بس و كنت بذاكرة منها لانها كانت مرتبة و واضحة و سهلة و بسيطة و بتفهمي من غير ما احضر حتى الكلية و كان فيها من محاضرات الدكتور بس للاسف الامتحان كله جه من الناس اللي حضرتك المحاضرات و كتبت ورا الدكتور و حضرة اخر محاضرتين في المنهج اللي الدكتور بيقول فيهم ملخص المنهج و ألحان اللي نركز عليها نصيحتي ليكي متعمليش زيي و ذاكري من محاضرات الدكتور فقط و احضري محاضراته و اكتبي وراه لأن هو دا اللي مضمون و ربنا ينجحك و يوفقك يا رب
تم النشر الخميس، ٢ أكتوبر ٢٠٢٥
كتر خيرك شكرا جدا لزوق حضرتك
تم النشر الأحد، ٥ أكتوبر ٢٠٢٥
ألف مبروك هي صحية و مفيدة جداً و ادائها ممتاز ربنا يوفقك
تم النشر الأحد، ٥ أكتوبر ٢٠٢٥
ما انا سالت لحضرتك و قالوا لي ع فيلبس لكن ممكن حضرتك لو شايف أنه البراند دا احلى اوكيه مافيش مشكلة لكن هما قالوا لي احسن حاجة فيلبس و زي ما حضرتك تحب كله في الاخر يؤدي نفس المهمة
تم النشر الأحد، ٥ أكتوبر ٢٠٢٥
بصراحة أنا مش عارفة النوع دا بس انا كل اللي حواليا بيشكروا في فيلبس و فيه ناس اعرفهم في بلاد الخارج برضو بيشكروا في فيلبس فانا قلت اقولك احسن حاجة من باب الأمانة لكن باقي الانواع انا مسمعتش حد جاب سيرتهم الحقيقة
تم النشر السبت، ٤ أكتوبر ٢٠٢٥
لعرض الملف الشخصي في فدني اضغط هنا