انا عايشه ف مصر مع جدي وجدتي وبابا وماما مسافريين في البدايه يعني في المرحله الابتدائيه كنت شخصيه قويه جدا.. ومكنش يهمني رأي حد بس لما لاقيت انو حتى اللي عايشه معاهم واللي بحبهم بدأو يطلعون فيا عيوب دي شفايفها كذا وطولها وبشرتها القمحيه و و و.
ثقتي بنفسي قلت جدا وبقت أقل كلمه تزعلني وبقيت بتحرج لما حد يبص ف وشي مع انو انا مدركة انو ملامحي مش وحشه يعني دي عاديه وتوصل أنو هي كويسه جدا.....
وكان متزامن مع انو مليش صحاب ف الوقت دا فـبدأت العب لعبه خاصه بالاولاد (Free fire) وكنت بلعب عادي مره ف مره بدأت اكلم من عليها اللي بلعب معاهم بس كنت حريصة انهم يكونوا بنات لأنو. انا البيئه الخاصه بيا بتمنع الكلام مع الاولاد وخاصه انو احنا ارياف..
وأنا بذاتي كنت شايفه انو الكلام مع الصبيان غلط... ف مره ف مره بدأت اكلم اولاد واعتدت الكلام معاهم عادي.. وكان احيانا يدخل معايا أشخاص ويشتمو بدون سابق إنذار.. بس كنت بزعل جدا.. وأنا مشكلتي انو انا بتأثر من أقل حاجه والمشكله الأكبر انو بحسب كل الناس طيبه وبأمن بسرعه....
فحبيت شخص من على اللعبه. وهو قالي انو يحبني كان في فرق بينا ٣ سنين قعدنا نتكلم سنه وبعدها الاهتمام بدأ يقل وتجاهل كتير... فاتقال ليا كلام زعلني وبعدها مقدرتش ارجع طبيعيه ونهيت العلاقه دي...
ومن بعدها حاسه انو انا وحيده وكل شويه أدخل اللعبه واكلم ناس ولدرجه انو انا نزلت ابليكشن ناس بيتكلموا مع بعض.. مكنتش مدركة حجم خطوره الابليكيشن دا وظهر انو بتاع ناس كبيره ف العشرينات.. وكانو بيتكلموا ف جنس وكلام مش ينفع وبيبعتوا لبعض حاجات مش تنفع ولدرجه انو دخلت مع واحده بعتتلي جسمها وأنا كنت مكسوفه جدا وهي كانت بتقولي شوفي جسمي وعاوزه اخس وكانت الصوره بملابس داخلية....
ف بعدها اعتادت الموضوع ابتديت اتفرج على مقاطع إباحية وبعدها ارجع اندم..... ف انا مش عارفه بحاول انو مش انزل الابليكيشن دا ومش عارفه... حاسه بالوحده جدا... ويمكن كان سبب كبير انو انا نزلت بسبب بُعد اهلي عني لسنوات...
عاوزه حل لانو مش عاجبني كل دا وبيأثر على مذاكرتي
أولا التأثر بالكلام السلبي الدائم ملهوش علاقه انتي شخصية قوية ولا ضعيفه بالعكس أنا شايفاكي شخص قوي عارف هو غلطان في اي وعارف اي وصله لكد وعارف كمان الحل بس يمكن محتاج يسمعه كتأكيد ثانياً كلام الناس عنك مبيدلش علي حاجه غير انهم في حاجه جواهم مش عاجبهم فبيحاولوا يحسوا أن كل الناس كدا فيبدوأ يقولك بصي عامله ازاي وانتي اصلا لو هتركزي على اللي بيقولوا كعيوب غالباً هتكون مميزات فيكي بالنسبة لناس تانيه بس كل واحد عنده عيون مختلفه فانتي محتاجه تفهمي انك مش زي ما هم شايفين هم بس مش عارفين يحبوا نفسهم فعاوزين الكل كدا بالنسبه بقا لكل اللي حصل من كلام مع ولاد وعلاقات محرمه وذنوب هي خطوات للاسف احنا مشينها ومحتاجه تعرفي حاجه ربنا قال "ولا تتبعوا خطوات الشيطان" لأن الشيطان بياخدنا خطوه خطوه مش مره واحده طب اعمل اي اقطع تمااماااااا طب بقطع وبرجع هقطع تاني كل مره ارجع وابني علاقه مع ربنا واحده واحده بقا طب بعمل كدا اسبوع او يوم وارجع عادي كلنااا كدا محدش بيمشي على الصراط المستقيم على طول طبيعي ننعوج ونقع دا الطبيعي المهم لم اقع الحق نفسي في ذات اللحظه علشان مطولش واتعود اني اكون في مكان ربنا ميحبوش الموضوع مش سهل بس صدقيني مش صعب خاااااااالص محتاج بس انك تحاولي كل مره هتقعي فيها واعرفي انك تستاهلي تعيشي حياه نضيفه من غير عكننة الذنوب وقرفها ونحاول نتكلم مع بابا وماما لو قادرين ياخدونا معاهم خليهم ياخدوكي وفهميهم انك محتاجه ليهم يمكن هم مش عارفين يشوفوا دا لو عرفوا تمام معرفوش خلاص عادي ابني العلاقه معاهم وانتي هنا
تم النشر الأحد، ١٤ ديسمبر ٢٠٢٥
السلام عليكم ورحمة الله وبركاته اولا كدا باين ان انت لسه صغيرة وقدامك مستقبل ، حابه أفهم بس هو والدك ووالدتك مش واخدينك ليه معاهم انا اسفه على تطفلي بس ربنا سبحانه وتعالى هيحاسبهم على كل اللي بيحصل معاكي ربنا يهديهم ويصلح حالهم ويرجعوا للصواب، شوفي يا حبيبتي كل خلقة ربنا جميله (لقد خلقنا الإنسان في أحسن تقويم )ربنا سبحانه وتعالى ما خلقش شيء وحش ابدا والناس اللي بتتريق او بتتنمر دي ربنا هيحاسبهم يوم القيامه على كل كلمه كسروا بيها بني آدم او جرحوه انت جميله وبل أجمل مما تتصوري كمان تعرفي ان احنا ممكن يجي علينا فترة ونحس بعدم الثقه ومش عاجبنا الي عندنا بس تعرفي بقا ان في نتس تانيه تتمنى ربع الي عندنا فنقول الحمد لله على كل نعمه رزقتني بها وانعمت علي حمدا كثيرا ، نيجي بقا للنقطة بتاعت اللعبه الي هي كانت دافع وللعلم دي من ضمن الطرق الي بيجذبوا بيها رجل الاطفال والمراهقين للعالم دا يعني شات على معرفش ايه هوب تلاقي نفسك في دوامه مش عارفه تطلعي منها وكل ما تحولي رجلك تغرز اكتر ودا هو هدفهم نصيحه من اختك الكبيرة فوقي لحالك قبل فوات الأوان الدينا دي اختبار مش هنعمر فيها هيجي يوم وخلاص الحكايه اتقفلت ومعتش في رجوع ولا ندم انت بدأت تفوقي على نفسك والندم بداية الطريق انت تقدري وهتقدري بإذن الله تطلعي من كل اللي انت فيه دا قبلك حاولوا ونجحوا فكك من الي بيقلك مش هتقدري لا انت قدها انت أقوى من نفس أمارة بالسوء انت أقوى من شهوه لحظيه انت أقوى من ناس مؤذيه كل هدفها تدميرك وتدمير حال الشباب قربي من ربنا اتعلمي لو مش عارفة مفيش عيب كلنا بنتعلم اقرأي قرآن أكثري من الاستغفار والصلاة على النبي صل الله عليه وسلم أكثري من ذكر الله وقول لا إله إلا الله عودي نفسك ان يكون ليكي ورد يومي صفحه او صفحتين كبدايه من المصحف وكل يوم جمعه تقرأي سورة الكهف واكثري من الصلاة على النبي صل الله عليه وسلم قولي اذكارك قبل ما تنامي ويا سلام لو تقرأي سورة الملك الله عليكي اصحي صلي الفجر واقرأي اذكارك خلي لسانك عامر بذكر الله جربي كدا لمدة اسبوع وشوفي ايه هيحصل معاكي وادعي ربنا واشكي همك ليه ونصيحة من اختك الكبيرة برضو حاولي تقللي من السوشيال وتذاكري كويس عشان مستقبلك وربنا ييسر لك كل عسير ويجعلك من التوابين المتطهرين دا دعاء بعد الوضوء عودي لسانك عليه عشان ربنا ما ينساكي من باب التوبه ودايما تتوبي ليه وترجعيله بعد أي ذنب وربنا يوفقك وينور طريقك ويجعله عامر بالقرآن وذكر الله ويصلح حالك وحالنا أجمعين
تم النشر السبت، ١٣ ديسمبر ٢٠٢٥
مدخلتش الشهوات الحرام والافعال الغلط وخاصة الاباحيه في شئ الا اهلكته وخلت الافعال البسيطة صعبه وقله تركيز والخ الحقي نفسك يا بنت الناس نزلي واعي شوفي نصايح لمشكاكلك وشوفي فيديوهات دينيه تقوي علاقتك بالله وتجدد الوازع الديني فيكِ علشان السكه دي اخرتها وحشه والي بيبعد عن هدفه الاساسي بيتعب وبيتعب من كل النواحي والحقي نفسك قبل ما العالم دي تخليكي بلا شرف وياخدوا اعز ما تملكي لان دا هدفهم وكما يقال ودت الزا*نية لو أن كل النساء زان*يات خافي علي نفسك وحافظي عليها لانها اغلي ما تملكي ومفيش غير نفس واحده وجسد واحد في هذه الحياة محنا مبنروحش علي اللوبي بعد كل خطأ ونبدأ من جديد لا احنا بنبدأ من بعده او بنتحنبه ونكنل ودا عين الصواب فأصلي ما بينك وبين الله ينصلح لك ما بينك وبين نفسك وما بينك وبين الناس ودائما تذكري ان سلعه الله غاليه وسلعه الله الجنه فشتري الجنه بطاعه الله واجتناب نواهيه وابعدي عن النار لانها حفت بالشهوات والملزات فمن غرق في شهواته اوشكت ان تلقي به في النار فتقي الله في نفسك ومتمشيش في الغلط واظن كفايه كدا يا شاطره انتي لسه صغيره يبدوا وقدامك مستقبل الله يجعله مستقبل خير وبركه وحسن ختام اللهم آمين 🤲🏼🤍
تم النشر السبت، ١٣ ديسمبر ٢٠٢٥
حلك ثقتك ف مبدأ تمشي عليه
تم النشر الأحد، ١٤ ديسمبر ٢٠٢٥
لعرض السؤال في فدني اضغط هنا