كان نفسي بس احس ب حاجه تانيه غير الحزن واليأس وشعور الهزيمه الي دايما ملازمني نفسي احس ب شغف ولهفه لحاجه او لذه للحياه نفسي ابطل خوف وقلق وتوتر وابقي دايما خايف من كل حاجه حتي بخاف من الناس نفسي ابطل اشيل هم قدام وابطل رمي اللوم علي نفس لاي حاجه تحصل نفسي احب نفسي نفسي انسي حجات كتير نفسي الاقي نفسي زهقت انا تايه من زمان اوي نفسي ولو لمره ابطل اقول انا تمام نفسي ولو لمره احس ان حد متمسك بيا زي بقيت الناس وابطل احس اني تقيل ع اي حد نفسي مبقاش مريض نفسي نفسي اعترف اني مريض اكتئاب
اي نصيحه؟
لاحظ أنك على الرغم من التحدي اللي أنت بتمر بيه فواضح أنك مُقدر لنفسك وشايف أن حياتك ليها قيمة كبيرة وأنت فعلا معاك حق، نفسك جميلة وحية ودا ظاهر من رغبتك الشديدة في التغيير، الجانب المضيء جواك دا هو نقطة البداية لدحض المشاعر دي كلها.......... ومتنساش أن ربنا قال: ( أمن يجيب المضطر إذا دعاه ويكشف السوء) وقال:( فإن مع العسر يسرا، إن مع العسر يسرا) وقال:( ادعوني أستحب لكم). ولو حسيت أنك تقيل على حد فربنا قال ( ونحن أقرب إليه من حبل الوريد) ودا دليل صريح على أن نفسك مهمة جدا بأن ربنا قريب منك بعلمه ومعيّته وإحاطته وهو يسمع كل حرف بتنطق بيه، ويعلم كل احساس أنت بتمر بيه، وقال النبي صلى الله عليه وسلم ( ما يُصيبُ المُسْلِمَ، مِن نَصَبٍ ولا وَصَبٍ، ولا هَمٍّ ولا حُزْنٍ ولا أذًى ولا غَمٍّ، حتَّى الشَّوْكَةِ يُشاكُها، إلا كَفَّرَ اللهُ بِها مِن خَطاياهُ)...قال الله عز وجل:( وننزل من القرآن ما هو شفاء ورحمة للمؤمنين) .... استعن بالله عز وجل فأنت إنسان مُكرم من رب السماوات والأرض ، قال الله تعالى ( ولقد كرمنا بني آدم وحملناهم في البر والبحر ورزقناهم من الطيبات وفضلناهم على كثير ممن خلقنا تفضيلا).......... أما لو عايز نصيحة فأنت واضح عليك آثار حبك لنفسك وأنت عارف هتعمل ايه..... لو حابب تتكلم وتتطلع اللي جواك فخد راحتك.
تم النشر الأربعاء، ٢٤ يونيو ٢٠٢٦
حاسه اني بقرأ رسالة انا اللي كاتباها، نفسي فعلا أعيش علشان انا ضيعت عمري في الاكتئاب بس لو رجع بيا الزمن هختار نفسي مهما كانت العواقب، مشكلتك هتتحل لو بقيت أناني وبتفكر في نفسك بس ، بس انا لحد دلوقتى منجحتش في دا لأن الحزن والقلق لما بيتمكن من الإنسان صعب يسيبه إلا في حالة واحدة لو عيشت علاقة ارتباط رسمي بشخص مناسب يعينك علي أمور دينك ودنياك
تم النشر الجمعة، ٢٦ يونيو ٢٠٢٦
أنا نفس حالتك بالمللي ولكن لسه بادئه اصلح نفسي حتى لو للمرة المليون من وجهة نظري وبيكون فارق معايا اني احط نفسي وسط ناس متفائله وملهمه وبتشتغل على نفسها(بيئه إيجابية ) قضي معاهم وقت كبير حتى لو مش اصدقاء قريبيين جدا ومع الوقت هتلاقيك زيهم من غير ما تدرك ده الأذكار كمان بالذات الاستغفار وقول لا حول ولا قوة إلا بالله خليك رؤوف ورحيم بنفسك بمعنى سايس نفسك كأنك بتسايس طفل صغير ورحيم بيه حدد لنفسك مهمات واشتغل على إنك تنجزها حتى لو أهداف أو مهمات صغيرة وكافيء نفسك كل ما تنجز حاجه ،ده هيحسن من نفسيتك الدعاء بيقين في قيام الليل بالثلث الاخير ( الدعاء بجد هو سلاح المؤمن )
تم النشر الجمعة، ٢٦ يونيو ٢٠٢٦
أنا آسفة جدًا إنك بتمر بكل الشعور ده، بلال. اللي بتصفه من حزن ويأس وخوف مستمر وشعور بالهزيمة والثقل على الآخرين ده مش سهل أبدًا، ومن الطبيعي إنك تكون زهقان وتايه من زمان. الاعتراف إنك مش "تمام" وإنك عايز تحس بحاجة تانية هو خطوة شجاعة جدًا، وده بيفتح الباب للتغيير الحقيقي. ابدأ بخطوات صغيرة وعملية عشان ترجع تلاقي نفسك تدريجيًا. جرب تكتب كل يوم ثلاث حاجات بسيطة عملتها أو حسيت بيها، حتى لو كانت مجرد شرب كوباية مية أو الخروج لدقايق، عشان تبني شعور بالإنجاز بدل اللوم المستمر. كمان، حاول تخصص وقت يومي لنشاط بسيط بتحبه أو بيخليك تشعر بأي نوع من الشغف، زي قراءة كتاب أو متابعة هواية قديمة، وده هيساعدك تبني لهفة تدريجية للحياة. في الجانب الإسلامي، تذكر إن الدعاء والاستغفار والتوكل على الله بيخففوا من الهموم، وممكن تبدأ بصلاة قصيرة أو ذكر بسيط يوميًا عشان تحس بطمأنينة داخلية. أنت مش مريض نفسي بالمعنى السلبي، ومش تقيل على حد؛ كل إنسان بيمر بفترات زي دي، والاعتراف بيها بيخليك أقوى. لو استمر الشعور ده، ابحث عن أسئلة مشابهة على فدني عشان تشوف تجارب الآخرين وتاخد أفكار إضافية. أنا هنا معاك، ولو عايز تتكلم أكتر عن أي جزء، أنا جاهزة أسمع وأساعد.
تم النشر الأربعاء، ٢٤ يونيو ٢٠٢٦
عليك بالقرآن ، فالقرآن فيه شفاء للصدور
تم النشر الخميس، ٢٥ يونيو ٢٠٢٦
جرب تقرب اكتر من ربنا وتفهم القرآن وتستشعر المعاني هتلاقي كتير من المشاعر دي واللّه .
تم النشر الجمعة، ٢٦ يونيو ٢٠٢٦
صدقني الحياة مش بتدينا كل حاجه عاوزينها وبتبقي قاسيه أحيانا بس لازم نتعايش ونمشي في الحياة وإلا كانت وقفت الحياة افتكر دايما (َإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا) قرب من ربنا كتير حياتك هتتغير
تم النشر الخميس، ٢٥ يونيو ٢٠٢٦
طول ما إنت مستني حد يتمسك بيك فأنت غلطان محدش هيتمسك بك صدقني الحياة كدا بتمشي كدا هيبدأوا يتمسكوا بك لما يلاقوك فقت لنفسك وحابب حياتك وعايش حياتك ،،ليه تحسس نفسك انك تقيل علي حد خليك تقيل متفكرش بقا قد اي انت تقيل اللي بيحبك بجد مش هيهمه انت تقيل أبدا هيستحملك لو أنت كتلة هموم وهيساعدك تقوم
تم النشر الخميس، ٢٥ يونيو ٢٠٢٦
إي المشكله إنك تعترف إنك بتعاني من اكتئاب إعتِرف وماله هتخفف كتير علي نفسك ،،الاكتئاب مش مرض نفسي علفكره ما تقنعش نفسك انك مريض ،، وكمان ليه أفكر في بكره لما ممكن أستمتع بالنهارده ،،طول ما أنا بفكر في بكره فأكييييدددد أنا بفكر في النهارده وبكره والمتاعب هتتجمع مره وحده هتخليك كتلة من المشاعر السلبية وهتلاقيك مهموم
تم النشر الخميس، ٢٥ يونيو ٢٠٢٦
طيب جربت تعيش يوم كامل من غير ما تسمع صوتك الداخلي اللي مخليك حزين تعيس خايف ...؟
تم النشر الخميس، ٢٥ يونيو ٢٠٢٦
ربنا ييسر أمرك ويهديك مما أنت فيه ويوفقك فى حياتك يارب
تم النشر الخميس، ٢٥ يونيو ٢٠٢٦
لعرض السؤال في فدني اضغط هنا