وعليكم السلام ورحمة الله وبركاته، اسأل الله ان يوفقك وأن يفتح عليك ويرزقك من حيث لا تحتسبي. انت الحمد لله ناجحة وبتشتغلي، وتفوقتي بدراستك واثبتتي نفسك كزا مرة، وكل خوفك متركّز على كيف ما تخلي امّك تأثر على حياتك. طبعا الي عشتيه والي عم بتعيشيه مش سهل أبدا، بس عشان تحمي نفسك من بشر بدك تلتجئي لربّ البشر، لازم تعرفي ربّنا وتتعلمي اسماءه وصفاته سبحانه، ربنا هو الرحيم، هو اللطيف، في شروط للدعاء، ما بحق لأمك الاعتداء بالدعاء بدون حق، والله سبحانه وتعالى يستجيب لأحدكم ما لم يدعو بأثم او قطيعة رحم صح؟ يعني ربنا رزقنا كلنا نفس الحق بالدعاء، كلنا نفس الحق بالاستغفار، نفس الحق بإنه نتقرب منو... ما بدي ياكي تطلعي على امك نظرة رعب او خوف؛ فهي والله ما بتقدر تساوي اشي، مادامك بارّة بأمك ومش ظالمتيها، هي ما بتقدر تئذيكي. وهذا من فتوى لحالة مشابهة من موقع اسلام ويب: "وما أشرت إليه من تأثير دعوات أمك في حياتك فقد يكون صحيحا إذا كنت مقصرة في حقها، وإلا فلا تاثير له لأنه اعتداء منها في الدعاء وهو غير مقبول، كما هو مبين في الفتوى رقم: 21067 ." اعرفي ربنا منيح ، واعرفي انه ما بظلم حدا سبحانه. الانسان الي فيه هاي الصفات هو بالحقيقة ما بئذي الا نفسو، لهيك ما تخافي منها وإنما خافي عليها وادعيلها، واستعيني بالله انه تتجنبي الأذى منها. □ ببساطة تفكّري بالحوقلة، ورح تعرفي انه كل مخاوفك محلولة. داومي على الذكر والاستغفار. واعرفي شغلة: من بعد المشاكل الي بتصيبنا احنا بين خيارين، الخيار الأول- • الاستسلام للواقع؛ •اليأس، •التوقف عن الدعاء، •النظر لحياة الاخرين بحسرة. الخيار الثاني- • الصبر واحتساب الاجر، • انتظار الفرج واليقين بأنه قادم، • استغلال الوضع للتقرب لله وتقوية الإيمان، • والاهم عدم وضع سقف للدعاء،ادعي الله واطمعي بكرمه سبحانه
لعرض الإجابة في فدني اضغط هنا