بصي يا بنتي هقولك الخلاصة عشان تريحي قلبك اللي تعب ده بصي الدين مأمركيش تحبيهم بالعافية لأن القلوب بإيد ربنا بس أمرك بالمعاملة الحسنة يعني خليكي إنتي الأحسن واعملي اللي عليكي عشان لما تقفي قدام ربنا تقولي أنا عملت اللي عليكي وهما قصروا وافتكري إن البر مش صفقة يعني مش هيدوني حنان فأديهم طاعة لا ده واجب عليكي لربنا وحده وبالنسبة لدعوات مامتك فمتقلقيش خالص ربنا عدل ودعوة الظالم أو اللي بيدعي بغير حق مش بتستجاب فمتخليش ده يكسرك ولا يهزك والكره اللي جواكي ده نار بتاكل فيكي إنتي فسامحي عشان تروقي وتعرفي تشوفي مصلحتك وحياتك وبكرة ربنا يعوضك ببيت هادي وأولاد تطلع فيهم كل الحنان اللي اتحرمتي منه وتكسري الدايرة دي خليكي مع ربنا وهو هيجبر بخاطرك ويحنن القلوب عليكي أو يرزقك باللي يغنيكي عنهم عاطفيا ونفسيا واستعيني بالصبر والصلاة وربنا يقويكي على اللي إنتي فيه
@Esmat Ali فعلًا البر مش صفقة بس ليه بابا لما جبت 88 في ثانوية عامة زعل وقالي يا خسارة الفلوس الِ صرفتها عليكِ وكمان لما قدمت علي الكلية قالي مصاريف وخلاص يبقي هو بيتعامل كأنها صفقة أنت عليكي المجموع وأنا عليا المصاريف؟ حتي ماما بتتعامل ك صفقة برضو.. المهم دعواتكم أنا ببرهم وأصلا عمري ما هقدر أتمرد عليهم والا ارفع صوتي عشان أصلا لو اعترضت على حاجة بابا ممكن يمنعني من الكلية وعن المصروف ومن كل حاجة!
تم النشر السبت، ٩ مايو ٢٠٢٦
لعرض الإجابة في فدني اضغط هنا